مدونات جيران - وجهات نظر - أجدع سلام للكبير !!!!!!! :أضف تعليقاً جديدا

إبحث عن أشخاص

عنوان المقال : أجدع سلام للكبير !!!!!!!

[English]

fatoma88 مصر

19 سبتمبر, 2007 12:48 م

ازيك يا وحيد
شوفت انا خدت اول تعليق برضه

تنشر المقال بالليل او الصبح ولا بيهمنى
انا فطومه يا ابنى
هههههههههههههه

المهم خلينا فى الجد
الشخص اللى انت بتتكلم عنه عنده مرض الكبار والصغار وعاوز كل اللى صغيرين فى السن يقدمو له فروض الطاعه والولاء قبل ان يتحدثو معه

وانا مش شايفه ان موضوعك عن جيل الكبار والصغار يمسه بأى صوره من الصور
هو اللى خد الكلام على نفسه
عمل زى المثل اللى بيقول

اللى على راسه بطحه يحسس عليها

انت مجرد عبرت عن رأيك وعن رأى الكثير من الشباب مثلك يعانون من ذلك الموضوع فى حياتهم وموضوعك كان اكثر من هايل يا وحيد

اما بقى بالنسبه لموضوع انه جاب سيرة والدتك الكريمه

شوف مادز كان كاتب مقال فى المدونه اللى كان بيعرض فيها المهاترات
المقال بعنوان
الكبير كبير فى اخلاقه وفى شتايمه برضه

هذا العنوان يكفيك بأن تعرف انه متعود على هذا الاسلوب السئ فى الكلام

وطبعا مش محتاجه اقولك على اسلوبه
انت عارفه كويس من ايام مشكلته مع مادز

مالاخر كده هو اللى دلوقتى اثيت انه صغير وصغير او كمان

انا قولتلك يا وحيد وانا بكلمك عا لماسنجر سيبنى اخودلك حقك
قولتلى شكرا شكرا
والله ياراجل ان ماكنتش حلفت بس كنت هخدهولك تالت ومتلت
هههههههههههه

المهم انت كده اخدت حقك
ولا يهمك يا شاعر الرومانسيه اجميل

تحياتى لك

lailaz سوريا

19 سبتمبر, 2007 09:52 م

معلش يا سيدي اعذرني اني اقول لك أنا لم أفهم كل تفاصيل القصة

و لكن ما يهمني أنا هو أنني قرأت مقالك السابق الى اين تتجهوا بنا ايها الكبار, فلم أجد فيه ما يسيئ لك و بالعكس تماما
أعجبني جدا و بصراحة أكثر هناك بعض الكبار بالسن فقط و لكنهم اطفال
و العكس صحيح ممكن تلاقي شاب صغير السن و لكنه عنده خبرة و حكمة رجل ناضج عركته الحياة و عصرته.
فالقصة كلها نسبة و تناسب و كل انسان هو نتيجة ظروفه و اخلاقه و معتقداته.

لن ادخل في تفاصيل لاني توصلت الى ما يهمني و هو مصداقية كلامك و هنا أقف لاترك غيري يرى ما يراه.

شكرا لك و دمت كما أنت

يعدين التدوين ما هدفه؟؟؟؟ أليس لتقول رايك و تمشي, و اترك من يقرأ كلامك يفهمه كما يريد.

بسام البدري فلسطين

20 سبتمبر, 2007 12:49 ص

قلبك أبيض يا وحيد .. انت الكبير برضه .. تلقاه سوء تفاهم وبدون قصد في الغالب ..

بسام البدري

نبيلة غنيم مصر

20 سبتمبر, 2007 12:16 م

الابن العزيز وحيد
أقدر مشاعرك وكل ما كتبته وجمعته لأخى عادل نجم .. وبصراحة لم اكن اعرف انه يقصدك انت بالذات .. كنت احسبه يكتبه في المطلق ولكن عندما أتت تعليقاته بالتصريح بأسمك حزنت كثيرا لأن الأستاذ عادل عندى كبير بالفعل وأعرف انه يحبك ..فأنت يا وحيد شخصية واعية وإنسان مهذب ولا يصدر منك العيب .. وأعرف انك دائما تعبر عنما في داخلك بوضوح .. ورغم تقديري للأستاذ عادل إلا اننى أقول له : يا اخي .. لقد أخطأت في حق وحيد .. فهو في مقالته عن الكبار لم يخطأ في حق أحد بعينه .. رغم أننى أخذت عليه بعض العبارات والتى لم تكن موجهة الي احد بعينه .. هي مجرد وجهات نظر فقط ..
وحيد
اعرف انك تمتلك الرجولة الحقة .. وإنك تملكمن الأخلاقيات ما يجعل الكبير والصغير يحترمك
وتأكد من أن الاستاذ عادل لابد وان يكون له معك موقفا مضاداً .. اعرف قلبه الكبير الذي سوف يحتويك به .. فأنا ضد ذكر الأم وضد الألفاظ التى تؤدى إلي غضب من نحبهم

وحيد .. أعتذر أنا لك عن كل ماصدر من أخي عادل .. وأرجو ألا يغضب أخي عادل من هذا الاعتذار .. فأنا لا اتحمل ان يكون بين اخى وولدى شقاق

قلبك ابيض يا وحيد وسوف تجد بإذن الله ما يسرك
كل سنه وانت طيب يا عزيزى وكل الأسرة الكريمة بكل الخير

tamtamna مصر

20 سبتمبر, 2007 09:19 م

fatoma88 ' مصر ' '
19 سبتمبر, 2007 12:48 م

فطوووووووووم

أخبارك أيه تعرفى لما انتى ضفتى التعليق بتاعك تعرفى كام زائر كان لهذة المقالة فوق الاربعين زائر ولكن اللى بيقرأ كان بيخرج بسرعة ويقول أنا مالى تعرفى أنا بكتب ليكى التعليق وعدد الزائرين فوق المائة
المهم سيبك من ده كله
حلوه قوى اللى على رأسه بطحه يحسس عليها ههههههههه
بس قوليلى أخبار الدراسة معاكى أيه

tamtamna مصر

20 سبتمبر, 2007 09:48 م

lailaz ' سوريا ' '
19 سبتمبر, 2007 09:52 م

العزيزة ليلى أو ليلان كما يقول مادز هههههههه

تعرفى يا ليلى أنا الان عرفت إن كلامى اللى كتبته صحيح فى مقالة إلى أين تتجهوا بنا أيها الكبار بدرجه انى صاحبنا راح ضاف مقالة ونفى كل هذا ربما عندما ضفت هذة المقالة كانت لى رسالة للكبار أقول لهم أنكم تدورون حول أنفسكم فى ماضيكم ويقولون كنا وكنا فعل ماضى فعلا يوجد رجل كبير تصرفاته تصرفات أطفال ويوجد طفل تفكيره يغلب الكبير ويوجد رجل ذو عقل لا يملكه رجل مثله والعكس صحيح
وعندما ضفت هذة المقالة كان لى هدف منها وأن كيف تصرف رجل كبير عندما شاهد كلامى .
ملحوظه أضف تعليق فى مدونتك مش بتعمل عندى وبتهنج الجهاز لما بضغط عليها بتتكرر معاى فى المدونات ولكن لست أدرى ما السبب .

tamtamna مصر

20 سبتمبر, 2007 09:53 م

بسام البدري ' فلسطين ' '
20 سبتمبر, 2007 12:49 ص

العزيز والصديق بسام البدرى

والله أنت اللى قلبك أبيض وزى الفل كمان

مش مهم أكون كبير أو صغير المهم أنى أسمى وحيد وحقول رأيى لآ ى شخص مهما كان
مش مهم السن يا عمنا المهم العقل اللى بيفكر ويكتب

تحياتى لك يا غالى

tamtamna مصر

20 سبتمبر, 2007 10:14 م

نبيلة غنيم ' مصر ' '
20 سبتمبر, 2007 12:16 م

الاْم العزيزة نبيلة

عندما ضفت هذة المقالة ضفتها لآثبت للجميع ماذا فكر شخص عندما ضفت مقالة وقولت رأيى فيها أنتظرت كثيراً حتى يذكر أسمى بلسانه وها هو ذكره
أنا ضفت المقالة ومش منتظر أعتذار من أى شخص وليس لكى الحق أنك تعتذرى وأعتذارك .....
وأقول لكى (هو اللى ينكسر بيصلح ) لما أنسان يغلط فيا أبقى منتظر أعتذار يا أستاذة نبيلة ؟؟ أنا حذفته من كل شىء لدى حتى لو نظرتى فوق إلى الروابط المفضلة مش حتلاقيه تم حذفه
لسه برضوا بتقولى كبير هو الكبير بيغلط ويشتم يا استاذة نبيلة .
على العموم يا استاذة نبيلة أى تعليق حيكون منه ححذفه فوراً مهما كان التعليق وتقدرى تقولى ليه ذلك .
وكل عام وانتى بخير
رمضان كريم

dodo555555 مصر

20 سبتمبر, 2007 10:16 م

العزيز وحيد
عارف ايه اكتر شىء بيضايقنى.. ان الكبير ينظر الى الصغير باستخفاف والعكس صحيح.
لأن هذه النظرة تؤدى الى كارثة حقيقية فى اى خلاف فكرى بينهما. فالكبير ينظر الى الصغير هنا على أنه احمق وارعن وابو مصاصة.. والصغير ينظر الى الكبير على انه قد مضى عمره الافتراضى..
وانا ارى انه لابد من مرونة الفكر والتسامح وسعة الصدر وتقبل واحترام الآخر وفكره مهما كان صغيرا فى السن او كبيرا. لأنه بهذا تسود المشاعر الطيبة بين الناس بدلا من مشاعر الكراهية المتبادلة

souadsaleh المغرب

20 سبتمبر, 2007 11:48 م

وحيد يا وحيد
السلام عليكم و رحمة الله

لم أعلم بما يجري و لكنني أفضل التصالح يا وحيد
ألم تقل : يا رب تكون كل أيامنا رمضان كي يتصالح الكل ؟؟؟؟

أتمنى أن تنسوا ما سبق خصوصا و أنتم إخوة و تلتقون ببعض لترقوا بتدوين مصري أفضل و نحن نود أن نقتدي طبعا بكم

هيا وحيد ، هيا أبو النجوم نرجو منكم التراضي و العفو عما سلف

و نحن ببيوتنا من الممكن أن تتوافق أفكارنا مع الوالدين نظرا طبعا لفارق السن و العكس صحيح

لهذا أعود لأقول لكم تراضوا فيما بينكم و الله المعين
أختكم سعاد البدري

magdasuleiman الكويت

21 سبتمبر, 2007 12:11 ص

ايه يا عم وحيد ..
الكبار واخدين مننا موقف ولا ايه ..
اوعى يا وحيد تكون بتبصلي نفس النظرة لأني أصغر منك بكام سنة ..
ههههههههههههه ..
رمضان كريم يا وحيد ..
الموضوع لا يستحق ..
اترك الخلافات وراء ظهرك ..
فنحن في الشهر الكريم ..
وبعدين يا سيدي مش عاجباك المصاصة إديهالي ..
أنا بحبها ..
وحيد انت طيب القلب وغنالك محمد عبده ..
يا طيب القلب ..
ما يكتب أو يقال في لحظات الانفعال مش محسوب ..
وتعالوا بينا بمناسبة الشهر الكريم نسيبنا من اهانات الكبار لينا ..
ونفرح ونضحك ..
وتكون قلوبنا صافية صفاء السما في يوم صحو ..
ويا عم تعالى نتصالح ..
دمت متألقا جميلا وتقبل تحياتي

ngoom57 مصر

21 سبتمبر, 2007 04:16 ص

الاخ المحترم وحيد
لم اكن اعلم انى صاحب هذا الموضوع حتى دخلت مدونتك ولكنى تعجبت لانك اخدت كلامى كلة على انة موجة لك وانا اقسم باللة انك لم تكن مقصودا باى كلمة لا انت ولا غيرك وانما هناك من زرع فى راسك هذا الوهم وانت تعلم انى لو اردت ان اهاجم احدا ماترددت ان اذكرة بالاسم ولا اخشى فى الحق من احد وانا هنا عندما اقول فى مقالى عن امراض اراها عند بعض المدونين فلااقصد بها احد بعينة انما هى كلمات فى المطلق واما عن موضوعك انت وخالد فانا غضبت من اسلوبك فى مخاطبة خالد وتركت لك تعليق بذلك لكنى لم اقصدك فى مقالى باى شىء
وكان من المفروض ياسيدى اذا كنت قد فهمت ماقلتة على انة موجة لك كنت واجهتنى وسألتنى هل انا اقصدك ام لا وانا والحمد للة لاتنقصنى الشجاعة فى ان اقول لك نعم لو كنت اقصدك .وحيد نحن رجال والخشا بين الرجال بيخرب الدار متل مابيقولوا .لكن مافعلتة عيب كبير فى حقى وحقك .
اما بالنسبة لتعليقات الاخوة هنا فانا لن اطالبهم بالاعتذار عن ماقالوة هنا ولكنى سااطالبهم بالاعتذار لانهم جعلونى اجهل هذا الموضوع وانهم حرمونى من توضيح وجهة نظرى .
ثم ايها الصديق لقد اتهمتنى ونصبت من نفسك القاضى والجلاد اليس من حقى كمتهم ليس الدفاع وانما حتى اعلامى بأنى متهم ام انة من المتعارف هنا فى جيران ان المتهم اخر من يعلم .
وانا بتوضيح هذة الحقائق لا ادافع عن نفسى او احاول ان اثبت برائتى لكن هنا لاقول لمن زرع هذة الخزعبلات فى راسك انا لست مادة للهو وان كان هناك من يريد ان ينازلنى فليكشف وجهة وليواجهن هو لا ان يلجأ الى شغل الحريم ويؤلب الناس ضدى
اننى اكبر من ان اشتم او اسب احدا ثم انكر ذلك ولكن ماذكرتة هى الحقيقة واذا اردت نشرها فاأهلا واذا لم ترد فاأهلا انما هى حقيقة الموضوع كما هى انما اذا كان لك رأى اخر فاأهلا بك فى ساحات الوغى فارسا .

اللهم اعطى اصدقائى واعدائى مثل مايتمنون لى فى قلوبهم

ngoom57 مصر

21 سبتمبر, 2007 04:28 ص

الاخت فطومة
لم اكن اعلم انك طبيبة نفسانية وانك تقومين بتحليل شخصيتى وانى مريض ةثم انك لاتعرفينى ولا تعرفى انى اريد من الصغار ان يقدموا لى فروض الطاعة والولاء .
ثم تقولين ان عل راسى بطحة يبدو انك مكشوف عنك الحجاب فعلا انا على راسى بطحة وهى انى اعطى اهتمام لامثالك واسمح لهم ان يشخصوا حالتى المرضية.
ومن اصرارك على اتهامى بانى كنت اقصد وحيد بكلامى فيبدو انك والبعض او لنقل الكتكتوت اياة انتم من حولتم الموضوع الى وحيد .
اما عن تعودى على الاسلوب السىء فى الكلام فهذا بعض مما عندكم فانتى ومن ورائك مادفعتونى الى فتح قاموس الشتائم
واختيار مايليق بكم منها.
وبعدين انا لاحاولت ان اثبت انى كبير ولا صغير انتى بخيالك المريض الذى صور لكى انى احاول ان اثبت شيئا وانا كبرت على اثبات ذاتى انما طفلة مثلك هى من تريد ان تثبت ذاتها على حسابى .
ابنتى العزيزة
ماكتبتة هنا هو قطرة من فيض فاما ان تعودى الى صوابك وتتعاملى مع الامور من منطق العقل فتكفينى وتكفى نفسك مهاترات لن تفيد احد واذا اردتى ان تتمادى فى غيك فانا معك وعلى الرحب والسعة .
عادل نجم

ملكة النحل
21 سبتمبر, 2007 11:21 ص

العزيز وحيد
رمضان كريم
قلبك طيب وكبير
والان الاخ عادل وضح وجهة نظره
اتمنى ان تحتوي الموضوع وان يغلق
ولاجل رمضان والتماس الرحمة والمغفرة
تحابو وتصالحو

fatoma88 مصر

21 سبتمبر, 2007 11:35 ص

وحيد
ازيك

اسمحلى ارد عل الاستاذ عادل نجم
شوف يا استاذ عادل
مش بقولك عندك مرض الكبار الصغار

لدرجة انك بتتكلم معايا على انى طفله
هههههههههه
لا اطمن انا كبرت من زمان
ده الا
اما ثانيا انا لسه مصره ان اسلوبك سئ وانك صغير
ومش خيالى المريض اللى قالى كده
مقالاتك المستفذه هى اللى بتقول كده
وانا اقدر على اثبات ذاتى بدون الحاجه الى رأيك اللى بتقول فيه انى لا اقدر على اثبات ذاتى
على فكره رأيك مايهمنيش اصلا
وياريت لما تتكلم عن مادز تقول اسمه
لانه مش عيل صغير لسه فى الحضانه هتقعد تقول عليه كتكوت
مادز اسمه الناس كلها عارفاه وياريت تتكلم عنه بأسلوب افضل من ذلك
لانه انسان يستحق التقدير والاحترام من كل واحد فينا

ولا انا ولا مادز اقنعنا وحيد انك تقصده
عارف ليه؟

لاننا مش فاضيين ندخل مدونتك اصلا ونقعد نشوف انت تقصد مين ونقعد نقنع وحيد انك تقصده

واعتقد ان وحيد لوحده يقدر يحدد انت تقصد مين مش محتاج ليه انا ومادز عشان نقنعه

لا وكمان حضرتك بتهددنى فى اخر التعليق يا اما اعود لصوابى
واما ......
ايه هتحط السيخ المحمى فى صرصور ودنى

انا عمرى ما اغير رأيى فى شخص عشان شوية كلام مايهمنيش اصلا
ده غير انى داخله على دراسه ومش فاضيه اقعد افكر فى التهديد اللى مالوش لازمه ده

انا اسفه جدا يا وحيد على التطويل فى التعليق واسفه برضه اذا كان فى الفاظ سيئه اتقالت
بس اعذرنى يا وحيد التعليق استفذنى اوى

tamtamna مصر

21 سبتمبر, 2007 03:53 م

عادل نجم

يؤسفنى أن أقول لك أنك كذاب نعم أنت كذاب ولا تدرى ماذا تكتب
أولا أنا مش صغير عشان أسمع أى واحد يقول لى انت المقصود فى المقالة دى أو يقول لى أى شىء لو تعرف أن الكثير قال لى بلاش نحن فى رمضان ألغى هذة المقاله
أنا قولت أنى ححذف أى تعليق ليك ولكنى لم أقوم بحذفهم ولكنى حقوم بالرد عليك ولكنك لا تستحق الرد
بتقول انك لسه شايف المقاله دى
ده جيران كلها شافت المقالة دى مش معقول لسه شايفها
جأت لى وتركت هذا التعليق
اضيف في 05 سبتمبر, 2007 02:48 م , من قبل ngoom57
من مصر said:
وحيد
اشكرك على كل ماقلتة وعلى مالم تقولة واظن رسالتك وصلتنى .

عادل نجم
بعدها حضرتك قومت بأضافة مقالة ضد المقالة اللى ضفت فيها التعليق ده
سكت ولم اْكتب أى تعليق فيها وألتزمت الصمت وقولت انا مالى حتى جأت حضرتك وكتبت هذة الجملة فى ردك على الاستاذ خالد الصاوى

اننا ياصديقى ليس بيننا الا كل خير وانا كتبت مقالى السابق ايضا بسببك وبسسب النقاش الذى دار فى مدونة وحيد

تقدر تقول أيه معنى الجملة دى ولا فيه شخص تانى فى جيران أسمه وحيد وانا مش عارف
ليس لك الحق انك تكتب مقالة وتشتم وتسب فيها وبعدها تقول كتبتها بسبب النقاش الذى دار فى مدونة وحيد سواء كنت أنا أو غيرى
مش أول مرة تعملها تسب وتشتم فعلتها قبل كده كثير
أما بالنسبة لتعليقك الثانى أغليط مرة أخرة فى من كتب تعليق أو لم يقوم بكتابة تعليق وأغليط فى شخص مش موجود فى التعليقات نهائى ومش حرد عليك لآنى صائم وحقول لك لو كنت أنت على حق ما كنت كتبت هذا الكلام ومش من حقك أنك تغلط فى أصدقائى فى مدونتى وتغلط فيهم وعايزهم يعتذرو لك يعتذروا لشخص لا يدرى ماذا يكتب .

الحجاب واخر كلام لاختي المسلمة مصر

21 سبتمبر, 2007 07:21 م

اخي العزيز دعني جانبا من التعليق على هذا الموضوع حيث اننا في شهر رمضان ولا داعي لاي خلافات والله يصفي النفوس

اريدك باقصى سرعة قراءة موضوعي الجديد عن الحجاب ومحاولة نقلة ونشرة حتى يستفاد اكبر عدد ممكن من الناس

الآن على موقع باقة امل

موضوع جديد بعنوان:
الحجاب واخر كلام لاختي المسلمة العربية المصرية المغربية الاردنية وكل المسلمات في الوطن العربي

على الرابط التالي
http://wenda.je eran.com

او على الرابط السريع

http://wenda.je eran.com/wenda/archive/200 7/9/327847.html

في انتظار ارائكم وتعليقاتكم

Mads
21 سبتمبر, 2007 08:35 م

مش عارف أقولك ايه ..
لسه فاطمه معرفانى دلوقتى
معلش يا وحيد ،
انت "الكبير"

* بالمناسبة "ليلان" دى بتاعتى متقولهاش تانى أحسنلك :)

رَوَّق بقى وركز فى الدراسة يا (باش) مهندس
:)

Mads
21 سبتمبر, 2007 09:10 م

آه نسيت،
"على العموم يا استاذة نبيلة أى تعليق حيكون منه ححذفه فوراً مهما كان التعليق وتقدرى تقولى ليه ذلك"

بالعكس يابنى ، سيب أى تعليق بتششتم فيه ، مش بس تسيبه ، دا نت تبروزهم وتعلقهم على صدر المدونة كنيشان نجاح.
انا جربت كل حاجة فى المواضع دى ، جربت الحذف فى موضوع ايمن الرفايعة عند دودو ، وافقت ان التعليق اللى شتمنى فيه يتحذف ، كان هدفى انى مكبرش الموضوع ، لكن عارف ايه النتيجة؟ النتيجة ان حقى ضاع!
وجربت الرد الإنفعالى وجربت الرد المستفز ، جربت الرد بالمثل ، جربت الرد الهادئ ، وغيرهم ..
لكن أحلى وأجمل رد هو "التجاهل" أيوة هتبقى حاسس بالظلم ، أوية هتكون عاوز تدافع عن حقك وعن كرامتك ، أيوة مش هتهون عليك الصورة الجميلة اللى شوية أغبياء بيشوهوها ، لكن فى الحالة دى إنت هتكون إنسان قوى ميهزوش حماقات بيرتكبها أعداء النجاح ، أنا مش بتكلم عن شخص محدد بعينة ، لكنى بتكلم عن ناس كتيير موجودين حواليك فى أى مجتمع بينك وبينه علاقة ، تصادف إن مجتمع جيران فيهم نسبة كتيرة من الناس دول [بالمناسبة كلهم دخلاء علينا بقالهم شوية شهور بس] ، واللى يصيبك بالشلل انهم بيتكلموا عن التدوين وهم أبعد ما يكونوا عن هذا المصطلح وما يحويه من أسس تؤهل "الشباب" لتشكيل مستقبهم ومستقبل دولهم ومجتمعهم كما يريدون!
فى يوم من الأيام ستجدنى جامعاً لما أستطيع أن أحصل عليه من شتائم وُجِّهت إلىَّ وواضعاً إياها فى مقال وأتلوه بابتسامه ، وأعدك تعدنى بأنك ستكون سعيداً وأنت تكتب هذا المقال.
كن سعيداً لأنك كنت ضحية "رأى" حُر فى مجتمع سجين ، وكن سعيداً لأنك إفراز جيل (التك آوى) كما يرددون ويتناسون أنهم إفراز جيل تربى على الرعب من (زوار الفجر) و التعذيب والقتل و والإهانة فى معتقلات (حاشية) عبدالناصر جيل تجرى فى دماؤه كرات النفاق والمواسله فى الصحف الحكومية على مدى عقود طويلة (ولا تزال).
ماذا تنتظر من هؤلاء؟ هل تنتظر منهم أن يختلفوا معك بهدوء؟ هل تنتظر منهم أن يقبلون أن تتساوى معهم فكرياً لا عُمرياً؟
هل يقبلون أن تسحب البساط من تحت أرجلهم وهم الأكبر سنا والأعلى شأناً والأعظم هيبة والأقل نشاطاً؟ ، هل تنتظر منهم أن يحترموك وهم من تعرضوا لشتى أنواع التجاهل والإهمال من أهلهم وهم صغاراً؟
حِقد أحمق وغرور وتكبر والتبرير ..

Mads
21 سبتمبر, 2007 09:17 م

حِقد أحمق وغرور وتكبر والتبرير .. (احنا كبار) (احنا لفينا الدنيا كلها) (احنا جربنا كل حاجة) وتلاقيهم مش عارفين وظيفة Shift اللى على الكيبورد اللى قدامهم!
يا عم سيبك ، ركز فى دراستك وفى الاعداد لمواضيعك القادمة ، واللى يجي يشتم ويمشى انسخ التعليق وبروزه وخللى كل الناس تشوفه ، افخر بنفسك وكن قوياً ولا تلتفت للتفاهات ،وكما قال انيس منصور: "أن يقول الناس عنك مغروراً .. افضل من ألا يقولوا عنك شيئ" وغالبا بيقولوها عشان انت احسن منهم.
كلامى ده موجهه ليك ولفاطمة ولشرفاء هذا الجيل ولبعض من محترمى جيل الكبار (مجازاً) وللباحثين عن الحقيقة من أمثال جيل أولادك وأحفادك الذين نأمل لهم أن يتمتعوا بحرية مطلقة وبتبادل إحترام مع جيلنا (جيل الكبار مجازا فى 2050) وسنربيهم من الآن على الإختلاف معنا وعلى الثورة والعتراض ، على عدم ذِكر كلمة (كبير وصغير) أبداً مهما كان ، المقياس هو العقل ، هو النجاح ، هو كل شيئ ما عدا العُمر.

[ونصفه مغفره ، وآخره عتق من النار] ، وطالما الرحمة فاتت ، فمفيش قدامنا غير إن ربنا يغفرلنا ويعتقنا للنار..
فى أمان الله،،

tamtamna مصر

21 سبتمبر, 2007 09:40 م

dodo555555 ' مصر ' '
20 سبتمبر, 2007 10:16 م

العزيزة دودو

أنا معكى انه يجب أن يكون تقبل وجهات النظر وكل شخص يحترم وجهة نظر الاخر بدون أن يغلط و يشتم ولكن كما أنتى شايفه بيغلط ويشتم وتيجى تواجهيه يقول انا لم أقصد شخص وبالرغم من ذكر الاسم فى تعليقه
تحياتى

tamtamna مصر

21 سبتمبر, 2007 09:48 م

souadsaleh ' المغرب ' '
20 سبتمبر, 2007 11:48 م

الاستاذة سعاد البدرى

نعم أنا قولت أتمنى ان يكون كل أيامنا وكل الشهور رمضان كى يتصالح الجميع لكن انتى تعرفى اننى مش بسكت عن شىء مهما كان وإزاى أتصالح مع شخص لا يدرى ماذا يكتب فى كلامه إزاى أصالحه وهو بيغلط فيا ويرجع يقول مش انت المقصود ولا أحد مقصود فى هذة المقالة أمال مين الذى لا يملك الشجاعه لكتابة تعليق عنده لا أدرى
أنا عن نفسى لم أصالح أحد غلط فيا
شكراً على أنك تودى أن يكون الخير والود بين المدونيين .

tamtamna مصر

21 سبتمبر, 2007 09:54 م

magdasuleiman ' الكويت ' '
21 سبتمبر, 2007 12:11 ص

الاستاذة ماجدة سليمان عندنا يا مرحبا يا مرحبا
هههههههههههههه انتى اصغر منى بسنتين بس ههههههههههههه
مش عارف الكبار اليومين دول مالهم بينا والنبى يا أستاذة ماجده كلميهم عقليهم شويه قولى ليهم أنتم كبار بلاش غلط أو شتم هههههههههه
على فكرة أنا بكرة محمد عبدة ومش بحب اسمع أغانى ليه ههههههههههه
انا فعلا حترك الخلاف وراء ظهرى ومش حنظر ليها
وان شاء الله المقالة القادمه حتكون عن أرض النفاق :)

تحياتى لكى

tamtamna مصر

21 سبتمبر, 2007 09:57 م

ملكة النحل
21 سبتمبر, 2007 11:21 ص

العزيزة منى

والله أنا شايف أن وجهة النظر بتاعته دى كاذبة وأليكى قراءة تعليقاته مرة أخرى وقراءة المقالة دى وأحكمى أنتى بنفسك
كل سنه وانتى طيبة
رمضان كريم

tamtamna مصر

21 سبتمبر, 2007 10:07 م

fatoma88 ' مصر ' '
21 سبتمبر, 2007 11:35 ص

هههههههههههههههههه
أيه يا فاطمة الكلام الجامد ده ههههههههه

سمعتى أخر نكته

واحد كبير بيقول رسالتك وصلتنى وبعدها يقول مش انت المقصود ولا غيرك هههههه
سمعتى النكته دى قبل كده هههههههههه

*********************
الحجاب واخر كلام لاختي المسلمة ' مصر ' '
21 سبتمبر, 2007 07:21 م

أحمد ويندا أدعك جانبا من هذا الموضوع وعايزنى أزور مدونتك ههههههه

ربنا يسهل يا صديقى واقدر اشوف موضوعك عن الحجاب
تحياتى لك يا غالى

dodo555555 مصر

21 سبتمبر, 2007 10:54 م

الله انا خايفة يا وحيد بهذه الطريقة ألا يكون هناك اجتماع للمدونين مرة أخرى..
روق يا عم وحيد واقرأ موضوعى: كيف تنفر الناس من الإسلام!

tamtamna مصر

21 سبتمبر, 2007 10:57 م

Mads
21 سبتمبر, 2007 08:35 م

صديقى العزيز مادز

بخصوص ليلان مش حقولها تانى والنبى حرمت ههههههههههههه

أما بخصوص الموضوع ده فالكبار الايام دى يعتقدون دائما أنهم على حق وأن الصغار أو الشباب تافهون وليس لهم عقل للتفكير مع أن أغلب الكبار لا يتصرف بحكمة فى أى موضوع ومنهم هذا الشخص الذى راح سب وشتم وفى الاخر قال لست أنت ولا غيرك المقصود
أننى يا صديقى سعيد اليوم أن كلامى الذى قولته فى مقالتى السابقة التى تحدث عنها عن الشباب والكبار حدث منها هذا حدث أن من الكبار شخص أسرع وضاف مقالة ضد هذا الكلام المذكور فى المقالة السابقه
أنا يا صديقى لم أتعودعلى أنى اسكت عن حقى مهما كان لو سكت أبقى جبان
أزاى يتم ذكر أسمى وأسكت وهو بيقول المقالة السابقه لوحيد كيف أترك أسمى وكأن شىء لم يكن وبعدها يأتى ويقول لست أنت المقصود ولا غيرك وكتبتها من المطلق وهل من المطلق أننا نغلط ونسب ونشتم أم كيف يتحدث هذا الانسان لا أدرى
تعرف يا صديقى أن كل من غلط فيا أو سبنى أو شتمنى أحتفظ بتعليقاته حتى المقالة التى تم حذفها من جيران أحتفظ بها وبالتعليقات التى كانت بها ربما أقوم ذات يوم بأنشاء مدونة لذلك عشان كل شخص يقول رأية ومن يختلف فى الرأى يا مرحب بيه
للاْسف يا صديقى يوجد فى جيل الكبار أطفال فى تصرفاتهم وأفعالهم حتى فى كلامهم ولكن المجاملة من بعضهم لبعض هى من عمتهم لآن الحقيقة دائما بتجرح
سوف أثبت لهم أن الانسان مش بالسن الانسان بالتفكير وتدبيره للامور
الكبار لا يريدون أن تسبقهم فى أى شىء يريدون أن نبقى أضعف منهم ولا نتقدم عنهم أن نضرب لهم تعظيم سلام ونقول لهم برافوا برافوا أنت هايل أنت أبو الافكار كلها ومنين جبت الفكرة دى مع أنها تبقى فكرة فاشلة ولكننا نجامل ولكن لو قولت كلمة حق الدنيا كلها تخرب وأزاى تقول الكلام ده للى أكبر منك مع أنها هى دى الحقيقه لازم تنافق عشان تكسب أى شخص والنفاق مثل المجاملة .

تحياتى لك يا غالى

كل سنه وانت طيب

tamtamna مصر

21 سبتمبر, 2007 11:04 م

dodo555555 ' مصر ' '
21 سبتمبر, 2007 10:54 م

متخافيش يا دودو على أجتماع المدونيين المصريين كما هو لم يحدث به شىء
وحيكون فى معاده أن شاء الله بس هو خلاف بسيط وحيتحل ان شاء الله

رمضان كريم

tamtamna مصر

21 سبتمبر, 2007 11:17 م

مادز
نسيت أذكر الجملة دى لما انت قولت الجملة دى ههههههههههه

،وكما قال انيس منصور: "أن يقول الناس عنك مغروراً .. افضل من ألا يقولوا عنك شيئ" وغالبا بيقولوها عشان انت احسن منهم.

تعرف أن مدونتى محطة أنظار الجميع

الموجودين فى جيران كلهم
الكل لازم يجى يصبح وميسى علي مش فى التعليق لا فى عدد الزائرين هههههههه
ممكن تقول مغرور هههههههههه

تحياتى لك

Mads
22 سبتمبر, 2007 12:02 ص

ماشى يا جامد
ربنا يعطينا من بعض ما عندكم
دا احنا غلابه
:)
ياللا بقى منتظرين المقال اللى بعده،،

MAGNENO مصر

22 سبتمبر, 2007 06:27 ص

صباح الخير يا جميل أخيرا تاكسي جابني من الزقازيق لسوهاج دول طلعوا عنيا من الصبح أقول لهم يا جماعة دي فركة كعب يقولوا لأ بس تصدق فعلا هي فركة كعب كان المفروض أركب بسكلتة
ههههههههه
الابن الغالي جدادا جدا وحيد غزال جيران الأسمر كم هي سعادتي وأنا بين سطورك وأم تفخر بابنها
هههههههههههههه هاعجز نفسي شوية صح ؟؟؟
بس هي دي الحقيقة
فعلا أنت ابني وأنا فخورة بيك أنا عندي ابن واحد ووحيد أخ ليه .

--------------
ندخل بقى في الموضوع
أقسم لك أنني منذ البداية ما كنتش فاهمة حاجة
لكن ما أستطيع قوله هو أنكم يا شباب قرة عين الوطن ومستقبله ولابد من احتضانكم لاستخراج كنوزكم المكنونة وثوراتكم الشبابية الثقافية الفكرية قلت قبل ذلك أنني من جيل الوسط . وأستطيع الدمج بين من قبلي ومن بعدي بفضل الله
والشباب هم المستقبل فلا يجب أن يصادر رأي ولكن على الجانب الآخر أنصح بعدم استخدام النصيحة المباشرة مع الشباب عامة لأنه عنيد لابد من التعامل معه بذكاء وحنكة فالشباب هم عيون الأمل
وخاصة في سوهاج
مين بقى هايشغل محطة المية اللي افتتحا الريس مش أنتم ؟
طبعا أنا عن نفسي آخري أشغل البوتجاز والغسالة وجيران
هههههههههههههههه
لكن الشباب سوف يشغل سفن فضاء على مستوى العالم وبعدين يا وحيد أؤمن أنا بالتزاوج الفكري بين الأجيال ثماره عظيمة وجدا رائعة
وأخيرا أنا اتأخرت آسفة يا وحيد لأن مقالتك بأمانة كانت تستحق مني تركيز وكمان أنت عارف العيون الملونة دي ملهاش لزمة وما بتشفي كانت مريحة حبتين مني والحمد لله اشتغلت
وصباح الفل على جيران وعلى سوهاج

elnomany مصر

22 سبتمبر, 2007 09:54 ص

انا عمده اونطه
اقر واعترف بذلك
شوفولكوا عمده تاني
وان كنتم مش موافقين حسافر كوالالمبور اعيش هناك واستجم واخلص منك ومن نجم ومن مرفت وحنفي
غلبوتوني وجبتولي الضغط منكم لله
ح اكنس عليكوا السيده وح انكش شعري ف القمره وادعي عليكوا
رووووووووحووووووووو
رمضان كريم والطيب احسن

badd مصر

22 سبتمبر, 2007 10:48 ص

أخي وحيد أولا كل عام وأنتم بخير
أحب أن أقول لك إن رغبت في نصيحني أراك في الفترة الأخيرة تركت إبداعك وخطك الذي كنت تسير فيه وكنت مميز فيه وأصبحت تدخل في معتركات حول الذات وأراك تريد إثبات ذاتك وذلك من خلال دخولي معك في سوء تفاهم بدر منك بعد أن تسرعت في قراءة أحد تعليقاتي وأقول لك طالما أن صاحب المقال لم يصرح باسمك وأقسم لك أنه لايقصد فكان عليك تصديقه فالشرع يقول في ذلك (البينة على من أدعى واليمين على من أنكر ) وأراك اباعدت عن تحكيم الشرع والعقل في تصرفك مع الأستاذ عادل
لي رجاء عندك ألا تغرنك تصفيقات البعض فهم لايفقهون ولا يملكون إلا التحزب الأعمى لشلة ما أنت تعرف تمام المعرفة يا وحيد أنني منذ اللقاء وأنا فعلا أحبك وأرى فيك مستقبلا جيدا فقط كل ما أرجوه منك دائما أن تحكم عقلك في كل الأمور لأنني لا أحب أن أراك يا صعيدي (محقوق )ولو أننا في (قعدة عرب ) لأصبح عندك الحق وعندما أخرج من بحثي وقراءاتي حتى أعلق هنا فهذا دليل المحبة ولأنك تعرف أنني لاأحب أن أدخل في أي حوارات لاتفيد وخاصة في هذه الفترة وأقول لك فصل القول الذي قلته أنا للبعض ولم يصدقوني وأحصل على دليلي من قول الأخ مادز كل سنة وهو طيب أولا ولست أدينه طبعا بقولي هذا بل أعتضد بقوله على صحة رأيي ولننظر لقول مادز ([بالمناسبة كلهم دخلاء علينا بقالهم شوية شهور بس] ،) هذه هي المحرك الأساسي في الصراع والمشاحنات أن هناك البعض كان مميزا قبل زيادة العدد فمنهم من كان الشاعر الأوحد ومنهم من كان الفلسوف الأوحد ومنهم من كان الإمبراطور الأوحد لكن مع ازدياد العدد وظهور الكثير والكثير من أصحاب الرأي والفكر وضاعت أصوات المدعين فمنهم من بدأ يثير الجدل ليحافظ على شهرته ومنهم من انسحب باحثا على جمهور خاص به في مكان آخر ومنهم من تعثر وأخذ يخبط هنا وهناك وأين جمهورهم القديم الذي كان يبلغ بالمئات يحملون الأعلام واللافتات وحملات التصفيق وراء هذا العظيم لقد تشتت الجمهور بين هذا وذاك كل بحث عن المدونة التي يستفيد منها وكل بحث عمن يتقارب معه فكريا
أقولها يا وحيد وأنا أصدقك قولا أحب أن تسير مع المدعين إن أردت أن تكون وحيد
وأقول أيضا إن الصراع هنا صراع ليس كما يتصور البعض بين الكبار والصغار بل بين القديم في جيران والحديث فيها فيحاول من يتمتع بالأقدمية أن يحافظ على مكانته وهكذا أعرف أني أطلت ولا أخفيك سرا منذ أن تعرفت ع

badd مصر

22 سبتمبر, 2007 10:52 ص

شعرت أنني وجدت خالد وهو في مثل سنك لذلك إما أن تكون أو لاتكون
والله أكتب لك بمنتهى الحب والود والحرص عليك

badd مصر

22 سبتمبر, 2007 10:57 ص

أخي مادز كل عام وأنت بخير أرجوك تكرار كلمة الحاسوب الآلي وبعض عباراته ليس مزية لأننا يا صديقي ولا أنتم من صنع هذه الآلات بل الصينيون فالجهاز الذي أمتلكه صيني الصنع وليس مصري الصنع وليس مصنوعا بأيدينا نحن حتى نتباهى بالمسألة وكلنا يعرف كيف يستخدمه بل لقد حققنا فيه تقدما كبيرا يا باش مهندس أرجوكم يا جماعة أن تأخذوا من سيدا شباب أهل الجنة سبطا رسول الله موعظة في التعامل مع الكبار والحديث معروف لنتعلم منه
هل تعرفون أن من علامات المنافق أنه إذا خاصم فجر
أقول قولي هذا واستغفر الله العظيم من كل ذنب عظيم
رمضان كريم

badd مصر

22 سبتمبر, 2007 11:11 ص

إلى العمدة النعماني
قلت لك سابقا إنني لست خاضعا لعموديتك
لأنني في ضاحية فيه قسم شرطة وليست عمودية حتى القرية التي أنتمي إليها هنا أيضا بها نقطة شرطة أعملك إيه
على فكرة واضح إن العمودية كدة تعبت راسك وأرجوك أن تتدخل لحل مثل هذه المنازعات التي هي في الأساس اختلاف في وجهات النظر أو لسوء الفهم في بعض الأحيان وإذا لم تتدخل فسوف أقوم بانقلاب قروي وثوري ضدك وننصب أحد الشباب مأمور ونخلص منك يا عمدة علشان لما يبقى فيه مأمور لن يكون هناك عمدة مطلقا مارس سلطاتك يا عمدة ولا أنت فالح بس في فيلم الزوجة التانية تتشطر على شطري سرحان والست سناء جميل تقولك الليلة يا عمدة وانت تقول لها هي حبكت
ههههههههههههههههههه
خمسة فرفشة يا عمدة
شفت السلطة بتنفع إزاي لو أنا خاضع لعموديتك كنت خفت جدا معاك
على العموم تدخل بما يجب أن يفعل في مثل هذا الأمر وتوضح الأمر لوحيد لايجب هنا التعليقات الدبلوماسية لأنها لاتحل ولا تربط في مثل هذه المواقف ......
يا.......................... ..
يا.......................... ..
حبيبي - وصديقي - لكم عمدة وسلطة لا تعبنا من السلطة
كل عام وانتم بخير
على فكرة كل يوم يدي تقع على كتب تثيت أنني أسير في الاتجاه الصحيح من بحثي وشكله يا عمنا يا خال ها يكبر الموضوع جدا غير ما كنت متوقع يعني كده ممكن يدخل فوق المائة وخمسين صفحة على الأقل

Mads
22 سبتمبر, 2007 08:01 م

بعد إذنك يا وحيد،
أستاذ خالد ، أظن ان احنا متفقين إن حتى لو جهاز بأهمية الكومبيوتر صناعة صهيونية فده شيئ اساسى اننا نتعلمه ونحترفه .. أنا اللى ذكرته كان مجرد مثال مش عارف ليه حضرتك علقت عليه ، عموما فى امثلة كتيرة غير الكومبيوتر والتكنولوجيا ، وأكرر إن كلامى مش لشخص بعينه عشان أنا مش ناقص مشاكل.
بالمناسبة ومن علامات الجاهل إنه أحمق
كل سنة وحضرتك بخير

tamtamna مصر

23 سبتمبر, 2007 12:49 ص

MAGNENO ' مصر ' '
22 سبتمبر, 2007 06:27 ص

العزيزة مجانينو

أنتى تشرفينا وتنورينا فى أى مكان سواء فى مدونتى أو سوهاج يبقى لينا الشرف والله ان مجانينو تكون عندنا

بالنسبة لموضوع اللى أنا زهقت من تكرار أسمه شكل الكبار كده عايزين يكونوا فى كل حاجه عايزين يحطموا الشباب
بس قوليلى أنتى متابعة خطوات الرئيس حتى فى سوهاج أيه الحكاية ههههههههههه

tamtamna مصر

23 سبتمبر, 2007 12:53 ص

elnomany ' مصر ' '
22 سبتمبر, 2007 09:54 ص

النعمانى

مش مهم عمدة مش مهم اللقب ده

المهم انك تكون معانا بالنعمانى اللى عرفته من أول ما دخلت جيران بقلبة الطيب لا داعى أن أكتب أكثر حتى لا تقول دى مجاملة
أهم حاجه يا عمنا انك تكوت فى أحسن حال وأبتعد عن أى شىء يوترك ويضايقك
كل سنه وانت طيب
رمضان كريم

tamtamna مصر

23 سبتمبر, 2007 01:27 ص

badd ' مصر ' '
22 سبتمبر, 2007 10:48 ص

الاستاذ خالد الصاوى

انا لم أترك أبداعى كما تظن أنا يا صديقى لدى الكثير والكثير ولكن كلما فتحت هذا الموقع كلما دخلت هذا المجتمع أرى أشياء تغضبنى وتجبرنى أن لا أكتب فأنا لدى الكثير ولكن أحتفظ به لنفسى هل تعلم أن أول بدايتى فى جيران كنت أدخل بهذا الاسم وأكتبه فى كل تعليق شاعر الرومانسية وحيد صاحب الاسم ده كان طيب كان مش عارف هو بيتكلم مع مين ولكن هو الان فهم كل شخص على حقيقته تقول أننى أبحث عن ذاتى لا يا صديقى لست انا من يبحث على ذاته بينكم فأنا قادر على إثبات نفسى
هل تتذكر هذا التعليق
اضيف في 04 يونيو, 2007 09:50 م , من قبل kher1
من مصر said:
انا سعيد بحضوري هنا وكم ندمت لتأخري لنا لقاء خاص قريبا ان شاء الله
أتمنى أن تكون تذكرته
كل من دخل معى فى معترك كان بشىء معين تعرف يا أستاذ خالد أخويا اللى أكبر منى بحوالى ضعف عمرى عندما يفعل شىء يستشيرنى ويأخذ رأيى قبل أن يفعلها تعرف ليه حتى لا تكون غلط وندخل فى حوارات ومناقشات كثيرة ونختلف وربما تصل للخصام
ربما صديقك الذى يقول لست انت المقصود وفى تعليقه هنا بيقول أنا غضبت من مخاطبتك مع خالد أى مخاطبة يتحدث معها لا أدرى أى أسلوب يتحدث عنه لا أدرى هل أنا أخطأت فى شىء فى مخاطبتى معك بل كان سوء تفاهم وعندما علمت أعتذرت لك لكن هو زار مدونتى وعندما شاهد تعليقاتك أسرع وضاف مقالته وفى رده عليك يقول يؤكد أننى المقصود وبعدها يأتى ويقول لست انت ولا أحد المقصود فى المقالة ولا أدرى من الشجاع الذى لا تكن عنده الشجاعه لكتابة تعليق عنده لا أدرى لا أدرى عندما قال رسالتك وصلتنى يا وحيد لا أدرى ما هى الرسالة التى وصلته انا الان بكتب لك التعليق وانا متأكد ان كل زوار هذة المدونة سوف يشاهدونه ويوجد من يريد أن يمسك علي كلمة
للاسف يا أستاذ خالد كاد النفاق أن يسيطر على الجميع ويقتلهم
أنا يا أستاذ خالد أريد أن أسير مع نفسى وليس مع غيرى ربما غيرى يغرقنى ولكن عندما أسير مع نفسى ربما لو غرقت أكون متحمل ذلك أتمنى أن تكون فهمت قصدى أى ليس كما تظن أننى أسمع على الماسنجر كلام هذا وذاك فأننى فى هذة الفترة مش موجود على الماسنجر وقليل من أتحدث معهم لآنى غالباً بكون أوف لاين أى لست متصل
كل سنه وانت طيب
رمضان كريم

tamtamna مصر

23 سبتمبر, 2007 01:31 ص

Mads
22 سبتمبر, 2007 08:01 م

أهلا صديقى العزيز

نورتنا والله يا مادز المدونة مدونتك يا صديقى

نشرنا مقالة جديدة أتمنى أن تقرأها

أرض النفاق

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

اعلمني بالتعليقات المستقبلية عن طريق البريد الإلكتروني

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي