مدونات جيران - وجهات نظر - دقيقة حداد :أضف تعليقاً جديدا

إبحث عن أشخاص

عنوان المقال : دقيقة حداد

[English]

elnomany مصر

25 ابريل, 2008 10:05 م

اللهم اجعله خير
فيه ايه يا صعيدي
حرام عليك والله مش ناقصين حداد
انته نمت صحيت لقيت نفسك كده والا سحليه عدت على رقبتك
ياراجل تف من بقك
قول غيرها
ـــــــــــــ
بجد طمنا عليك
ايه الحكايه
سلامات ياوحيد

latifatv المغرب

25 ابريل, 2008 10:14 م

لاحول ولاقوة الا بالله

الفاتحة يااهل الطيب
الاخ وحيد غيران من ان لقاءا جميلا
بالاسكندرية راح عليه

فنزلت عليه فكرة يموت ليوم
لاغير

ان شاء الله طولت العمر ياوحيد
ولاتكررها بعد كدا
ممكن تموت حقيقي
ويظنونها الناس
مزحة

وهاتي مقالات
بلاش هروب..وادعاءات موت

الله يطول في عمرك اكثر مني

munaasad
25 ابريل, 2008 10:39 م

خير ياوحيد
غير معقول هذا الكلام
لاتجعلنا نقلق عليك
طمنا
كن بخير

elnomany مصر

25 ابريل, 2008 11:15 م

منك لله يا وحيد
حتى تليفونك خارج الخدمه
ربنا يجيب العواقب سليمه

onfire مصر

26 ابريل, 2008 04:51 ص

انتا اكبر من الكلام دا يا صديقي ..
انتا اكبر منو ..

دمت يا غالي

dinay لبنان

26 ابريل, 2008 06:38 ص

إنا لله وإنا إليه راجعون !!!
نسأل الله تعالى أن يتغمده برحمته ويسكنه فسيح جناته !
-------------------------- حقا كان راجل طيب !!!
رغم أنه كان نادرا ما يزور مدونتي !

احمد مصر

26 ابريل, 2008 10:39 ص

أحسن الله عزاءكم في مصابكم، إنا لله وإنا إليه راجعون

elnomany مصر

26 ابريل, 2008 03:36 م

السلام عليكم
في اتصال تليفوني مع المهندس مختار عمر
{ وهو بالمناسبه ابن شقيقة الاستاذ وحيد} افاد بمايلي :
انه ليس هناك اي شيء مكروه حدث للاستاذ وحيد عصره واوانه وانه فقط مخنوق م التدونين والمدونين وبيتمنى يشوف فيهم يوم
ليه
انا معرفش
المهم انه ما متش لسه
بس قفل تليفونه وعلى الدنيا السلام
تعالوا بقه نعدد ونلطم على وحيد
احنا مش بتوع دقيقه حداد
نبتدي
{ ليه ياوحيد تسيب امك وحيدة الدار وقلبها من الفراق مكوي وقايد نار}
يا لهوووووووووووووي
{ دي مراتك الحلوه باتت والسرير مهجور تتمنى ترجع لها وتعيد ليالي النور}
يا خيبتتتتتتتتتتتتتتتتتي
ماشي ياوحيد
طمنا عليك

elnomany مصر

26 ابريل, 2008 03:38 م

latifatv المغرب

26 ابريل, 2008 04:04 م

لاتسمح لروحك بالخمود
فكيف تسمح لها بالموت؟

اقرأ شيئاً جديداً عليك
كتاباً مثيراً لاعصاب
اومهدئ لها
كيف اتفق معك

و
اعد النشاط لحياتك
وحقيقة الرحيل بانتظارنا كلنا
ندركها..ولانستعجلها فهي اتية لامحالة
استمتع بالحاضر وحيد

oomar81 مصر

26 ابريل, 2008 09:10 م

هذا هو الواقع المرير
وهذه سنة الحياة
لقاء ثم فراق
نلتقي كل يوم وقد اغيب عن الكل
نعم سارحل ولن استطيع ان اعود
والله ليس هذا بيدي ولابيد الجميع
هذا الفراق الذي سايتي رغم انفي وانف الجميع
فراق يبكينا ولن ينفعنا البكاء
نعم اذا جاء الموت فليس هناك لقاء
اخواني واخواتي الموت حق
وكلنا تحت رحمة الله
لا احد يعلم متى سيموت
ولكننا موقنون بالموت
فاذا جاء الموت
سيندم كل منا على كل ماكتب
فان كان خير فهو خير له
وان كان شر فهو معذب به يوم لا ينفع مال ولا بنون
اخواني نصيحتي اليكم قبل الفراق
ان تتقي الله وتكتب ما فيه خير لك ولغيرك
وان تبتعد عن كل ما فيه فتنه
واسال الله ان يجمعنا واياكم بعد الموت
في جنة الخلد
__________________

المحترم دائـمـاً مـحـتـرم

oomar81 مصر

26 ابريل, 2008 09:14 م

لا تأسفن علي غدر الزمان....

فطالما رقصت علي جثث الاسود كلاب...

فلا تحسبن برقصها تعلو علي اسيادها...

فتبقي الاسود اسود والكلاب كلاب....

ــــــــــــــــــــــــــــ ــــ
ــــــــــــــــــــــــــــ ــــ

شكرا خاص الى صديقى الغالى

الاستاذ النعمانى .....

مختار عمر

ngoom57 مصر

26 ابريل, 2008 10:01 م

وحيد
يعنى احنا ماصدقنا نعمل كونسلتو بقياده الطبيب الشاب ابو شوشه ونفك حاله الاكتئاب من عند ايمان حسان تيجى انت وتطلع مكتئب . خلاص ياعم نعمل اجتماع تانى علشان خاطرك ونيجى لحد عندك بس بلاش الالوان الغامقه دى ياوحيد . والله خلعت قلوبنا . بلاش هزار فى الحاجات دى . انت عارف ان كلنا بنحبك . عموما اذا كان انا السبب فى زعلك ياسيدى نعمل حق عرب واللى غلطان يتحاسب والله وحشتنا ياوحيد.

عادل نجم

fatoma88 مصر

30 ابريل, 2008 11:55 ص

يالهوىىىىىىىىىىىىىىىىىىىىىىىىى ىىىىىىىى

ياللى مفيش من بعدك على الايميل بتاعى يا وحيد

هلاقى مين اخنقه وازهقه من بعدك

اظن مفيش تعديد اكتر من كده

نتكلم جد شويه بقى

فيه ايه يا بشمهندس ؟
مين فى المدونيين مزعلك للدرجادى؟

قولى انت بس ومالكش دعوه

شوف يا وحيد هقولك على حاجه انا ساعات برضه كنت بحس انى مخنوقه من التدوين وساعات كنت ببعد كتير اوى عنكم واكيد انت كنت بتلاحظ ده بس برجع تانى لانى بجد مقدرش استغنى عنكم ولا عن مدونتى

مهما كانت الاسباب يا وحيد ماتخليش حاجه تأثر عليك للدرجادى صدقنى مفيش حاجه فى الدنيا تستاهل ده كله

وحاول تكبر دماغك عن اى حاجه تزعلك صحيح ممكن مثلا التى شيرت بتاعك مايدخلش فيك عشان دماغك الكبيره بس مش مهم
ههههه

بقولك ايه بقى ماتزعلنيش احسن انا والله اول ما دخلت مدونتك وشوفت اللى انت كاتبه ده قلبى انقبض واتخضيت بجد

بس الحمد لله العمده طمنى شويه بكلامه فى التعليقات

اتمنى ادخل المره الجايه الاقيك رجعت بجد هفرح اوى
صدقنى جيران مش حلوه من غير وحيد ابو دم خفيف اللى بيسعد الناس كلها بكلامه الجميل

اتمنالك الخير فى حياتك كلها ان شاء الله

latifatv المغرب

02 مايو, 2008 03:53 م

عيد ميلاد سعيد ياجميل
عيدميلاد سعيد ياوحيد

لاتصر على
"تطبيق..اسم على مسمى"
ليس في حالتك

غدا عيد ميلادك
اذا لم تخونني الذاكرة
اش كاتحب نهديك؟

لاتطول ف اللائحة ياوحيـــــــد

نبيلة غنيم مصر

05 مايو, 2008 02:22 م

وحيييييييييييييييييييييييييد نداء عاجل
ارجع يا وحيد من ثباتك العميق
كلنا بنحبك يا وحيد وانت عارف
نفسي اعرف مين وصلك للحاله دى كنت أدبحه
ارجع يا لولدى الغالي وإلا............
كل سنه وانت طيب يا حيده

ماما نبيلة

badd مصر

09 مايو, 2008 09:16 م

وحيد
أراك تبالغ في الأمر إننا في هذه الحياة نعيش ونتعلم ونفرح ونحزن تصدمنا الحياة تكسر بداخلنا الكثير ولكن هذا لايجعلنا ننسلخ من الحياة أو نقسو لى أنفسنا ولا تنسى أنك مثاليا بدرجة كبيرة وهذا ما سيتعبك لفترات طويلة إلى أن تفهم الحياة وتنظر لها بشكلها الواقعي وتوقع كل شئ في هذه الحياة ولكن كن حذرا من أن تظلم نفسك أو تظلم الآخرين وتأكد أن لك الحرية الكاملة في ممارسة الحياة وللآخر نفس الحق طالما لاتضر أحدا واعلم يا وحيد أنك قد تتعب كثيرا بسبب رومنسيتك هذه وبسبب مثاليتك انا اعتقد ان احد من الاصدقاء قد أساء إليك بما لم تتوقعه وتذكر أننا جميعا بشر نخطئ ونصيب مظلم ونُظلم المهم أن نراجع أنفسنا وأن نحاسبها دوما وأن ننظر إلى الجزء المملوء من الكوب حتى تستمر الحياة استمر في الكتابة من الواضح أنك مأزوم مع الواقع تصالح مع واقعك على قدر المستطاع
وافهم أن الدنيا ليست ملكا لأحد بل الناس جميعا شركاء فيها استمر في الكتابة واجعل التجارب تنضج فكرك أكثر فأكثر فأكثر هذا هو المهم أن تستفيد من تجاربك ومحكاتك
بص يا صعيدي أشعر أنك مأزوم وأنا لا أحب التطفل على أحد فأرجو أن تتصل بي على إميلي قد تجد عندي متنفسا لوجعك وقد تجد عندي من الخبرات ما يساعدك
*
^
حكيم روحاني حضرتي وحكيم عيون أفهم في العين والله أنا قريتك من عيونك في اللقاء الذي كنا فيه معا وفهمت شخصيتك ورأيت شبابي فيك رأيت خالد الصاوي المثالي المتفتح على الدنيا بكل شفافية وعطاء
حزمت الدنيا وهزمتني وسأظل في صراع معها إلى أن يغطيني الثرى
لو سألني شخص ما هو أسعد يوم في حياتك
أقول له يوم الانتصار وتحقيق الذات يوم أن قدت وخططت لمظاهرة في الكلية في ثمانينيات القرن الماضي ونجحت المظاهرة نجاحا غريبا لدرجة أنني نمت تحت عجلات سيارة رئيس الجامعة حتى تم لنا تحقيق مطالبنا وبعد إعلان تحقيق مطالبا سا عتها فقط ذرفت الدموع من عيني دون أن أدري نفسي أشعر بانتصارنا مرة أخرى لقد وحشني طعم الانتصار الحقيقي على أرض الواقع
))
)*
هناك موضوعات مهمة في الحياة تستدعي منا أن ننظر لها ولكن هناك موضوعات ذاتية تأخذنا ونرهق نفسنا بها وهي في الحقيقة موضوعات قد تكون من التفاهة وقد نضحك على أنفسنا عندما نتذكر أنفسنا فيها
وحيد عد فأنت رجل والرجل لايستسلم لهزيمة من هزائم الحياة فلتعيد الكرة

tamtamna مصر

09 مايو, 2008 09:40 م

ايه ياعمنا التعليقات الجميلة دى اللى كانت منك يا استاذ محمود يعنى الواحد ميعرفش يموت شوية ههههههههههه
هى فعلا طقت فى دماغى المقالة دى ونشرتها لكن انت قلبت الدنيا علينا ههههههههه

بالنسبة للتيلفون هو فعلاً كان مغلق لآنى انا معاى خط أخر على أتصالات 011

نأسف لآزعاجك أستاذ محمود
ياعم ده انت خليتنا نسمع صوتك

سعيد بحضورك للجنازة هههههههههه

دمت بخير يا صديقى

tamtamna مصر

09 مايو, 2008 09:51 م

لطيفة اللطيفة

شاهد عيان على المقالة

ألا قولى يا وحيد أكتب تعليق جد ولا مزاح ههههههههههه

أزيك يا لطيفة

هو فعلاً نزلت عليا فكرة اموت فقولت اموت الموت علينا رحمة مش كده ولا ايه

شكراً لآنك تذكرتى عيد ميلادى ودائماً اتمنى انك تكونى بخير وكل عام وانتى بخير

لكى كل تحياتى

tamtamna مصر

09 مايو, 2008 09:53 م

tamtamna مصر

09 مايو, 2008 09:59 م

العزيزة ملكة النحل

كيف حالك ؟

لا انا بخير الحمد لله

بس قولت أهزر شوية هههههههههه

لكى كل تحياتى

tamtamna مصر

09 مايو, 2008 10:04 م

كيفك يا صديق

أخبارك ايه يا دكتور محمد وحشنا والله
يا طبيب ونفسنا نشوفك اكيد حيحصل قريب

لك كل تحياتى يا صديقى

tamtamna مصر

09 مايو, 2008 10:12 م

dinay لبنان
26 ابريل, 2008 06:38 ص

يعنى يا دينا الحاجة الوحيدة اللى أفنكرتيها مدونتك وانى قليل الزيارة ليها ابدا والله انا قليل الزيارة للمدونات كلها مش بس مدونتك لانى اصبحت قليل الدخول لمجتمع جيران

سعيد انا بزيارتك وبحضورك الدائم

لكى كل تحياتى

tamtamna مصر

09 مايو, 2008 10:18 م

على فكرة يا استاذ محمود نسيت اقولك انت بتعرف تصرخ وتلطم كويس يعنى لو مت بجد حبقى مطمئن فيه ناس ورايا حتعرف تصرخ ههههههههههههههه

tamtamna مصر

09 مايو, 2008 10:22 م

شكراً مهندس مختار على كلماتك كلنا سوف نموت لا أحد يعلم متى لكننا بكل تأكيد سوف نموت

سعيد جداً بحضورك وزيارتك

tamtamna مصر

09 مايو, 2008 10:28 م

ngoom57 مصر
26 ابريل, 2008 10:01 م

معقول انا أزعل منك يا استاذ عادل انا ازعل من الناس كلها انت لا هههههههههههههه

لا ياعم انا مش زعلان من حد ولا حاجه هى طلبت معاى انشر المقالة فنشرتها ههههههههههه صعيدى بقى تقول ايه انت بقى

سعيد جداً بسؤالك

لك كل تحياتى

tamtamna مصر

09 مايو, 2008 10:35 م

fatoma88 مصر
30 ابريل, 2008 11:55 ص

أهلاً فاطمة

عاملة ايه ؟

ايه الصراخ اللى عملاه فى المدونة ده ههههههههههه ده الواحد لو مات يبقى مطمئن فيه ناس حتصرخ عليه ههههههههه

بالنسبة لكبير الدماغ انا مكبر دماغى من زمان هههههههههههههه

لا مفيش حد مزعلنى ولا حاجه انا فيه حد يقدر يزعلنى يا فاطمة أقلب عليه الدنيا وانتى عارفه كده ههههههههههه
سعيد جداً بحضورك واجب العزاء ههههههههه

دمتى بكل خير

tamtamna مصر

09 مايو, 2008 10:44 م

نبيلة غنيم مصر
05 مايو, 2008 02:22 م

الاْم والعزيزة والصديقة الاستاذة نبيلة غنيم
بجد اسعدنى تعليقك جداً

مش محتاجين للسكاكين والدبح الطيب احسن

لا انا دلوقتى عرفت ان ورايا حتعرف تدبح ههههههههههههه

لكى كل تحياتى

tamtamna مصر

09 مايو, 2008 11:06 م

badd مصر
09 مايو, 2008 09:16 م

لا أدرى ماذا أكتب ماذا أكتب أمام هذه الكلمات يا اْستاذ خالد

أنا يا أستاذ خالد رغم صغر سنى ألا واننى تعلمت الكثير من هذه الحياة تجارب كثيرة مريت بها علمتنى معنى الحياة
ربما فى هذا الوقت مشغول لا يوجد لدى وقت كى أكون أمام هذا الجهاز وهذا سبب أبتعادى عن الكتابة لكن حينما يكون لدى الوقت حتماً سوف أكتب
ماشى ياعم الصاوى حنشوفك على الايميل ونشوف انت حكيم عيون ولا لا هههههههههه

سعيد جداً بحضورك
لك كل تحياتى

إيمـان حســان
10 مايو, 2008 01:02 ص

أنا قلت كدة بردو

بلاش تهريج الصعايدة دة يا عم وحيد هههههه
وقعت قلبى ياشيخ الله ياخدك بجد هههههه بهزر طبعآ
ربنا يحفظك ويصونك من كل شر
وبعدين إنت لية بطلت تحضر لقاءاتنا ؟؟
عمومآ إحنا ناويين على لقاء تانى ، أو إعتبرها رحلة للإسكندرية وإن شاء الله هاتكون قريب لكن بعد الإمتحانات علشان الكل يقدر يحضر بإذن الله .
بلاش تغيب تانى يا بلدياتى وحمدالله على سلامتك

sohab66
10 مايو, 2008 09:31 م

أخي في الله
تذكر قول الله تعالى "ولا تتمنوا الموت ان كنتم صادقين "
وقال جل شأنه " "قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً "
ليس أمامك أخي في الله إلا أن تفر إلى الله فإنه الحصن الحصين ففروا إلى الله

magneno مصر

13 مايو, 2008 10:32 ص

صباح الخير يا وحيد عجبني قوي تعليق الأستاذ نعماني الجميل اللهم اجعله خير يا وحيد أنا مثلك ولكنني تماثلت للشفاء وعدت يلا بقى اعملوا ليا حفلة كبيرة كده بمناسبة عودتي لعقلي
ههههههههههه
ولا انت شايف غيه يا صعيدي
ههههههههههه
والله يا وحيد خسارة ياراجل تف من بقك على راي الأستاذ محمود

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

اعلمني بالتعليقات المستقبلية عن طريق البريد الإلكتروني

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي