نسيت كلمة السر؟
لست عضواً في جيران؟ سجل الآن!
 
إبحث عن أشخاص
ادع أصدقاءك
إلى جيران
 
   
 

joe75
06 يونيو, 2007 02:44 م
اي يالله ..أنا بكون معكم من خلال البث المباشر...بما انه يعني ...
تأملات تافهة   لبنان   
06 يونيو, 2007 03:14 م
سلامااات جو:

بسيطة, انت و ريم كمان.
بالمناسبة, خبرت إنو بالامارات حجبوا موقع جيران و كل مدوناته.
قال هيدا موقع للتعارف:)
شوف مدونة ديم لتعرف شو قصدي.

زينب.
شهيدة
06 يونيو, 2007 03:44 م
سلام يا زينب

انا بعتذر اني ما اتصلت فيكي بس والله انشغلنا كتير بالنقلة الجديدة على الجاموس

يعني صرنا بعاد عن الغبيري للأسف

المهم هل الوضوع هيدا بس لمدوني جيران؟
ولا فينا نحنا المدونين ببلوجر (اللي حسيت انك يهدلتيهن) هههه
فينا نحنا كمان نشترك
لانو صدقيني ماعة ...اللي بعلمك منن... قرفولي عيشتي
وحابة نحنا "الفقرا" نعمل شي النا

على فكرة انا عندي تخمين تاني عن نوع عملك

انتي بتشتغلي بدار الحدائق شي؟؟؟

يللا يارب اربح....
هههه

تحياتي
تأملات تافهة   لبنان   
06 يونيو, 2007 04:17 م
سلامااات شهيدة:

أولا أهلا و سهلا فيكي, بتشرفينا حتى لو ما كنتي بجيران.
أنا كنت عم إحكي عن هيدوليك عأساس إني بس خبرتهم إني بجيران حسيتهم قرفوا.
ما تخافي, الكل فيهم يشتركوا بس بما إنو الجيران اللبناني قلال خصصتهم.
بركي بتتشجعوا و بتصيروا تدونوا بجيران,
أقله موقع عربي و مش امريكي.
(حلا بتحاسبني عالدعاية بعدين) :)
ما بعرف ليش اعتقدتي اني باشتغل بدار نشر, لا يا بنتي.
باعرف صديقتي بتشتغل بدار الحدائق بس انا شغلتي كتير بعيدة عن الكتب.
أنا باشتغل عغاليري سمعان بس بمر بالغبيري.
ارجعي احكيني لنلتقي.

زينب.
حامل المسك    سوريا   
06 يونيو, 2007 04:43 م
شغلتين ست الكل
اولا اذا في رقم موبايل ارجوا ان تبعثيه
على العنوان
mafhm@scs-net.org
لاتصل معكم واعلن تضامني
الامر الثاني انا اعرف انكي تهئ نفسك لاستلام منصب في الحكومه ولكم هذا لايعني ان تنسي اصدقائك ولو كانت جنسيتهم سوريه
وهل الايام صحبة اللبناني للسوري فهى محكمه
مري لعندي واكتبي شئ على جدار الزمن
مع كل محبتي وعتبي
كوني بخير
تأملات تافهة   لبنان   
06 يونيو, 2007 05:19 م
سلامااات حامل المسك:

أولا شيّك ايميلك لأن رقم تلفوني صر عندك.
تانياً: أنا وجي وج حكومة؟ الشر بره و بعيد.
القصة و ما فيها إني عم تابع أخبار كتير هالإيام و مش عم يبقى عندي وقت شوف مدونات غير مدونتي.
و لتتأكد لاحظ إني مش عم علق عند أي حدا تاني و الزعلانين مني هالإيام كتار.
شكراً على تضامنك.
زينب.
sama77   فلسطين   
06 يونيو, 2007 07:16 م
و الله حبيتك :) بس لأني بحب السيدة الواثقة من نفسها.. بس المشكل مش إني فلسطينية... المشكل إنه في أزمات و مطبات و حواجز كتير على الطريق من غزة للضاحية .. و خيتك شكلها صارت مطلوبة هههههه...

بس هذا لا يمنع أني سأكون هناك معكم بقلبي ...

سلامات يا قلبي :)
جعفر   البحرين   
06 يونيو, 2007 10:56 م
سلااااااااام عليكم

ماي دير سستر

بما اني لبناني الهوى والعمق وفقير ومعتر ومكتر اقبل الدعوة بس على شرط بدنا اضافة للجمعة ((يعني اللمه)) مناقيش ويكون على اكبر كومة ركام بلبنان وبما انك بنت ضاحيوية ويزيديك انك برجاوية نسلمك زمام القيادة وخلي عليي الإدارة المالية
((على خطى العم فواد سائرون))


joe75
07 يونيو, 2007 08:48 ص
اي زينب ..عرفت من وقتها .. خبـّرني الرفيق فايز .. وكتبتلها تعليق لديـم ... ههههه قال موقع تعارف .. بس عن جد ذكي هيدا اللي حجبه ..يعني يخزي العين عنه ..
ـ انتبهي عا شهيدة يا زينب .. شهيدة غالية علينا .. و هيي معتـّرة متلنا .. بامتياز مع مرتبة الشرف ..
ـ و دخلك شو بياخدك لعند هالعباقرة .. مرّة تنازل واحد منهم وناقشنا شوية عند شهيدة بالمدونة .. و وقت شفته ما بيكتب إلا بالفرنجي .. حضـّرت حالي وصرت اسأل على قاموس فينيقي .. و ما لقيت .. لأني كنت خايف ما تتطور الحالة ..هلئ في داعي سـبّ ؟؟ بتعرفوني عصبي و بتضلكن تحرجوني .. خلاص سي يو .. ( اقريها بالفينيقي اذا بتعرفي) ..
عاشق الجمال / اللورد النبيل   الأردن   
08 يونيو, 2007 01:19 ص
زينب

مادام الموضوع يتعلق بجيران فأنا سأنضم لكم أعلموني قبل الموعد بأسبوع بكون عنكم

شكرا
تأملات تافهة   لبنان   
08 يونيو, 2007 11:49 ص
سلامااات سماح:

مشكورة على تعليقك الأول, عساه لا يكون الأخير.
نحن يكفينا يكون قلبك معنا, لأنو يبدو قلب كبير.
الله يخليك و يوفقك يا رب.
زينب.
تأملات تافهة   لبنان   
08 يونيو, 2007 11:50 ص
سلامااات جعفر:

أنا موافقة على اقتراحك, طالما إنو الشغلة بعيدة عن جيبتي الفاضية.
زينب.
تأملات تافهة   لبنان   
08 يونيو, 2007 11:54 ص
سلامااات جو:

ليش ما بتعرف يا إبني إنو اللبناني الحقيقي فينيقي و لا يمت للعرب بصلة؟؟
ولو, يا عيب الشوم عليك!!
هلأ أنا ممكن نقول إني من شبه الجزيرة العربية, بس إنت الماروني لازم تكون فينيقي معتق, أخو شليتة.
إذا ما بدك تسب, أنا بسب عنك:
(يلعن أبو هالزمن يللي خلى (ال...يك) تركب فلايك و القبضايات ياخدوها سباحة)
و هيدا مسبة فلسطينية كمان.
زينب.
تأملات تافهة   لبنان   
08 يونيو, 2007 11:55 ص
سلامااات أيها اللورد النبيل:

انشالله أول ما يكتمل العدد منخبرك.
أنت أكيد مرحب فيك.
زينب.
joe75
09 يونيو, 2007 06:10 ص
ههههه

صحيح أخو شليته بس لا أنتمي لأي طائفة لبنانية معروفة أو غير معروفة .. وتشير أصولي التاريخية الى جـدّ حمصي بامتياز .. هههه بقى بلا هالتهم الباطلة هيدي ..يعني قرابتي بأخونا حامل المسك أقوى بكتير من قرابتي بنايلة معوض .. تفضـّلي خليتيني اعترف اني عميل ..
Khawwta   لبنان   
11 يونيو, 2007 08:18 ص
مرحبا يا زينب
بالأول دعوتك على راسي، وأنا ممنونة لأنك فكّرتي فيي
بس بدي قللك إنو أنا ما بروح على جمعات البلوغرز بالعادة وأكيد لآحظتي إني ما كنت ولا مرة.. خبروني إنك مهضومة
المهم اعذريني لأني ما رح كون معكون بهاللقاء، يللي أكيد إنو رح يكون روعة
خاصةً إنو رح تاكلو في مناقيش وترمس
ببقى بشوف الصور عندك وسلامات لكل "الجيران اللبنانيي"

 
 
للتعليق على هذا المقال املأ النموذج التالي:
التعليق
بعض كود ال HTML مسموح به:<b>,<i>,<u>,<strong>,<em>
أضف ابتسامات
   الولايات المتحدة   
اسم المستخدم
كلمة المرور
 
* جميع الحقول المعلمة ب * مطلوبة
ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي
 
 


 
 
close