مدونات جيران - جبلـــــــــــة - وعلى الفساد تدور الدوائر.. :أضف تعليقاً جديدا

إبحث عن أشخاص

عنوان المقال : وعلى الفساد تدور الدوائر..

[English]

bu mansour الكويت

01 مايو, 2006 12:01 م

انتو الحضر تبون كل شي لكم نسيتو انكم صرتو اقلية في الكويت لكنكم تبون تكونون اكثرية في المجلس ، ما يصير هذا الكلام،الديمقراطية تشكلونها على كيفكم؟ متى ما صارت مصلحتكم مع ال25 دايرة حبيتوها و اليوم ما تبونها؟؟

smaher الكويت

04 مايو, 2006 09:00 م

السلام عليكم، اتمنى من الاخ عثماني ان يشيل تعليق الاخ بومنصور لان فعلا تعليق تافه

walid الكويت

06 مايو, 2006 08:48 م

مرحبا بخصوص الدوائر انا اقول خمس احسن مع انى اقف فى صف بو منصور .... خليك ديمقراطيه يا اخت سماهر

عثماني الكويت

07 مايو, 2006 10:50 ص

حياكم الله ...بو منصور و وليد...من وجهة نظري ان لا يمكن ان نعتبر الحضر اقلية او البدو اقلية..فالطرفين يشكلون النسيج الاجتماعي الكويتي.. و اي طرح يجرح هذا النسيج ممكن ان ينتج دمار شامل للمجتمع...

عثماني الكويت

07 مايو, 2006 10:57 ص

حيا الله سماهر... ليش اشيل التعليق!!! بالعكس ... هناك كثير من الاخوة لهم بعض الاراء اللي ممكن نعتبرها "متطرفه" سواء عند الحضر او البدو او الشيعة... لازم نتذكر دايما ان مجتمعنا مازال مجتمع يعاني من عدم انصهار كافة الاطياف في بعض..و السلطة على مر السنين لها دور كبير في هذة النتيجة...
ودمتم:)

بوخالد الكويت

16 مايو, 2006 02:12 م

انا بطب بالنص ... وليسمحوا لي الاخوان البدو ، مو ملاحظين ان شراء الاصوات والانتخابات الفرعية واغلب الممارسات السلبية ابطالها مرشحين ونواب القبائل..

والقرار يوم رسى على خمس دوائر تم بناء على دراسة وبحث موضوعي طويل، وما كان سلق بيض، واعضاء اللجنة اغلبهم ناس نظاف.. يقدر رايهم.

والحين يوم اختارو جمس دوائر زعلتوا يا اخوان ؟!!!
اذن وين اليمقراطية.

على الاقل الخمس ماراح اتطلع امثال وليد العصيمي ودميثير و الحرامي مسلم .

ومشكورين

مشاعل الكويت

22 مايو, 2006 01:19 م

السلام عليكم..
أأيد كل شخص منكم قال وجهة نظره لأن بالتالي هذي الكويت اختلفنا ولا اتفقنا نرجع نتفق بعد مدة,اخت سماهروايد من البدو كانو مع تأييد الدائر الخمس وفي نسبة من الحضر كانو ضدها،وكلام الأخ حقيقة موجودة,اتمنى الكويت دائرة وحدة تجمع كل الوان الطيف السياسي بهالبلد،
ويعطيكم العافية

مشاعل الكويت

22 مايو, 2006 01:21 م

السلام عليكم..
أأيد كل شخص منكم قال وجهة نظره لأن بالتالي هذي الكويت اختلفنا ولا اتفقنا نرجع نتفق بعد مدة,اخت سماهروايد من البدو كانو مع تأييد الدوائر الخمس وفي نسبة من الحضر كانو ضدها،وكلام الإخوان حقيقة موجودة,اتمنى الكويت دائرة وحدة تجمع كل الوان الطيف السياسي بهالبلد،
ويعطيكم العافية

مشاعل الكويت

22 مايو, 2006 01:21 م

العصيمي فوق النخل فوووووق الكويت

25 مايو, 2006 11:32 م

مرحبا اهلين يا كامل الزين اولا وليد مو حرامي وليد نجح مثل ما ينجح غيره من الاعظاء وبعدين منو تبون ينج ياجماعه كل واحد يفكر شنو يبون من المجلس كل هالاعضاء او المرشحين شنو يبون من الكرسي كلهم يطبقون مثل من صادها عشي عياله.
وشكرا الله يوفق وليد العصيمي واخوانه المرشحين المستقلين فقط ولا الباقي مال بانزين وجبريت ياليت

عــابــر لإمارات العربية المتحدة

26 مايو, 2006 12:12 ص

نحن في الخليج نغبط اهل الكويت على مجلس الامه وبكل صدق نتمنى ان تنجح هذه التجربه وتتخطيء كل مايعتريها من نقص او خلل .. وحتى المشكله الاخير فهي خير دليل على الديمقراطيه التى تحققت .. وكل املنا بان تكونوا معاول بناء لهذه المجلس وتحافظوا عليه .. حتى اذا جاء دور مجلسنا في الامارات تكونوا لنا خير قدوه .. بالتوفيق

عثماني الكويت

27 مايو, 2006 10:34 ص

الاخت مشاعل.... يعطيج الف عافية... طرح متزن فعلا...

عثماني الكويت

27 مايو, 2006 10:38 ص

العصيمي فوق النخل...:)...نتأمل ان يكون فوق النخل في مبادئة و اهدافة اللي تخدم الكويت...و الله يوفق كل من يخدم البلد

عثماني الكويت

27 مايو, 2006 10:51 ص

اخوي عابر... كلامك قلل من حالة التشاؤم اللي اعيشها... حبيبي انت يا عابر..و ان شاء الله نشوف امارات العزة في احسن وضع...

علي الكندري الكويت

03 يونيو, 2006 08:06 م

وليد العصيمي نائب في خدمة المواطن وهو يخدم الجميع من دون النظر إلى أصولهم أو مذاهبهم ويكفي إنه أكثر عضو عمل لدائرته وطور فيها من جيبه الخاص وهو شخص يعمل وهو ساكت من دون بهرجة أو ترزز في الصحافة والإعلام وحجي زايد أو صياح!
أما كيف يصل للمجلس هذا لايهم، الأهم ماذا يفعل لابناء دائرته عندما يصل!

عبدالعزيز الشطي الكويت

05 يونيو, 2006 06:08 ص

السلام عليكم
وأول شي ارحب بقرار الحل واتمنى من الشعب الكويت يختار لأنسب لتمثيله في المجلس القادم
وثانيا ماكنت اتمنى اشوف طعن بأي عضو من الأعضاء من قبل بعض الأخوان
والشهادة لله النائب وليد العصيمي بغض النظر عن حملته الانتخابية وعن دوره في المجلس .. النائب العصيمي مو مقصر مع ابناء دائرته والله
وعمره مارد أحد في شي
وانا كنت من أشد المعارضين له وكنت دايما اوقف ضده
لكن صارلي موقف وكنت محتاج مساعده صحية لأحد أخواني
وذهبنا للنائب وليد وماقصر ويانا وأخوي بتمتع بصحة جيدة بفضل من الله ثم من النائب وليد
فأنا اترك الحكم على النواب للناخبين في دائرة كل ناخب
وأهل مكة أدرى بشعابها
وأشكركم

لا قلت عصيمي ..حط ايدك فوق راســك الكويت

05 يونيو, 2006 12:30 م

وليد العصيمي نائب يخدم ابناء دائرته وبره دائرته بدون لا ينظر لمذهبهم وله اصلهم..نائب ماقصر مع عيال منطقته سوالهم مستوصف بمليون دينار لمرضى السكــر للكويتييين فقط..عطى تبرعات للمنظقه تعليميه عشان يسنعون المدارس..وعطى دوور القرأن فلـــوس وساعدهم...وخيره مغطي المنطقه من اولها لي اخــرها..بدون لا يسوي لعمره دعايه وله يترزز بالتلفزيون وبالجريد..وبعدين مو مهم شلون يوصل وليد العصيمي للمجلس المهم انه يساعد عيال منطقته ويسوي لهم خدماااات ...وعمره مارد احـــد اذا طلبــه بشي..والحمدلله كسب محبة الجميــع..وما اقـــول الا ((الللي مايعرف الصقــر يشويه))..واقولك يا بوخالد ((اللي مايطول العنب حامضٍ عنه يقـــول))..عشان جذي رجاءا لا تكلم في شي انت جاهل فيــه..

بدر صقر العتيبي الكويت

06 يونيو, 2006 01:44 ص

السلام عليكم ورحمة الله وبركاته؛

عفوا؛

كل اللي تحجو فوق راسي بس بالنسبه حق النائب وليـد العـصيـمي الله يحفظه يستحق الكرسي والله مو مجامله وليد دفع حق المساجين وليد دفع حق المنتخب وليد دفع حق ابطال التنس وليد قاعد يبني مركز طبي متكامل في جميع التخصصات في خيطان . وليد وليد وليد ماكو مثله الكمال لله .

كـــــحــــيلان ابو عبدالله

smaher الكويت

06 يونيو, 2006 10:29 ص

يا اخوان،مع احترامي للجميع،المسألة مو مسألة فلوس، المسألة مسألة مستقبل بلد،اللي قاعد يدفعة وليد بيدة الشمال يقبض اضعافة بيدة اليمين من قوتكم و مستقبل عيالكم، اصحوا

غازي العلي الكويت

07 يونيو, 2006 07:49 ص

نعم بناء مركز صحي لى اهل خيطان بناء مسجد حذيفه بقطعه 5 وبناء مسجد بن هجاج على نفقته الخاصه

احمد التميمي الكويت

07 يونيو, 2006 05:28 م

السلام عليكم ورحمة الله وبركاته
اخواني واخواتي الافاضل ارجو منكم عدم ذكر الاشخاص باسمائهم لان هذا فيه شي من الغيبه وعموما الاخ الفاضل وليد العصيمي رجل يصيب ويخطي لانه بشر ..والحقيقه انا اعرف اخوه خالد العصيمي رجل تقي ويحب يساعد الضعفاء ويهتم بالقران وكذلك اخوه عبدالسلام من الناس المعروفين بفعل الخير ، ويساعدون المحتاج ، ولايسئلون من اي منطقه ...واحنا بصراحه يهمنا الرجل اللي يهتم باحوال اخوانه ، والحكومه تسوي اللي تبيه ولاهي راده علي صراخ اعضاءمجلس الامه ...

بنت الكويت الكويت

08 يونيو, 2006 04:47 م

السلام عليكم ..

عندي رد على الاخت سماهر ..

لو مثل ماتقولين انه وليد العصيمي يدفع فلوس وفي مقابل يحصل اكثر في المجلس..اكيد كل الاعضاء في المجلس يحصلون مثل وليد..بس الظاهر انه اعضائنا كلهم مافيهم خير لانه مافي واحد سوى مثل اللي سواه وليد حق منطقته وانا متأكده انتي ماتدرين وليد شنو سوى ..لانه مو من ظبعه اذا سوى شي جاب الجرايد وخلاهم يصورون هالشي ..والله يوفق الجميع..

بوخالد الكويت

10 يونيو, 2006 01:14 م

سبحان الله.. صحيح لي قالوا "اطعم الفم تستحي العين".

قلنا الرجل ترى يشتري اصوات ... قالوا المهم يفيدنا اذا وصل !!

قلنا لعن الله الراشي والمرتشي ..
قالوا مو مهم ؟! اهو على روسنا.

قلنا شخبار ارض مصنع البطاريات في الري ..
قالوا هااااا .. مانسمع ..!!

يا جماعة كلنا نحب الخير لديرتنا .. ونبي الناس الزينة توصل للمجلس ... يعني ما يصير نوصل ناس نظيفة ومستعده تساعد وتخدم ابناء الدائرة.

ولو خليت خربت .

احمد التميمي الكويت

10 يونيو, 2006 01:54 م

الاخ ابو خالد المحترم ان الغايه من ايصال المرشح الي قبه البرلمان هو نفع الناس والاخ وليد وصل ونفع ناخبيه وبني مسجد ومستوصف متكامل ودعم لحلقه القران وساعد ناس كثيرين ، اما غيره من ابناء المنطقه الذين وصلوا الي البرلمان لم يقدموا شي يذكر سوي الصراخ والوعود ...يا اخي الرجل واهله تجار قبل مجلس الامه ولايعيبه ان اشتري ارض مصنع البطاريات هل منحتها الحكومه له مجانا ام انه اشتري ها بقريشاته ؟ثم ماهو القانون الذي مررته الحكومه ووافق عليه وليد العصيمي !!!اسمعني بقولك نصيحه لك ولغيرك تري الحكومه تسوي الخطه اللي هي تبيها ولاهي راده علي صراخ فلان او فلنتان من الاعضاء وبصراحه حنا نبي نستفيد من العضو في امورنا الحياتيه ...ارجو من الاخ ابو خالد يوضح شنو يبي من مرشحه المثالي حتي نخبر وليد ان يحذو حذوه .

بدر صقر الععتيبي الكويت

10 يونيو, 2006 04:59 م

السلام عليكم ورحمه الله وبركاتة؛

علي العموم مشكورين علي ماذكرتوه تجاه نائبنا وليد العصيمي وهذا قليل من كثير واتمني له التوفيق في الانتخابات القادمه باذن الله ؛

وشكرا للجميع مره ثانيه.

عثماني الكويت

11 يونيو, 2006 11:15 ص

الى جميع الاخوة و الاخوات... اذا كان تقييمكم لصلاح الانسان بناؤه مسجد او تبرع للفقراء...لكنا في مدينة فاضلة..فما اكثر المتبرعين في البلد...يا اخوان اذا كنتوا تستفيدون من العصيمي في اموركم الحياتية الحين..هو قاعد يشفط مستقبل عيالك ...لازم تكون نظرتكم مستقبل هالبلد...و الحكومة اذا لقت رجال امامها راح ينصلح حالنا

فيصل بن ناصر العصيمي الكويت

12 يونيو, 2006 01:48 ص

انآ دشيت ومدري شنو الموضوع بس الضاهر انها فيها غلط علي بني عمي وليد العصيمي ووليد فوق الكل والرجآلأ مآيشتري ولآ يبيع والله حرم الرآشي والراشيه اذا يشتري فهذآ شي رآجع له وانتم منتو بربه علي اساس انكم تحآٍسبونه اوكي وانشالله ابو عبدالله بينجح وبيرفع راس بني عمه ومثل مااقول ][خيطـأإن لعتيبـ،ـ،ّ511،ِّـهّ][

فيصل بن ناصر العصيمي الكويت

12 يونيو, 2006 01:53 ص

اخوي عثمآني وليد جزآه الله خير باني مستوصف بخيطان علي حسابه الخاص وتقول مايأمن علي عيآلنآ ماقول الا الله يسآمحك ووليد وهو بوعكه صحيه وخارج البلد ماقصر مع الناس ويواصلهم بالتلفون وبكل الوسآئل وانا من الناس الي افتخر بانه وليد من بني عمي ولي الفخر اوكي

أحمد المطيري- أبو دانة الكويت

13 يونيو, 2006 03:22 م

عجبي، إذا العضو مو شرط أنه يقوم بمصلحة المواطن من تخليص معاملات وتسهيل أمور وحل مشكلات، ولا يهم ما يقوم به العضو من بناء للمراكز الصحية والمرافق ومشاركته الفاعلة في دائرته وفي دولته، إذن ماذا يفيد العضو للمواطن؟ ومذا يمكن أن يفيد؟ والله العظيم أن خيطان نساء ورجال تعرف وليد العصيمي بافعاله بس! وهناك أعضاء من نفس الدائرة وخارجها معروفين إعلاميا بس؟ وليد والجبري مدعومين من الحكومة يعني شغلهم يمشي! بس الظاهر اللي في القائمة السودة عند الحكومة يتخذون الفساد شماعة لفشلهم في كسب ود الإثنين: المواطن والحكومة!!

عثماني الكويت

15 يونيو, 2006 04:33 م

تم حذف تعليق بدر صقر العتيبي لاحتوائه عبارات مسيئة...مدونة جبلة ترحب بكافة التعليقات شريطة استخدام عبارات مهذبة

فواز الدلبحى الكويت

22 يونيو, 2006 08:26 ص

حبيت اشارك بموضوع وليد العصيمى اولا منطقه خيطان الاغلبيه يبيعون اصواتهم باستثناء القبايل وبعض العوايل ووليد رجل فيه حميه قبليه من الدرجه الاولى وصاحب فزعه يعجز عنها الاخرين واتمنى له التوفيق والى الامام يابو عبدالله

سطان عبدالله الدعجاني الكويت

23 يونيو, 2006 01:35 ص

وليد غني عن التعريف وليد هو نولد بخيطان ودرس بخيطان واشتغل بخيطان وليد بيض الله وجه حشم اهل خيطان وليد الله يبارك فيه ويجعله ذخر لي اهل خيطان هو من تبرع من حساب الخاص للكثير من اهل خيطان لم رفضة الحكومه سفرهم للخارج على حسابها وليد سفرهم للعلاج على حسابه الخاص وليد لم يسرق جمعية خيطان مثل ؟؟؟ باقي المراشحين وليد لم يكذاب على اهل خيطان بالشعارات الرنانه

مشاعل الكويت

23 يونيو, 2006 02:43 م

بصراحه انا ماعرف وليييد بس شفته تولعت فيييه احبك يا ولييد واتمني انك تفوز واتنمي للأعضاء التوفيق والنجاح لمصلحة الكويت طبعا فوق اي اعتبار

الكويت الكويت

23 يونيو, 2006 07:22 م

اخ بو خالد انا اعتقد انة من العيب ان نتهم الناس باشيالا نعرفها مثل ماقلت عن بعض النواب ترى كل نائب يحاول يعطي من عمره ولاكن اكثره وليد العصيمي فبعض الناسيقولون انه قبلي ولا يفزع الى لابناء قبيلته وها انى لست من قيلته ولا اعرفة بمجرد طلبت معروف منه ماقصر ثاني يوم لقيت اني توظفت حتى اني في يوم رحت ابي احرجه علشان الخمس رد بكل ادب وقال فكرو بسالفه اذا صارت خمس منوا يخلص معاملات اناس بيصير حيل ضغط علينا بحيث لن نستطيع نساعد الناس اذا المعاملة تاخذ كم شهر عشلن اتخلص فبستنتاجي الخاص اكتشفت ان احنا محتاجين 25 دائره على الاقل

عثماني الكويت

23 يونيو, 2006 09:49 م

الحين صار تخليص معاملات الناس اهم من المحافظة على البلد و مقدراتها!!! حرام عليكم يا اهل الكويت ...رحموها

سما الحب
25 يونيو, 2006 03:26 م

اعذروني انا مريت من هنا ولو اني من السعودية بس احب الكويت .. بس بصراحة الرجال مشهور برا الكويت .. انا قريت في منتدى شعر قصيدة لشاعر معروف عندنا بالسعودية اسمه داهم العصيمي يمدح وليد صاحبكم واعجبتني كثير بنقل بعضها:

للقرم ( وليد *) ابياتٍ مزرّفها+
قصيدة غالية في واحد غالي+

الكايدة لاعتزى بالراي ينسفها+
سهل ٍعليه الكرم والطيب رجالي+

تفداه الأبيات يوم انا نصرّفها+
ماغير اليوم ياكود الخلا الخالي+

كم دمعة حايره في عين ذارفها+
ارخصلها الجاه والدينار والحالي+

ماصد يوم الردي كلمته ناصفها+
يمناه لامدها تقول شلالي+

ومن ألتوت طلبته ( وليد ) عاسفها+
سعى لها القرم رجلي ٍ وخيالي+

له كلمة ماشية ماهوب حارفها+
ومن اعترض دونها ضرب به الجالي+

مدحي له الحق قرّت به عوارفها+
أرتب البيت في مثله ويزهالي+

اسفه طولت عليكم ... وباقيها تلقونها عن طريق القوقل ... بايات .. اختكم /سما الحب

سما الحب المملكة العربية السعودية

25 يونيو, 2006 03:26 م

بدر صقر العتيبي الكويت

25 يونيو, 2006 05:31 م

السلام عليكم ورحمه الله وبركاته؛

أخي عثماني انا مادري شنو الكلام اللي مو عاجبك باللي انا كتبته بس اذا فعلا كان مثل ماقلت انا اعتذر .
وبعدين وليد كحـــــيلان
فزاع لزام لاطام الخشوم العنيده

وليد الله يسلمك لو اكتب عنه سكرت الصفحات اللي انت حاجزهم وبعدين تعال فيه سؤال انا ابيك تجاوب عليه
شمعني يوم قربت الانتخابات تحجيت عن المرشحين يعني وينك من زمان وانا مادي شنو نواياك بس اتنتي انك تكون مصلح فعلا ولاتكون ناقم .

وليد كحـــــيلان

عثماني الكويت

25 يونيو, 2006 07:22 م

الاخ بدر...انا لا اقيم اراء الناس ان كانت تعجبني او لاتعجبني.. و لكن لا اسمح بالكلمات الخارجة بحق اخوانك المعارضين لك بالرأي...و انت تعرف ما اقصد بهذة الكلمات...و اعتذارك مقبول اخوي بدر..اما بخصوص نواياي ... فمن يتابع ما اكتب يعرف نواياي... وانا ما أسأل الناس عن نوايايهم:) و انا اذا اود الحديث عن المرشحين لا اعتقد ان هناك من مانع يمنعني..عموما اخ بدر المدونة مدونتك.. و اتمنى انك تتقبل اراء اخوانك و خواتك..و انا على ثقة بأن مثل ما انا احب الكويت ..اكيد انت تحبها مثلي اذا مو اكثر...و حياك الله

بدر صقر العتيبي الكويت

26 يونيو, 2006 02:01 ص

السلام عليكم ورحمة الله وبركاتة

مشكــــور اخــوي عثماني هذا العشم فيك علي العموم انا وياك بالحب سوا ولاكن اتمني ان لا تكون من تأثرو بالاعلام اللي موجه ضد وليد ما لسبب ولاكن انت تعرف الاسباب اقسم بالله ان النائب وليد نظيف نظيف وانا كنت معه لفتره واعرفه حق المعرفه اخ عثماني راح تقول عني من هذول اللزقات لا والله انا ولاكن اغاضني مايتعاطونه الاخوان وهم قله الحمدالله لماذا لانه الصوره وصلتهم خطاء لان وليد ليس لديه اساليب اصحاب المدينه الاعلاميه واصحاب القوائم الطلابيه بالجامعات وما شابهه وليد لديه دعوه الشايب والعجوز وانا مو من اللي يتلزقون مع النواب مثل رئيس رابطه او قائمه او ماشبه لاكن كلمه الحق لابد ان تقال .
وليد
وليد
وليد
وليد الله يرحم والدينك انت تعرفه شخصيا ؟.

اللي مايعرف الصقر يشويه ؛

عبدالله صقر العصيمي الكويت

02 يوليو, 2006 04:38 م

وليد وليد وليد وليد العصيمي وليد مناحي العصيمي كحيلان وليد ابو عبدالله يشيل حملن ما شالته عتيبه مبروك الفوز يا ابو عبدالله

عبدالله صقر العصيمي الكويت

02 يوليو, 2006 04:45 م

الف الف الف مبروك لوليد العصيمي الفوز وباذن الله الكرسي الاخضر ما يستغنى عنه وليد العصيمي ابو عبدالله :

تسعة وتسعين الميلادي يشهد
والفين وثلاثه مانسينا افضاله

فيصل بن ناصر العصيمي الكويت

04 يوليو, 2006 11:19 ص

ابآرك لبنـي عمي الاثنين ابو علي وابو عبداللـه والف الف مبروك وانآ من النآس الـى كل يوم بمقر وليد علي اساس انآ وليد ولد عمي خليصي بس يآجمآعـه الكلآم ايل تقولونه مو كلأم سنع وليد مآقصر وفضآيلـه وصت برآ خيطآنومآننسـى فضل اخوه عبدالسلآم وهم فضل ابو علي ][فيصل المسلم][ كلهم عيآل خيطآن ومآآنفضل هذآ علي هذآ وهذآ ابو عبدالله وابوعلي علي الرآس ينحطون واشكركم حبآيبـى

حيسن السبيعي الكويت

07 اغسطس, 2006 09:19 ص

وليد العصيمي رجل ظلم واذا بتاكدون اسالو فيصل المسلم الدكتور عنة فهو رفيجة من عمر وانا اعرفة مؤيد لاحمد السعدون وبس

حسين السبيعي الكويت

07 اغسطس, 2006 09:23 ص

النائب احمد السعدون اكبر محترف سياسي بالبلداسالو..... عن الفحم المكلسن اسالو عن عزوز ولدة والمدينة الاعلامية اسالو عن مجمعات الجهرا

بدر صقر العتيبي ألمانيا