مدونات جيران - المعـتــــزة بـدينـــها - مبروك جوزك حامل :أضف تعليقاً جديدا

إبحث عن أشخاص

عنوان المقال : مبروك جوزك حامل

[English]

latifatv المغرب

11 يونيو, 2007 09:50 م

السلام عليكم ورحمة الله وبركاته

اختي ايمان
اولا نقول سبحان الله على هيك حالات.
ومن ناحية ثانية دا كان يوم المنى
لو تنقلب الاية ويصبح السي سيد
"ماما" ونشوف مناخيرو ساعتها تبقى في العلالي ولا ع الارض.

لا بهزر

وانت حقا اثرتي مسالة هامة وهي
ان كان الرجال يتناولون هذه الحبوب..
فقد عرفت من زماان انه في حبوب هيك
لكني لم اكلف نفسي يوما بالتساؤل
ان كان الرجل "الشرقي "خاصة
يتنازل عن كرامته ويتناولها.
لكن بالمنطق كدا
لااظنهم يفعلون..
بالنسبة للرجل الشرقي
التضحية اخر مشاكله.
والمراة بالنسبة له الحق عليها كله.
ومااعرفه ان اللجوء الى العمليات الجراحية اسهل وايسر بكثير.
من تناول اية حبوب!!!
حبوب قال
اي حبوب بس

تحية طيبة اختي ايمان
(^.^)

بسام البدري فلسطين

12 يونيو, 2007 12:31 ص

الأخت العزيزة الفاضلة إيمان ..

بالعكس فهذه الطريقة برأيي تجعل قرار منع الحمل بيد الرجل .. فيأخذ الدواء المناسب في الوقت الذي يجده مناسباً لمنع الحمل .. أليس هو صاحب القرار وسي السيد على رأي البعض؟ فلماذا لا يكون سي السيد في هذا الأمر أيضاً؟

وهذه الحبوب والوسائل المختلفة من لزقات أو حقن أو كريمات أو زرع أجهزة تحت الجلد أوغيرها .. تعتمد على إفراز هرمون الذكورة التستوستيرون لفترة محددة بكمية زائدة في جسم الرجل مما يؤثر على خلايا الذكورة لديه وبالتالي تمنع حدوث التلقيح مع خلايا الأنوثة لدى المرأة .. ولكنها طريقة لا تمنع حدوث المضاعفات الجانبية المعروفة عن زيادة إفراز الهرمونات بشكل عام.

بسام البدري

hero21 مصر

12 يونيو, 2007 12:53 ص

لحظه ....
كنت أود أن أرسم ضحكة ثم أعبر ...
لكن ماتت الضحكة فى فمى !
ولا زالت تعربد بين أفكارى ..
مستحيل ..
دمتى فى حب يا أمّونه .

IRC President مصر

12 يونيو, 2007 02:08 ص

عايز أذكر أن حبوب منع الحمل للنساء ممنوعة بتاتا في الولايات الأمريكية لأنها مسرطنة

نتيجة لإزدياد نسبة الإستروجين في الدم، هذا الهرمون يزود نسبة إنقسام الخلايا لدرجة غير طبيعية، وده أساسا التعريف العلمي للسرطان

ngoom57 مصر

12 يونيو, 2007 02:20 ص

عزيزتى ايمان
اولا نحمد اللة انك قولتى فى بداية حديثك تخيلى ودة معناها ان كلل كلامك مالوش اساس من الصحة وبدليل ان الحالة اللى سيادتك مصوراهالنا على انها صورة لما يمكن ان يكون عليها الرجل الحامل دى صورة من الحالات الشاذة لحمل الانثى وليس الرجل بمعنى ان هناك حالات تسمى التوائم الملتصقة وبعض الحالات تسمى بالحمل خارج الرحم وهذة الحالة وكما ذكرتى هى حالة حمل داخل الجنين نفسة وهى لاتنتهى كحمل الحريم بالولادة بل باستئصال هذا الجنين الداخلى .وبعدين اية الفتنة اللى انتى بتتكلمى عليها دى خيبة راكبة جمل عشنا وشوفنا .اما عن الادوية التى ذكرتيها فااحب اعرفك ان 90 فى المائة من شركات الادوية فى هولاندا يملكوها يهود والهدف هنا ليس منع الحمل بل هو العقم وكلنا نعلم ان اليهود عايزين يولوعوا فينا بجاز ودى طريقتهم فى تدمير المستقبل العربى فارجوا الا تتسببى فى الدعاية لهم .
وبعدين انتى مرة تقومى الحريم على بعض وبعدين المرة دى بتقومى الرجالة. انتى مش هتستريحى الا اما تولعيها . دلوقتى هتلاقى الحريم شماتة الدنيا وهات ياكلام وكل واحدة هتمسك فروة الراجل وهات ياكلام. واللى تقولك خليهم يجربوا واللى تقولك علشان نشوف فيهم يوم
وواحدة تقولك حتى اجازة ارضاع الطفل الراجل ناوى ينط لنا فيها يعنى من الاخر انا هااطلب المطافى علشان الحرايق اللى انتى بتولعيها كل شوية.ماانتى كنتى كويسة ونازلة هجوم فى الحريم اية اللى قلبك علينا .روحى منك للة انا هااكنس عليكى المرسى ابو العباس ياشيخة.
اكتبى زى ماانت عايزة بس انا مش مسئول عن اى حاجة هتحصل.وبعدينم ماانا عندى فكرة جميلة لموضوع منع الحمل مانفصل بين الرجال والنساء ونبقى نشوف مين فينا اللى هيعيط . ولا انتى ماوصلش عندك المثل اللى بيقول ضل راجل ولا ضل حيطة.
سلام ياايمان الساعة بقت تلاتة واسمع عنك خبر خير انشاء اللة.
نجم

mads مصر

12 يونيو, 2007 07:19 ص

صورة!!!

يالهوى

حملة يالهوى بتحذرك لو محذفتيش الصورة فى خلال ثلاث برهات زمنية هتفجر المدونة باللى فيها بالقنابل الفكرية!

الصور حرام يا أنثى .. حرام خالص .. إقراى فتاوى ابن باز جيداً وبتأنى شديد لأم الموضوع خطير جداً
خطير مشلتت يعنى ..
عندك مهلة يومين وبعدها تروحى تبيعى بتنجان على أول الشارع بس بلغة الإشارات طبعاً (صوت المرأة عورة .. إنتى نسيتى ولا إيه)

سلام بقى عشان عندى امتحان رسم 4 ساعات (دى مدته مش بعد 4 ساعات)،

آه نسيت ..
إيه المشكلة لو يتضامن الرجل مع زوجته فى الحبوب تمهيداً لتحويل تلك المشاركة الوجدانية البريئة إلى مشاركة فعلية جريئة فى الولادة!

سلام بتنجان

قمة الفن
12 يونيو, 2007 09:25 ص

اختي ايمان
كيف الحال
سبحان الله القادر على كل شيء
دمتم بخير

أبو حنين السكندرى مصر

12 يونيو, 2007 09:51 ص

الأخت إيمان
مدونتك جميلة جداً أسجل إعجابى بها

أما عن التاج فإجاباتك فعلا قريبة جدا من إجاباتى وده إن دل على شىء فيدل على التقارب فى الشخصية والأفكار وهذا شىء جميل برأى يجعل الحوار بيننا مثمر

أما موضوع الحمل وحبوب منع الحمل عند الرجالة
فده موضوع مش جديد
بس كنت عايز أوضح أن الدهان بيعتمد على أنه بيكون فيه بولى ببتيد معين بيرتبط مع بروتينات السوط بتاع الحيوان المنوى وبالتالى يمنع حركته مما يفشل عملية الإخصاب
وعلى فكرة مخترع الدهان ده واحد مصرى من القسم بتاعى عايش فى أمريكا طبعا ضمن فريق بحثى

عموما إن الراجل يوافق أو ما يوافقش
فأنا برأيى
أنه غصبن عنه حيوافق لسببين
أولا- المجلس القومى للمرأة بقيادة سوزى حيصدر قرار ويضغط على القيادة الملوخية أقصد السياية لتفصيل قانون يلزم الرجالة بذلك ( يعنى مش كفاية عندهم ضعف جنسى من غير حاجة بسبب البلاوى اللى بياكلوها لأ وكمان يتخلوا عن اللى فاضل من ذكورتهم)
ثانياً- بعد الفقر ما يستشرى فى مجتمعنا بسبب نفس القيادة الملوخية مش حيبقى فى طريقة غير إن الراجل يشيل المسؤلية كاملة ويمنع هو نفسه من الخلف)

تيجى نتكلم بجد شوية بقى

أنا فى رأيى أن فى بعض الرجال خاصة المتعلمين منهم ممكن يوافق
أما السواد الأعظم فلن يوافق
أبو حنين السكندرى

حــوت فـلـسـطـيـن فلسطين

12 يونيو, 2007 11:53 ص

أختي الغاليه أيمان حسان

السلام علكم ورحمه الله وبركاته

\\\
///

أولا وقبل كل شي سبحان الخلاق المبدع في خلاقه سبحان الله

وبصرحا كل كلام صح ممكن تحصل احاجات دي مش بعيد عن الخلاق

والحمد لله اقو الحق نفسي انا كمان علشان ما أحمل قل احمل لا يارب تيجي العوقب سليمه يارب

وردي علي سوال ممكن ناس ما تصدق الشي هاده علشان كدا ناس حترضي تخود الحبوب وناس لا

والله المسعان بعد كدا

ولكل أرقي بل وأجمل التحيات

حــوت فـلـسـطـيـن

elnomany مصر

12 يونيو, 2007 02:58 م

ايمان والا بدنجان
وانا اقول بقالي كام يوم بدوخ ونفسي غمه عليا ليه
منك لله يا ايمان يا بت حسان اللي ح تجيبيلي الجنان
ايه يا بنتي الجنان اللي انتي فيه ده
مساواه والراجل هوه اللي المفروض يطالب بيها
والحمل كمان
يعني ليلة الدخله العروسه تقتل العريس ويسالوها ليه تقول لقيته حامل
ياعيب الشوم يا اختي
ودي مين اللي استفتحت بيه قبل العروسه
استري عليه ربنا يستر على ولاياكي
حاسكت الا انا باين علىا ح اخرف
كل ده من جو الديموقراطيه اللي انتو عايشينه
لو لسه عايشين في عصر الحريم مكنش واحده اتجرات وقالت الكلام ده
قال حبوب منع الحمل قال
انشا الله تحبل والا تروح في داهيه اخد انا حبوب ليه
حيقولوا عليا جاهل
جاهل جاهل بس يعيش
روحي ياماما زي مادز ما بيقول بيعي بتنجان بل الافكار الهبلع دي
شويه جد
سيرفض معظم الرجال تناول حبوب منع الحمل جهرا
لكنه سيتناولها سرا خوفا من ان يطرد من الجنه وحرصا على عدم الانجاب لضائقته الاقتصاديه
قلت لك تعالي نلطم

emyemyemy
12 يونيو, 2007 07:57 م

لطيفة اللطيفة

عليكم السلام ورحمة الله وبركاته ،،،،

حقيقى بجد دى تبقى حلوة قوى ههههه هى دى بقى روح التعاون والمشاركة

أنا عن نفسى سعيدة جدآ بالفكرة وأتمنى يتقبلها الرجل بصدر رحب .

دمت غاليتى بكل ود .

emyemyemy
12 يونيو, 2007 08:13 م

دكتور بسام البدرى

كم يسعدنى تواصلك الطيب الذى شرفت به
أنا شخصيآ أعتقد أنه يجب المشاركة من الرجل ويكون هو صاحب هذا القرار .

emyemyemy
12 يونيو, 2007 08:15 م

هيروووو الغالى

ههههههههه
أنا أول ما عرفت الخبر ضحكت جدآ وأول ما شوفت تعليقك موت على نفسى من الضحك
بجد مش عندى كلام لك ههههههه

ربنا يستر والأمر لا يحدث به تطور أكثر .

دمت بكل خير يا صديقى العزيز .

munaasad الأردن

12 يونيو, 2007 08:45 م

اي الموضوع اللي بيجنن هذا
ذكرتيني بفيلم هوليودي يجعل البطل يحمل ويعاني كل ما تعانيه المراة حتى يعيش ادق تفاصيل الحمل ويحس بالامها
ولما لايتناول الرجال حبوب منع الحمل الهذه الدرجة تتعبهم الحبوب ؟ ليجربو الحمل اذن!!!!! وبعدها سيقولون اهلا بالحبوب

سلامي لك يا غالية
واعتذر كثيرا لتاخري بالزيارة
ولكن تاكدي انك بالبال والروح دوما

ابوزياد الفاتح مصر

13 يونيو, 2007 12:00 ص

علشان متتكلموش تانى وتقولوا عاييزن مساواه
اهو الراجل بيحمل وممكن ياخد حبوب منع الحمل
طيب كويس والله
خير قوى
استريحتوا كده
اختوا حقوقكم
ربنا يهديكم بقى وتسكتوا على كده
ياريت تزورى مدونتى

babalbahr مصر

13 يونيو, 2007 10:59 ص

السلام عليكم و رحمة الله.

كلامك غريب أوي يا أخ مادز .. يتعارض مع طريقة تفكيرك اللي لمستها في مناقشتك الهادئة لموضوع الملحد ،و لو كان هجومك على علم من أعلام السلفية كالشيخ ابن باز لكان الأمر هين ، لكن الأمر طال رسول الله صلى الله عليه و سلم. لذا وجب الرد.

1- الشيخ ابن باز من علماء السلفية و له احترامه و استفاد الكثير من علمه و لا أرى أحد في مصر يستطيع التشكيك في ذلك .. سواء الشيخ أبو اسحاق الحويني أو الشيخ محمد عبد المقصود أو الشيخ مصطفى العدوي أو حتى الداعية الشيخ محمد حسين يعقوب أو الشيخ محمد حسان أو الشيخ محمود المصري (هل سمعت هذه الأسماء من قبل) !!.

2- الصور حرام كما تفضلت حضرتك (و يختلف الحكم باختلاف الصور نفسها نظرا لاختلاف العلماء (صور مرسومة باليد - صور فوتوغرافية(لأنه أمر مستحدث))) .. و الكلام كله ليس فتاوى . و لكنه يستند إلى أدلة من السنة المشرفة ((( فالأمر أمر النبي عليه الصلاة و السلام))) و ليس ابن باز رحمه الله .

3- و هي النقطة الأهم. سخرية حضرتك من أن صوت المرأة عورة .. و أعتقد أنك أخطأت و تقصد أن (المرأة كلها عورة).

و أرجو التوضيح من حضرتك .. هل تقصد السخرية من الحديث الشريف و قول النبي صلى الله عليه و سلم:

( إن المرأة عورة إذا خرجت استشرفها الشيطان ، وأقرب ما تكون من وجه ربها وهي في قعر بيتها)

حديث صحيح روى أوله الترمذي ،، و رواه الطبراني في الأوسط و ابن خزيمة و ابن حبان.

أتمنى ألا يكون ذلك . و ألتمس لك ألف عذر و عذر قبل أن أقول أنك تقصد هذا.

أتساءل و الله أخي الفاضل: من المسؤول عن شحنك فكريا هكذا!!

أن تنتقد السلفية فهذا رأيك و أنت حر في هذا - و إن كنت أتمنى أن يكون مقترنا بدليل - لكن تعدي ذلك غير مقبول ، و أن تنتقد شخصي فهذا رأيك أما الهجوم على فكر أهل السنة و الجماعة فأيضا غير مقبول .. خاصة و قد لمست فيك رغبتك في مواجهة الإلحاد بالعقل و بنشر الإسلام.

قل لي بالله عليه ، ما الذي تنوي كتابته عند دفاعك عن الإسلام !! .. هل ستخجل من أقوال الرسول بشأن الصور و التماثيل و المرأة و تخفيها !!

لقد أعزنا الله بالإسلام . فإن ابتغينا العزة في غيره أذلنا الله.

يسر الله لك . و أتمنى لك التوفيق في امت

valentine2007 مصر

13 يونيو, 2007 01:30 م

الاخت العزيزة/ايمان حسان
يعني انا اسيب هم الثانوية العمشة
الاقي حبوب منع الحمل للرجال
ده كده بقت مساواة ف كل حاجة
ربنا يستر علينا من الستات

ahmeadalbasha مصر

13 يونيو, 2007 02:14 م

جعلوها تخرج عارية ليقال فتاه عصرية

امام الجيل مصر

13 يونيو, 2007 03:20 م

انتى عارفه ان الرجالة بتحب العزوة معتقدش انهم هياخدوا حبوب منع الحمل لا ممكن يكرروها كمان
بس مش عارف ليه بس مقطعاهم مش فاهم ازاى يعنى

mads
13 يونيو, 2007 04:40 م

باب البحر

سبحان الله يا أخى .. ايه المعلومات دى كلها .. عموما الفئة اللى سيادتك بتنفرد بمعرفتها دى كرمتنى السنة الله فاتت فى جمعية عمر بن الخطاب بس أنا محضرتش عشان كنت مشغول وكالعادة بعتولنا كتب من النوع: (تهدى ولا تباع)

عن أى شحن فكرى تتحدث؟؟
تقصد من الذى جعلنى أدير تروس عقلى بدلا من أذهب لأحدهم أسأله عن شئ ما فيقوم بدور الناقل .. قال الله كذا وكذا .. قال الرسول كذا وكذا .. والسلام عليكم .. يا عم الشيخ احنا فى زمن غير الزمن .. يا عم الشيخ أنا متيقن إن الإسلام دين صالح لكل زمان ومكان .. لكن أى إسلام؟؟؟

يا أستاذ باب .. لا تقلق على إسلامك، سواء تعارض عقل حضرتك الذى يحمل كما لا بأس به من الآيات والأحاديث وفقط مع عقلى الذى أتى من كوالالمبور ولا يعرف الأفاضل الذين تعرفهم وأول مرة يسمع الآيات دى .. بجد بجد بتحسسنى إنك مستأثر العلم كله ومحدش غيرك وزمايلك فى أنصار السنة يعرف أى حاجة فى أى حاجة!

المهم .. كنت عاوز بس أقولك إن دور جماعتك السياسى يتلخص فى صفحتين لمقال نفاق سلطوى فى مجلة التوحيد لرئيس التحرير كل أول شهر!
تخيل جماعة بهذا الحجم تفصل بين الدين والسياسة!
يمكنك تعلم لغة أجنبية وواجبى أن أعطيكقائمة بأشهر 100 مدونة للغة التى ستتعلمها لتنشر فيها (إسلامك) لتقول لهم أن الصورة فى المقال السابق اللى هيشوفها هيبقى كافر .. فى هذه الحالة سيكون تأثيرك فى نقل الصورة السيئة عن الإسلام كتأثير الإخوة الأعداء اللى هاجروا من مصر فى الثمانينيات لأفغانستان ولندن ..
الدين أبسط من ذلك ويمكن أن يصبح صالحاً للعصر بطريقة أفضل من ذلك، لا أقول أن التبديد هو السبيل لذلك، ولا أقول أن التحوير هو السبيل لذلك، ولكنى أقول أن دراسة العصر والمقارنة بين الأجواء منذ أربعة عشر قرنا وبين الآن هى الحل.

شكراً لك على أى حال.

fatoma88 مصر

13 يونيو, 2007 07:05 م

ايمى حبيبتى
ازيك

ايه الموضوع ده اولا هقول سبحان الله على الحالات دى بالرغم انى اول مره اسمع عنها
بس كل شئ ممكن

بس

انتى طلبتى رأينا فى الموضوع ان الراجل لو بقى حامل بدل الست

وانا رأيى انا لا اؤيد ذلك طبعا
الاخت لطيفه قالت ده يوم المنى يوم مايبقى الراجل ماما
وانا بقول لا طبعا ده مش يوم المنى ولا حاجه لان الراجل راجل والست ست

بزمتك يا ايمى مش حاجه تزعل لما نحس انهم ياخدو دورنا فى احلى حاجه فى الحياه
هما صحيح هيريحونا كتير
هههههههه

بس الراحه ماتوصلش للدرجادى

بس بقولك ايه
اوعى تسمعى كلام مادز وتروحى تبيعى بتنجان
ههههههههه

ياللا

سلام يا حبيبة قلبى

babalbahr مصر

13 يونيو, 2007 07:09 م

:) .. ألم أقل لك هناك من شحنك؟؟

الاسطوانة المشروخة بتاع ان السلفيين تكفيريين .. و انهم بيعتمدوا على زمن غابر (هو زمن الرسول و الصحابه - و العياذ بالله مما يقولون) كلام معروف.

صحيح انا معجب بيهم و اتمنى أكون منهم . بس للاسف مقصر كتير و لا اعتقد انهم يعتبروني سلفيا.

**احساسك اني مستأثر العلم . ما عرفش جبته منين بصراحه ، كل اللي قولته معروف ، و انا عامة مش باعلق غير في اللي اعرفه (يمكن عشان كده وصلك الاحساس ده)**

انتقد في السلفية كما تشاء يا أخي .. لكن إياك و السخرية من كلام الرسول عليه الصلاة و السلام ، هذا ما كتبت التعليق لأجله.

Touf الجزائر

13 يونيو, 2007 07:14 م

يبدو أن الخطط مستمرة لإصدار أحدث ما يقتل الإنسان...
أنا بصراحة لا أطمئن أبدا إلى العقاقير التي تمنع الحمل خاصة الجديدة منها، ويقال أن هاته العقاقير ليس لها تأثيرات جانبية ولكن من يدري؟؟ التدخين (وهو واضح المعالم عموما) لم تظهر تأثيراته إلا بعد عقود من الزمن.
يا ستي ربنا يسهل ويجعل العلم في خدمتنا ومش علينا.

توووووووووووف.
http://ttouf.je eran.com/blog

wenda مصر

13 يونيو, 2007 07:21 م

معتقدش يا ايمان ولو حصل بيتبقى عمليات عشان يحولوا بطن الراجل دة وييزرعوا فيها رحم غير كدة مستحيل

واللي هما عملوه في الراجل دة تغيير لخلق الله
وانا شايف ان الراجل ممكن يكون تخين ودي صورة متركبة او هو تركيبة جسمه كدة

"وماتنسيش ان عورة الرجل من السرة للركبة"
----------------
يعني لو في حاجة من دوول باينة يبقى الافضل تلغي الصورة
ماتزعليش مني للمرة المليون
----------------------
وبدعوكي لموضوع
شباب منتهي الصلاحية
http://wenda.je eran.com/archive/2007/6/223350 .html

emyemyemy مصر

13 يونيو, 2007 07:46 م

السلام عليكم ورحمة الله وبركاته

أولآ أعتذر لتأخيرى فى الرد لأن النت كان فاصل عندى ولسه واصل بالسلامة حالآ .

وحشتونى جدآآآآ اليومين دول

emyemyemy مصر

13 يونيو, 2007 08:25 م

IRC President

ولأنها مسرطنة فهى متوفرة بمصر أكثر من السكر والعيش الفينو

أشكرك جدآ لمعلوماتك القيمة وأشكرك لزيارتك الأولى وأتمنى آلا تكون الأخيرة .

ahmeadalbasha مصر

13 يونيو, 2007 09:03 م

هههههههههههههه

ربنا جمعنا على خير انا واْحمد عمر فتحنا جيران لقينا مقاله فى الاكثر شعبيه مبروك جوزك حامل ضحكت لما موت من الضحك من اسم المقاله

لى عوده عشان اكتب تعليق بالمدونه بتاعتى

وحيد

emyemyemy مصر

13 يونيو, 2007 09:09 م

أبو النجوم
يا عم قولتلك قبل كدة شيل النضارة السودا اللى على عينك علشان تعرف أنا بقول إية .
أنا ماقولتش إن دى الصورة اللى ممكن يكون عليها الراجل ، أنا قلت إن دى صورة حقيقية وفى الهند وبعدين هى فين الأنثى دى ، دة راجل حامل فى أخوة التؤأم وكتبت كدة تحت الصورة يا عم الحاج وقلت إن التفسير العلمى لهذه الحالة أن هذا الجنين الغير مكتمل النمو لحظة الولادة كان أخوة التوأم
وهذه حالة واحدة من 90 حالة نادرة على مستوى العالم
إية علاقة الحمل خارج الرحم بالموضوع ؟؟!! وهو فيه راجل عندة رحم ؟؟!! ربنا يرحمك ويرحمنا من أفكارك النيرة
قبل ما أنسى ، الخيبة راكبة جمل وبتسبح الفضاء أحيانآ يا أبو النجوم
يعنى صحراوى وطيران كمان واللى يعيش يشوف أكثر ربنا يطول فى عمرك وتشوف كمان وكمان
بتقول إنى باعمل دعاية لشركات الأدوية اللى فى هولندة وإنهم يهود ، إنت راجل بتشتغل فى الصحة وعارف أكثر منى المفروض ، إحنا هانروح بعيد ليه ونقول هولندة وأمريكا ، ما بلدك المقروصة مليانة يهود وصناعة اليهود ومنتجاتهم هى اللى بتشغل البلد بلاش ندفن راسنا فى الرمل ونقول شعارات
إحنا مش قدها
هاتسمع قريب قوى أخبار تسرك إن شاء الله

emyemyemy مصر

13 يونيو, 2007 09:21 م

عزيزى المهندس مادز الجميل

على فكرة بجد أنا أعرف إن الصور فعلآ حرام وصوت المرأة فعلآ عورة والموضوع غير قابل للتهريج وإسأل مياس دلسم أظنك تعرفها كويس هى تقدر تفيدك وأنا عارفة إنك بتثق فى عقيدتها .
عمومآ الله أعلى وأعلم
بصراحة كمان مدونتى فيها حاجات محتاجة التفجير .
الله المستعان

emyemyemy مصر

13 يونيو, 2007 09:26 م

الفنان الرائع نياز المشنى

الحمد لله على كل حال
أشكرك أخى لسؤالك الطيب وأعتذر لإنشغالى وعد الزيارة والسؤال عن الحال والأحوال .
نعم أخى سبحان الخالق المصور .
أشكر للهذه الزيارة الطيبة التى شرفت بها .
دمت فى حفظ الله وآمنة .

latifatv المغرب

13 يونيو, 2007 09:44 م

السلام عليكم ورحمـــــــة الله وبركاته

"الاخت لطيفه قالت ده يوم المنى يوم مايبقى الراجل ماما "

والله اني مظلومـــة!!
يااختي فاطمــــة.

-(^.^)-

هو الواحد ميش حايهزر لو
شويتين ولا ايه؟
لا انا طبعا مؤمنة برسالة المراة
ورسالة الرجل..
ومرتاحة لخصوصية كل منهما..مافي مشاكل.
ومتفقة معك طبعا برايك.

يافاطمــة
ياخذوا حبوب
ياخذوا بطيخ
انا اصلا غير معنية.

-.-

محمد الجرايحى مصر

13 يونيو, 2007 10:42 م

الأخت الفاضلة : إيمان حسان
السلام عليكم ورحمة الله وبركاته
نحن نعيش فى زمن انقلبت فيه الموازين
وتدخلت يد الإنسان العابثة ، وعقله المغرور فى أمور قد تؤدى إلى كوارث بسبب هذا التلاعب فى نواميس الكون ...

أما موضوع حمل الرجال .. طبعاً هو موضوع غير منطقى ومخالف للطبيعة التى ارادها الله لكل من الجنسين ..

وهذا مستحيل حدوثه .. أما الحالة التى تم طرحها فهى ليس حمل بمعناه المعروف إنما هى حالة شاذة لتداخل توأم فى أثناء فترة الحمل مع توأمه...

مع تقديرى واحترامى
أخوك
محمد

tamtamna
13 يونيو, 2007 11:18 م

عايزه راْينا فى ايه يا ايمان

ربنا يبعد عن مصر كل شر

لكن ازاى تبقى هيبة الراجل وهو ماشى فى الشارع والناس تنظر اليه وتقول انه حامل ويحمل فى بطنه طفل

حيبقى فى كره من الناس ليه

لان عادات الشرق تختلف اختلاف تام عن الغرب
تعرفى لو حصل عندنا فى بلدنا الموضوع ده ايه اللى حيحصل للراجل ده ياْخد مراته ويترك البلد لانه لانه فى الحاله دى سقط من نظر الجميع

kher1 مصر

14 يونيو, 2007 03:14 ص

أختى ايمان اما بخصوص الصورة وحمل الرجال ذلك غير منطقي علميتا وقد قرأت عن هذا الموضوع اكثر من 15 عام واتضح بعد ضجة الصحافة والسبق الصحفي ورغبة الطبيب في ان ينال الشهرة اتضح ان هذا ورم لوفي في البطن كل تحليل العينات أثبتت ذلك وبعدين كل حاجة سبحان الله ... سبحان الله عليك يا شيخة اروح منك فين بس لا يجب التسرع لحين التأكد من الحقائق العلمية لأن الله سبحانه وتعالى لم يذكر ذلك لا في متاب ولم تذكر في السنة النبوية
ثانيا أنت شكلك عايزة واحد صعيدي زيي يضربك أنت لو قلت في الصعيد حبوب منع حمل للرجال إذن سيطلقون عليك النار واستريح منك يا شيخة ههههههههه
والله لو ها اخلف مليون طفل ما اخد ولا حباية انا اهلى صعايدة وها يقولوا التار ولا العار هههههه
ياسلام كمان ناقص تقولي لنا نحن معشر الرجال أن نلد أيضا على فكرة لوحصل كل الولاد ها يكون شكلهم وحش لأن المصنع الحريمي للأولاد أحسن من مصانع الرجال للأولاد هههههههههههههههه
والله ميه ميه الواحد يشوف نفسه في الريل .. الله حاجة تجنن .. ولا زهز عمال يقول اه .. اه .. اه ساعتها الزوجات ها تقول لا .. لا.. لا
ولا لما نحجز عند الاطباء ها نكشف عند اطباء رجال وحال الاطباء الحريم ها يقف هههههههههههههه
وكمان منظرنا اثناء الرضاعة يجنن هههههههه
الله انا كنت منكود ودخلت عندك خرجت مسرورا بس في الاخر برضه اياكم ترسلوا مندوب مبيعات حبوب منع الحمل للصعيد لحسن يتقتلوا ةانت طبعا ها تكوني قبله هههههههههه
انا واحد من الناس ساعتها مش ها اعرفك لحسن يقتلوني معاك ههههههههه
تقبلي تحياتي يا امونة اللذيذة

tammam
14 يونيو, 2007 09:57 ص

تردين ايضا ان نتساوى في هذا ايضا..
وجهة نظري في كل الامور ان التعامل بين الزوجين يكون على اتفاق
فلو كانت حبوب منع الحمل مؤذية الى هذا الحد فيمكن تناول الموضوع من جهتين..
الاولى :مدى الاذي اللاحق من الحمل،فلو كانت الزوجة هي المتضررة فهي من تتناول،واذا كان جيب الرجل هو من يتضرر فيجب ان يبدأ الرجل بذلك...
الثانية:من الذي يصرف على البيت الرجل ام المرأة وهنا العلاقة علاقة عكسية..
الذي يصرف لا يناول..
هذا من وجهة نظري الفلسفية..

اما من وجهة نظري انا:لالالالالالالالالالالالالا

emyemyemy مصر

14 يونيو, 2007 10:47 ص

بلدياتى
أبو حنين السكندرى

أولآ أشكرك على حضورك المتميز وكلماتك الأكثر من رائعة وأتمنى أن أكون عند حسن ظنك .
أنا عارفة الموضوع قديم لكن أنا تعمدت أطرحة بعد إتهامى فى كتابة الموضوع اللى فات إنى عدو المرأة لأنى ضد المساواة بين الرجل والمرأة وقلت أن الرجال أفضل بحاجات كتير وأن دينا دين عدل وليس مساواة ، المهم .
جميل أن يكون مخترع هذا الدهان مصرى فى أمريكا ودفعتك كمان ، تخيل لو لسه فى مصر كان مصيرة إية !!! ولو حتى كان طرح فكرة دهان منع الحمل للرجالة ههههه كان زمانهم إغتالوة .
بكرة فعلآ يفرضوا على الرجالة تناول الحبوب والكريمات والكلام دة ، ما الكلمة للستات فى بلدنا بعد ما الرجالة إنضربت خلاص ، شوزى هاتقول كلمتها والبابا هايصدر فرمان فورآ ، والله الرجالة المفروض هى اللى تطلب المساواة هههههه
مش عارفة موضوع إن الرجالة توافق دى مسألة فيها قولان كثير ، عمومآ أنا سعيدة برأيك وتفهمك للأمر عقبال الباقى هههه .

emyemyemy مصر

14 يونيو, 2007 10:53 ص

أخى الفاضل حوت فلسطين

عليكم السلام ورحمة الله وبركاته ،،،

هههه مش تخاف مش ممكن يحصلك حمل ، الصورة دى مجرد حالة نادر جدآ لما بتحصل وهو على فكرة مش حالمل بالمعنى المتعارف عليه ، يعنى مش حمل زى النساء مثلآ لأنه راجل ومش له رحم ، دة كان لهه أخ تؤأم وإتخلق داخل بطنه سبحان الله وتم إكتشافة لما بقى عندة 36 سنه لأنه كمان غير مكتمل النمو يعنى مجرد بقايا إنسان وهو ما إستخرجة الأطباء بعمليه قيصرية .
سبحان الله .
أما بالنسبة للحبوب فى للرجل لكى تمنع حمل الزوجة مش حمله هو ههههه
مش تقلق مش هاتبقى حامل .
أشكرك أخى لحضورك الطيب .

emyemyemy مصر

14 يونيو, 2007 11:02 ص

صباح الخير يا عمدة

بقالك كام يوم بتدوخ هههههه مبروك يا عمدة يتربى فى عزك ههههههه
يا شماتة أبلة ظاظا فيك
دى حنفى طلعت حنفى بجد هههههه
الرجالة هى اللى بقت تجيب العار شوفت بقى الفضايح ، أدى يا سيدى المساواة وحزب الست اللى هايودينا فى داهية
والله بينى وبينك أنا نفسى أعيش فى الحرملك ويا الحريم بس أكون أنا بس كل الحريم هههههه
هو حد لاقى يبيع باذنجان ، إحنا متوفر عندنا الكوسة والقرع بس .
شرفت يا حاج وإبقى سلملى على حنفى وقلها رفعتى راسنا ههههه .

emyemyemy مصر

14 يونيو, 2007 11:57 ص

ملكة القلوب منى الغالية

وحشتينا وإشتقنالك كتير .
الله يكون بعون المرأة حملها ضعف على ضعف سبحان الخالق ، صحيح الحبوب أهون ههههه
سلامى لقلبك ولزهرة البنفسج الجميلة .

emyemyemy مصر

14 يونيو, 2007 12:03 م

أبو زياد الفاتح

يا عم ربنا يفتحها عليك أنا والله ضد المساواه هههههه
طبعآ يشرفنى أزور مدونتك وسعيدة جدآ بزيارة كل الإخوان وربنا يستر بقى ههههه
صباح الفلافل .

ba3armas المملكة العربية السعودية

14 يونيو, 2007 01:34 م

الأخت العزيزة جداً/إيمان
بعد التحية والتقدير،،،
عبرت على موضوعك الظريف ثم عرجت على تعليقات الزوار وفي الحقيقة حزنت حزناً شديداً على مادار بين الأخوين مادز وباب البحر .... وتمنيت أن الأخ الكريم مادز (المبدع ذو الظل الخفيف دوما) لم يكن ليزل مثل تلك الزلة....
فنحن أولاً وقبل كل شيئ مسلمين... ويجب علينا أن لا نخدش الإسلام وتعاليمه وأعلام المسلمين ( مهما يكن توجههم )بسبب إختلاف في وجهات النظر...
يشهد الله أنني لم أكتب هذا التعليق لأي غرض في نفسي بل كتبته حباً في ما تقدمه هذه المدونة الرائعة وصاحبتها الأكثر من رائعة وزوارها الأعزاء...
أخي العزيز مادز :( تراجع الإنسان عن خطأه لا يزيده في عيون محبيه إلا تقديراً واحتراما ... وأنا احد هؤلاء المحبين)
ختاماً أرجو أن تتقبلوا جميعاً تعليقي هذا بكل رحابة صدر.
وأخيراً لكم خالص تحياتي،،،
أخوكم أبومهرة

ba3armas المملكة العربية السعودية

14 يونيو, 2007 01:41 م

emyemyemy مصر

14 يونيو, 2007 03:05 م

أخى الفاضل باب البحر

عليكم السلام ورحمة الله وبركاته ،،،،،،

هل تعتقد أن من يقوم بعمل حمله للدفاع عن الإسلام والمسلمين ، هو نفسه من يسخر من السلف الصالح رضوان الله عليهم ؟؟!!!!
أنا متفهمة لرد فعلك جيدآ ، وبنفس الوقت أعرف مادز ولذلك لن أدافع عنه
لكن أتمنى أن يتم الحوار بينكم عبر الماسينجر ، وصدقنى النتيجة هاتكون أفضل بكثير جدآ لأن التعارف بينكم هايكون بداية لصداقة أكيدة بإذن الله .
أتمنى لكم التوفيق الدائم وأنا سعيدة وفخورة جدآ بأرائكم من أجل الدفاع عن عقيدتنا
وثق تمامآ أن مادز مسلم بالفعل .
أتمنى أعرف قريب إن دار بينكم حوار طيب بإذن الله وأصبحتم أصدقاء بالفعل .

emyemyemy مصر

14 يونيو, 2007 03:08 م

أخى الفاضل أيمن

هههههههه ماتقلقش يا عزيزى الحبوب لسه ماوصلتش مصر لكن قريبآ فى الأسواق
ربنا يوفقك إن شاء الله وتحصل على مجموع ممتاز لأنك تستحق
ربنا معاك ومعاكى يا لوليتا (علياء شكر يعنى ) .
أشكرك أخى لزيارتك ومتابعتك التى أعتز بها .
دمت بكل خير .

emyemyemy مصر

14 يونيو, 2007 03:31 م

أحمد الباشا

إنا لله وإنا إليه راجعون .

emyemyemy مصر

14 يونيو, 2007 04:09 م

أخى الفضل إمام الجيل

أنا كمان بحب العزوة جدآ وأتمنى يكون عندى 10 أولاد وبنات أو زى ما ربنا يسهل
مش مقطعاهم ولا حاجة ههههه مش تقلق أنا بحب أخواتى كلهن فى الله .
البيبسى على النار ، قصدى الشويبس أصل أنا عاملة مقاطعة مش ينفع البيبسى

emyemyemy مصر

14 يونيو, 2007 04:15 م

مادز يا مادز يا مغلبنى

عاوزة أعرف قريب إنه تم حوار بينك وبين أخينا فى الله باب البحر عبر الماسينجر لأنى واثقة إن خلافكم بداية لصداقة قوية جدآ .

سلام يا صديقى العزيز .

ياسر مدني.....دينامو ألإخوان مصر

14 يونيو, 2007 04:28 م

جزاك الله خيرا وأتمني لك تغير الإسلوب ده لإني شايفه مش ظريف بالنسبه ليكي
وربنا يكرمك

emy مصر

14 يونيو, 2007 05:26 م

فطوم حبيبتى الغالية جدآآآآآ

أولآ يا قمر لطيفة بتهزر طبعآ وهى قالت كدة فى نهاية تعليقها حتى كلامها باين ، إزاى يبقى الراجل ماما هههههه
صحيح هايريحونا لو دة حصل يا سلااااااااام هههههههه
مادز عاوزنى أبيع باذنجان وهو عارف إن مصر متوفر فيها الكوسة والقرع بكثرة .

emy مصر

14 يونيو, 2007 05:30 م

أخى باب البحر

صدقنى الدعوة للصداقة إنت ومادز لازالت مفتوحة وربنا يوفقكم لما يحبه ويرضاة .

emy مصر

14 يونيو, 2007 05:32 م

تيفااااااااا

ربنا يتقبل منك الدعاء يا أخى العزيز ويكون العلم لنا لا علينا .

دمت فى حفظ الله وآمنة .

emy مصر

14 يونيو, 2007 05:36 م

ويندااااااا

مش هازعل منك لا للمرة المليون ولا حتى الأولى

الصورة مش متركبة يا أحمد دى صورة راجل حامل فى أخوة التؤأم ودة التفسير العلمى للأطباء ، وصورة مش مركبة وأعتقد إن مش فيها فتنة لأن كمان لا باين سرة ولا ضارة حتى هههههه
أشكرك يا أحمد لصدق نواياك وإخلاصك الدائم ومتابعتك .
دمت فى حفظ الله وآمنة .

emy مصر

14 يونيو, 2007 05:42 م

وحيد وأحمد الباشا

هههههه ربنا يستر يا ترى بتدبروا إية
إن شاء الله نلتقى كلنا فى اللقاء القادم بإذن الله .

emy مصر

14 يونيو, 2007 05:44 م

لطيفة حبيبتى

هزرى براحتك يا قمر فطوم عسولة زيك تمام وهى كمان روحها حلوة مثلك ، لكن صدمها موضوع إن الراجل يبقى ماما بصراحة تبقى كارثة لو بجد هههههه
أهلآ بك يا صديقتى بأى وقت .
دمت بكل ود .

emy مصر

14 يونيو, 2007 05:47 م

أخى الغالى محمد الجرايحى

عليكم السلام ورحمة الله وبركاته ،،،
أشكرك أخى الكريم لتواصلك الطيب الذى يسعدنى كثيرآ وزيارتك التى شرفت بها .
أتمى أن يتفهم الجميع ما تفهمته من طرح لتلك الحالة الشاذة لأنه أمر غير طبيعى ولم ولن يحدث بالطبع .

أشكرك أخى وأتمنى لك مزيد من التألق الدائم .

mads مصر

14 يونيو, 2007 05:48 م

أستاذ باب:

هو كذلك بالظبط،

أنا مشحون .. ومتقلقش البطارية مش هتفضى،

:)

elnomany مصر

14 يونيو, 2007 05:49 م

ابله ظاظا مين
ابله حنفي

babalbahr مصر

14 يونيو, 2007 06:51 م

الأخت الفاضلة إيمان:

اعذريني معلش .. التعليق للأخ مادز كان على صفحات المدونة . عشان كده كان لازم يكون الرد في المدونة.

صحيح أختي انا ماعرفش الأخ مادز غير من فترة قصيرة . انما وجه نظري ماتختلفش كتير عن وجهة نظرك .. و يمكن ردي كان واضح هنا و في الموضوع اللي فات ، انه بس هجومه على السلفية هوه اللي دفعه يسخر من قول نسي انه للنبي عليه الصلاة و السلام ، انا بس كنت عايز انبهه انه تعدى .

إنما صعب طبعا أقنعه بفكر أو علو شأن علماء السلفيين . ده مش موضوعي.

:) لا شك عندي أختي أن الأخ مادز مسلم قلبا و قالبا (حضرتك فاكراني تبع جماعة التكفير و الهجرة هههه) فاهم قصد حضرتك و الله .. ربنا ييسر ليه الخير و يجعله سيف في نحور أعداء الدين.

دعي أمر التعارف أختي للظروف . بارك الله فيك و في دعوتك . و أنا الآخر أحتاج فترة للراحة . فهذا الشهر كان مشحونا بالحوارات.

ربنا يعلمنا جميعا و يهدينا لما فيه الخير.

نور..كلمات خاصة قطر

14 يونيو, 2007 08:38 م

ايمان يا ايمان ..

والله موضوع ..هههههههههه

برجع ان شاء الله ..هلىء بس سلام ..

اما النعماني مش حيبطل نعليقاته التحفة ههههههههههه

رح ارجع كمان ان شاء الله عشان أقرأ كل التعليقات ...

حسن نعيم قطر

14 يونيو, 2007 09:35 م

صديقتي وأختي الغالية جدا
إيمـــ حسان ــــان
السلام عليكم جميعا ورحمة الله وبركاته
أولا : مروري هنا اليوم للإطمئنان عنكم جميعا حضرتك وجميع الإخوة والأخوات
أرجو أن تكونوا جميعا بألف خير من الله
أنا بخير الحمد لله
ثانيا
موضوع رائع يا ستي
وفعلا هناك عدة حالات سواء لأناث أو لذكور تبين هذا النوع من الحمل عندهم لتوأمهم فسبحان الله خالق كل شئ
ثالثا:
لقد خلق الله الكون وخلق به من زوج بهيج
فكل شئ في هذا الكون مكون من زوجين مذكر ومؤنث
ولكل وظائفه الحياتية أنظروا للأشجار كيف خلقت , منها الذكر ومنهاالأنثى التي تحمل الثمار وإلى المخلوقات البحرية والبرية وكل شئ في هذا الكون هذه سنة الله في كونه أما لو حدث حقيقة مثل هذا الحمل حقيقة واقعة فهو لحالة شاذة ولتركيبةجسدية للرجل مهجنة مابين الذكورة والانوثة بحيث انوثته تكون طاغيبة على ذكورته
ولهذه الحالة عدة تسميات
علمية اما غير ذلك ان يحمل الرجل كما المرأة فهذا مخالف لشرع الله وسنته وخلقه فالله خلق الرجل رجل والانثى انثى
واستغفر الله لي ولكم
وميرسي كتير يا اطيب
إيمان
على الموضوع
يمكن تعليقي غير منظم
لان مروري ومشاهدتي للموضوع كانت على غير موعد وترتيب
مسبق وفقك الله ولو حابة اتزوريني انت والاخوة اقصدي هذا العنوان
ستجديني به

http://samdoon. activebb.net/

ngoom57 مصر

14 يونيو, 2007 09:58 م

الاخت العزيزة/ ايمان
عفوا لو ممكن تسمحى لى.
الاخ باب البحر
انا شايف انك متحامل جدا على الاخ مادز وكأنة ارتكب معصية .ونازل فية نصايح واحاديث وايات بتستشهد بيها وزعلان على السلفيين والاخوان .هو الدين الاسلامى يخصكم واحنا لا ولا مين اللى عينكم حماة للدين ومن اوكل لبعضكم ان يحارب الاخرين تحت راية الاسلام والباقى كفرة. كفاية اللى بتعملوة كرهتم الناس فينا وربطتم بين الاسلام والارهاب
وكل ماحد ةيخالف رايكم تهددونة بالويل والثبور وعظائم الامور .يااخى ربنا امرنا بقولة(بشروا ولا تنفروا) وقال لرسولة علية السلام(لو كنت فظا غليظ القلب لانفضوا من حولك) ارحموا الناس يرحمكم من فى السماء حببوا الناس فى ديننا فمادز وان كنت لاادرى هل قصدها ام لا قال لك ان الاسلام لكل مكان وزمان
وصدقنى هذا هو الاسلام الحق هداية وموعظة حسنة وليس ترهيب وتعذيب .فالرجا منك ان تخفف منحدة خطابك الدينى لان كل العقول ليست على مستوى واحد وهناك الكثيرين لا يعرفون بن باز او غيرة فى ظل حالة الاسهال فى الفتاوى هذة الايام .
فغالبية الناس او معظمهم يشهدون ان لاالة الا اللة وان محمدا رسول اللة واظن هذا كافى على اسلامنا.
ولنا حديث اخر .
نجم

emyemyemy مصر

14 يونيو, 2007 10:36 م

وجهات نظر صديقى العزيز

يا راجل مش تقول كدة هههههه مفيش راجل هايبقى حامل ولا حاجة دى حالة شاذة ونادر جدآ حدوثها وبعدين دة مش حامل بالمعنى المتعارف عليه إنه حامل بالفعل لأ طبعآ دة حامل فى أخوة بمعنى أوضح ، أمة وهى حامل فيه كان تؤام واحد إتولد والثانى إتخلق جوة بطن أخوة ، ولما كبر بطنه كبرت وإفتكروا عنه ورم ، إكتشفوا إنه جنين والتفسير العلمى للموضوع دة إن دة أخوة التؤأم سبحان الله .
لكن الراجل مش ممكن يحصله حمل أبدآ لأنه راجل ومالوش رحم زى المرأة .
أما موضوع حبوب منع الحمل دة للرجالة علشان الستات مايحصلهاش حمل يعنى تقدر تقول مشاركة بشكل إيجابى هو ياخد حبوب منع الحمل لأن ممكن هى ما تقدرش أو يكون عندها مانع طبى لإستخدام أى وسيلة لمنع الحمل .
وربنا يستر هههههه .
بس صحيح تخيل لو لقيت راجل حامل هههههه يبقى نكته ونطخوة عيارين ونخلص من عارة هههههههه
سلام يا صديقى .

ابوزياد الفاتح مصر

14 يونيو, 2007 10:51 م

متخافيش يا ستى من موضوع الاخوان ده
مش هايحصلك حاجه
بس هايعتقلوكى بس
ومش عارف ايه ممكن يحصل بقى
بس انت قولى لهم انك معرفة ابوزياد وبس
مش هايقدروا يعملوا حاجه
وكويس جدا انك مش بتحبى المساواه
والا كان فى كلام تانى
ومشكوره لزيارتك للمدونه بتاعتى

ابوزياد الفاتح مصر

14 يونيو, 2007 10:51 م

emyemyemy مصر

14 يونيو, 2007 11:34 م

أخى العزيز خالد الصاوى

أولآ أهلآ بك وبزياراتك الغالية جدآ لأنها بتسعدنى جدآ .
ثانيآ دة مش ورم لوفى ، دة فعلآ جنين حقيقى ولكن غير مكتمل النمو وسبحان الخالق القادر على كل شىء .
على فكرة بقى أنا أصلى صعيدى لكن للأسف عمرى ما زرتها .
يا سلام ضرب الحبيب زى أكل الذبيب ههههه
وإنت طبعآ أغلى أخ أعتز بيه
بصراحة يا ريت تولدوا وتريحونا هههه مش برضه خلقت الرجال للشدائد ومفيش أشد من الولادة هههههه
وبعدين مش مهم جودة الإنتاج يعنى رجالى ولا حريمى المهم أى قرد ييجى وخلاص هههههههه
على الاقل هتاخدوا ساعة رضاعة ههههههه
الحمد لله إنك بقيت مسرور ، ربنا يفرح قلبك دائمآ وتبقى أسعد الناس يا رب .

دمت يا أخى العزيز فى حفظ الله وآمنة ..

emyemyemy مصر

14 يونيو, 2007 11:45 م

الكاتب والأديب الرائع تمام

أشكرك أخى لهذا الوجود العطر الذى يسعدنى دومآ .
أولآ أنا ضد المساواة وضد كل من تطالب بالمساواة لأن ديننا دين عدل وليس دين مساواة ، الله سبحانه فضل الرجل على المرأة .
عمومآ أنا عجبنى وجهة نظرك فى مسألة وسيلة منع الحمل
على المتضرر تناول الحبوب هههههههه

والثانية أيضآ المتناول هو القيم على الأخر جميل هههههههه
طبعآ القوامة للرجل ولذا وجب عليه تناولها ههههههه
وبصراحة عندك حق إزاى كل يوم الراجل ياخد الحباية وزوجته تستعبط وتقولة إوعى تنسى الحباية ههههههههههههههه

ربنا يستر مش عارفين بكرة ممكن يحصل إية كمان .

emyemyemy مصر

14 يونيو, 2007 11:52 م

أخى وصديقى الغالى أبومهرة

أشكرك جدآ لكلماتك الطيبة ونواياك الحسنة ، مادز وباب البحر خلافهم بداية لصداقة قوية جدآ بإذن الله ، أتمنى هذا وكلماتك أيضآ لها وقع طيب جدآ فى نفوسنا جميعآ لأنه إن دل على شىء فإنما يدل على طيب قلبك وصفاء نفسك .
تحياتى وتقديرى وإحترامى لك أخى العزيز
وأعتذر لتقصيرى بالزيارة والسؤال .
لكن إنتظرنى لأنى حقآ تشوقت لمدونتك لأنها النسمة التى تلطف الأجواء هنا .

دمت أخى العزيز فى حفظ الله وآمنه .

emyemyemy مصر

15 يونيو, 2007 12:09 ص

الأخ الفاضل ياسر مدنى (دينامو الإخوان )

أنا قرأت تعليقك ثم قرأت إنك دينامو

الإخوان قلت لازم أدخل مدونتة أتعلم

منه الإسلوب الأفضل ، لقيتك كاتب

بالإسلوب دة

(بصراحه كده أنا نفسي أخليه يديني

ظهره وأرزعه أفه يرن يسمع مصر كلها)

!!!!!!!!!!!!!!!!!!!!!!!!!!!! !!!

جزاك الله خيرآ يا أخى الكريم .

emyemyemy مصر

15 يونيو, 2007 12:11 ص

مادز يا مادز

هاتقابلوا بعض إمتى بقى إنت وباب البحر ؟؟؟

قريب إن شاء الله .

emyemyemy مصر

15 يونيو, 2007 12:13 ص

صباح الخير يا عمدة

حنفى مين ؟؟!!!

emyemyemy مصر

15 يونيو, 2007 12:28 ص

أخى الكريم باب البحر

البيت بيتك وبأى وقت لا تشغل بالك ، صفحات مدونتى يشرفها وجود تعليقاتك بها .
ربنا إن شاء الله يجعلك إنت وهو وكل مسلم سيف في نحور أعداء الدين .
أنا سعيدة جدآ بتفهمك وإن شاء الله يكون لقائكم قريب جدآ .
جزاك الله خيرآ كثيرآ يا أخى الكريم .
دمت فى حفظ الله وآمنة .

emyemyemy مصر

15 يونيو, 2007 01:36 ص

أروى الغالية

النعمانى دة بجد عسولة جدآ وفى الواقع مش ممكن تبطلى ضحك من تعليقاته وقفشاته بجد خفة دم وثقل وزن حكاية ههههههه
فى إنتظارك دومآ يا نور جيران .

emyemyemy
15 يونيو, 2007 03:21 ص

أخى وصديقى الغالى جدآآآآآآآآ حســن نعيـــم

عليكم السلام ورحمة الله وبركاته ،،،،

فينك بجد إشتقنالك وإشتقنا لوجودك ، أنا كثير زرت مدونتك وتركتلك تعليقات أسأل عنك لكن إنت بتتقل علينا
حقيقى إشتقنالك يا أخى الكريم ، الحمد لله إنك بخير وأتمنى لك إنك دائمآ تكون بكل خير وفى أحسن الأحوال .
أشكر الظروف التى جعلتك ترى هذا الموضوع حتى تشرفنا بزيارتك الغالية وتطمنا عنك .
ثق يا أخى الغالى بإنى يسعدنى أزورك بأى مكان يتزين بإسم حسن نعيــم الفنان الرائع .

لكن أخى ليه تركت جيران وهجرت مدونتك وكلنا حقيقى مفتقدينك كثير جدآ .
أنا بإذن الله هحاول أوصلك بأقرب وقت حتى أعرف منك أخبارك وأحوالك .

دمت أخى الغالى فى أطيب وأحسن الأحوال فى حفظ الله وآمنة .

elnomany مصر

15 يونيو, 2007 07:06 ص

اشوف فيكي يوم ياايمان يا بت بطني

احمد عمر الناصري المغرب

15 يونيو, 2007 01:57 م

أنا أصلا لا أتناول الحبوب حتى لو كنت مريضا هههههه
كيف إذا كانت لمنع الحمل

magneno مصر

16 يونيو, 2007 09:36 ص

ههههههههههههههههههههههه
موضوع لذيذ آخر زمن يلا خلي الرجالة تشوف احنا بنتعب إزاي علشان يعرفوا إن الله حق
نفسي أشوف فيهم يوم
يااااااااااااااااااااااااااا ااااااااااااااااااااارب

امام الجيل مصر

16 يونيو, 2007 10:04 ص

نقول بسم الله الرحمن الرحيم
عن جماعة الاخوان ساتحدث
هاكلمك عنى وحالى معاهم مش هقول كلام كبير وكتابات ومقالات هقول على طريقى معهم اولا انا بطبعى انسان مثالى يعنى ابحث عن المثالية فى نفسى وفى كل اللى حواليا يعنى مش برضى عن حد بسهولة ولا عن نفسى كمان وبجد ملقتش افضل من الاخوان اللى فيهم صفات كتيرة جدا جميلة ومقربة لشخصيتى فى الحياة نقول ايه مثلا يعنى حبهم لبعض وحرصهم على بعض وحكاية ان حد يشتغل ويتعب ويعمل كل ده وحاجات كتير محدش يعرف عنها حاجة من غير اجر ومن غير حتى ما تعرفى هو مين يعنى من فترة قبل حكاية الانفتاح وخروج الجماعة للشارع والمظاهرات وكده كان كل الانشطة بتم برضه بس مش بالعلن يعنى كل الانشطة الخيرية وتعليم الاطفال والشباب والاهتمام بيهم وحاجات كتيرة اوى كانت بتتم يعنى مكنش بيهمنا ان الناس تعرف ان الخدمة الفلانية ولا العمل الفلانى اللى عمله اخوان بس المهم انه يتعمل وان الناس تنتفع بيه وبس بجد والله انا باتكلم من قلبى فى عالم اصبح لا يهتم الا بالمادة ولا يهتم الا بالمصالح الشخصية وتاه بين الناس الحب لله فى لله وان حد يخاف عليكى عشان بيحبك مش عشان مصلحة ما وان حد يتعبلك ويشوفلك مصالحك ويعملك كتير من الحاجات ومش يحب حتى انه يتعرف انه عمل كده عشان يحافظ على كامل ثوابه عند ربنا نقول ايه تانى امممممممممم الاخوان مش ملايكة بس انا شايف انهم الاقرب لسنة النبى صلى الله عليه وسلم يعنى اهتمامهم بكل شئون الدين ده شئ جميل جدا يعنى تلاقيهم بيهتموا بالدين والاخلاقيات زكمان يهتموا بالسياسة ويهتموا بالرياضة والعلم وكل مناحى الحياة واذا دورتى حواليكى على فكرة فيه كتير من الاخوان فى كتير من المجالات ومشهورين جدا بس كتير ميعرفش عنهم انهم من الاخوان يعنى اذا عايزة اى استفسار اكتر انا موجود واذا عايزة تقرى كتب من النت ممكن اقولك وخشى موقع اخوان اون لاين ودورى كده وربنا ينفع بيكى الاسلام والمسلمين ويبارك فيكى وفى حرصك ده على خدمة المسلمين برغم ما يحدث للجماعة من تضيقات ده بيدل على انك ربنا يكرمك شخصية محترمة وبتحب ربها ومستعدة تعمل اى حاجة من اجل دينها جزاكى الله خيرا

نبيلة غنيم مصر

16 يونيو, 2007 08:02 م

جميلة الروح وسيدتي الكريمة اللطيفة التى تختار موضوعات لها من البريق ما يبهرنا
إن الطبيعة تطبعنا بأشياء لا نستوعب غيرها .. فعندما اري صورة هذا الرجل بالتأكيد سأقول سبحان الله ولكن عينى لن تقبلها لأن هذا من اختصاص المرأة
ولكن بالنسبة لحبوب منع الحمل فأنا لا اري اي غضاضة في ان يتناول الرجل هذه الحبوب إذا اراد ان ينظم النسل فهي كأي حبوب اخرى .. وأي كرامة في ان يتعاطي هذه الحبوب؟؟؟
لكن شرقيتنا المتعجرفة لها تصرفات غبية فيما يخص الرجل والمرأة
انا اري ان الحياة بين الرجل والمرأة حياة مشتركة وليس هناك قانون او امر سماوى يقول ان المرأة وحدها هي المسئولة عن منع الحمل .. بل بالعكس فالمرأة عليها اشياء عديدة تنغص عليها حياتها وتتحمل آلالام الحمل والولادة وغيرها مما يخص المرأة شهريا فلماذا لا يقوم الرجل بدلا عن المرأة بأخذ هذه الحبوب التى تؤثر عليها وعلي وليدها إن كانت في فترة رضاع
والله امر الانسان عجيب
عموما يا إيمان انت راتعة باختيارك لمثل هذه الموضوعات وتطرقكك لها
تحياتي يا حبيبتى
وشكرا لسؤالك عن علياء وهي والحمد لله كانت موفقة في المادتين السابقتين وتنتظر من الله التوفيق في باقي المواد .. دعواتك يا ايمي
وبالنسبة لموبايلي فقد تحطم وسوف اشتري غيره قريبا
لك الف شكر يا غاليتى

امام الجيل مصر

16 يونيو, 2007 08:17 م

الله اكبر الله اكبر ولله الحمد
والله العظيم متعرفيش مدى فرحتى وسعادتى بعد ما عرفت قرارك ده وانى انا كنت ولو سبب بسيط فى انك تاخديه ولو شفتى فرحتى وابتسامتى طول الطريق من ساعة لما عرفت الخبر لغاية دلوقتى مش هتصدقى ربنا يكرمك ويثبتك وينفع بيكى الاسلام ويدخلك الجنة بل الفردوس الاعلى يا رب سبحان الله فى الوقت اللى بيضيق فيه على كل اللى بيعمل لخدمة الاسلام نلاقى ربنا بيفرجها من عنده بامثالك وكانه بيزيد فينا الامل فى قرب فرجه وانهم مهما مكروا فالله خير الماكرين ومش هاقلك ان الاخوان هتتشرف بوجودك بين ابنائها ده باعتبارك ما شاء الله ايجابية وبتحب دينها ومحترمة وغيورة اوى على دينها وعلى بلدها لا انتى اللى هتزدادى شرف وعزة وكرامة وحسنات باذن الله والله العظيم المفروض تفرحى جدا لان ربنا اختارك بين ملايين من عباده عشان تخدميه وتخدمى دينه وتكونى امه بجد لله فيه ناس كتيرة اوى منتظرينك ومنتظرين اعمالك وجهدك بل وجهادك حرام كل الطاقات اللى ربنا وهبك اياها دى تروح كده ملايين بيعيشوا ويموتوا ولا حد بيسمع عنهم ولا بيزيدوا فى الحياة شئ زى ما دخلوا زى ما خرجوا بس قليل اللى بياثروا ويحفروا اسمهم ويعملوا شئ ينفع دينهم واهلهم ووطنهم بس بيكون ثوابهم عند ربنا كبير جدا استعدى بقى انتى اللى اختارتى انك تضحى من اجل الدين الطريق مش مفروش بالورود هو صحيح اخرته جنة عرضها السموات والارض بس فيه تعب بس هتلاقى جواه حب واخلاص وعطاء وقلوب واعمال كتيرة تملى عليكى حياتك وتكترى بيها حسناتك استعدى بقى عشان فيه ناس كتير مستنية بسمتك ليهم وكلمتك ولو بسيطة ربنا يكرمك ويبارك فيكى يا رب بس ادعيلى بقى

ياسر
16 يونيو, 2007 09:25 م

أختي ايمان
لاتعليق
لقد أتيت للسلام عليك

wenda مصر

17 يونيو, 2007 02:34 ص

الآن قسم جديد في فهرس المدونات
لافضل موضوعات الجيرانين
الآن الاسبوع الاول
في مدونة المدونين 2
اضغط على اللينك
http://wenda.je eran.com/wenda4
******
اذا كان لديك موضوع جيد
اترك تعليق بلينك الموضوع
وهذه الموضوعات متصلة بفهرس المدونات
واللينك الخاص به
http://wenda.je eran.com/wenda2/archive/2007/5 /222015.html

badd مصر

17 يونيو, 2007 05:51 ص

الغالية الى القلب ايمان اولا سعدت باستقبالك لي داخل مدونتك الغالية علينا باطروحاتها التي قد نتفق احيانا عليها والبعض نعارضه تماما ولكنها اطروحات جادة في مجملها
ثانيا انا مكثت حوالي ربع ساعة اضحك من ردك علي وبجد انا سعيد بمعرفتك (دمك خفيف يا عسل ) ههههههههههههه

anamaly مصر

17 يونيو, 2007 06:06 ص

ازيك يا ايمووو وحشانى موت طبعا انتى عارفه اللى فيها بس بقالى فتره مش بذاكر قولت ادخل نت - مع ان كان عندى امتحان امبارح -

بالنسبه للموضوع هو متهيألى ان علميا صعب او مستحيل ده يحصل , اكيد طبعا ربنا قادر على كل شيئ بس بردو ربنا عمل لكل شيئ شيئ , يعنى لكل كائن وظيفته و عمله و الحمل ده لا وظيفه الرجال ولا عملهم

بالنسبه للصورة مش عارفه ايه حوار انها حرام ده بس كل اللى اعرفو انها مقرفه اوى ولا تطاق النظر اليها

و بعدين بقى لو حصل يللا تمام على الاقل التوأم اللى جم للدنيا دول هيبقى عندهم 2 ماما واحده هتربيهم و واحد هو اللى جابهم

و على صعيد اخر -هههه- هذا الرجل تمام التمام لانو بيريـّح مراتو - بس لو عمل شغل البيت بالمره بقى يبقى راجل محترم اوى -هههههههه-

يللا سلااااموز و طمنينى عليكى و على النت اللى راح و جه بالسلامه - مجابليش حاجه معاه ؟! -

بااااى

anamaly مصر

17 يونيو, 2007 06:11 ص

سورى يا ايمو نسيت

ايه المشكله فى انو ياخد حبوب مع مراتو و ايه اللى ممكن يجرح كرامته فى كده!

مش المفروض ان كرامة الزوجه من كرامة الزوج طالما هو اللى اختارها ! يبقى لو هو شايف ان الموضوع ده فى حرج لكرامته يبقى ميطالبش مراتو بانها تاخدها لان ده كان هيبقى بردو من حرج كرامتو زى ما اتفقنا ولا الحوار كلو اساسا شكلو ان فى كتير من البشر مش عارفين " معنى الكرمه " ؟؟!

سلااااااام

dodo555555 مصر

17 يونيو, 2007 09:24 م

حبيبتى ايمى
أولا مبروك على التصميم الجديد الجميل.
ثانيا: ليت الرجال يشاركون النساء فى موضوع الحمل فيخففوا العبء عنهن.هههههه
ثالثا: هل لديك أدوية ضغط جيدة، حتى تقرأى موضوع: مسخرة العربية نت على الرابط التالى
http://dodo5555 55.jeeran.com/archive/2007/6/2 47852.html

noormohamed مصر

17 يونيو, 2007 11:03 م

يانهاااااااااااار الوان :

يلا علشان يجربو ويعرفو أد ايه المرأه بتتعب وتضحى ، هههههههههههههه

مشاركه الرجل للمرأه فى مسأله تعاطيه مايمنع الجمل متبعه من زمان بس لدى الغرب ، وبرغم وجود الادويه الا ان الرجل الشرقى بيرفض تعاطيها اعتقادا منه انها بتنتقص من رجولته ، دا العادى بتاعه اذا كان هو بيرفض المشاركه فى واجبات المنزل يبقى هيتكرم سيادته ويتنازل ويشارك فى هذا الامر ....

noormohamed مصر

17 يونيو, 2007 11:09 م

souadsaleh المغرب

17 يونيو, 2007 11:38 م

الغالية العزيزة إيمان
السلام عليكم و رحمة الله
ليس لي شيء إلا
سبحان رب العزة الذي في خلقه شؤون
وحشتيني يا غالية
عرفت إنني قصرت بحقك
و لكني لازلت مفجوعة يا إيمان
أختك سعاد البدري

س.أومرزوك المغرب

17 يونيو, 2007 11:38 م

الله يستر العاقبة على خير..
ومع تحياتي.

halataha
18 يونيو, 2007 11:21 م

إمممممممممم والله مش غلط أبدا :-)

7ob1 مصر

19 يونيو, 2007 08:08 م

الأخت العزيزة إيمان حسان
أحب أولاً أن أبدي إعجابي على إختيارك لآسامي مواضيعك..
ثانياً .. أما عن وسائل منع الحمل .. فأنا كنت قد قرأت منذ فترة عن هذا الدواء فى جريدة الأهرام .. وأنا شخصياً لو لم يكن لهذا الدواء أي أعراض جانبية أو آثار سلبية فلا مانع لديه من تناوله .. ويحضرني فتاوة للشيخ الشعراوي عن وسائل منع الحمل حيث قال .. ممنوع إستعمال أية وسيلة لمنع الحمل عدا العازل فإنه لا بأس به .. لأنه لا يوافق على إدخال مادة كيماوية داخل جسم الأنثى ..
وإسمحيلي أعلق على أن صوت المرأة عورة وحكم الصور .. أولاً صوت المرأة ليس عورة وهناك أدلة كثيرة والصور الفتوغرافية ليس حرام لأنها حجب للظل .. الحرام الصور المرسومة والمجسمة
دمتي بكل ود

7ob1 مصر

19 يونيو, 2007 08:09 م

7ob1 مصر

19 يونيو, 2007 08:09 م

emyemyemy
19 يونيو, 2007 08:47 م

اعتذر لتأخيرى فى الرد نظرآ لظروف العمل

emyemyemy
19 يونيو, 2007 08:52 م

صديقى العزيز أبو زياد الفاتح
والله مش خايفة من موضوع الإخوان إية رأيك بقى إن أنا دلوقتى كى جى 1 إخوان
يعنى فى الطريق إليكم إن شاء الله
وبالنسبة لموضوع المساواة أنا ضدها تمامآ واللى يحصل يحصل
عمومآ أنا تشرفت جدآ بمعرفتك وبمعرفة كل الإخوان ..

emyemyemy
19 يونيو, 2007 08:54 م

أهلآ يا أمى
ههههه إنت بتدعى علىٌ يا رمضان

سلملى على حنفنف .

emyemyemy
19 يونيو, 2007 08:58 م

أحمد عمر الناصرى

صديقى العزيز بعد الشر عنك لا تتناول دى ولا دى هههههه .
أشكرك لزيارتك الجميلة دومآ .

emyemyemy
19 يونيو, 2007 09:02 م

الغالية اللى بتوحشنا كتير وبتغيب عننا محاسن

شكلك مخنوقة منهم قوى ههههههههه
ربنا يريح قلبك ويحققلك اللى بتتمنية حتى لو كان حمل الرجاله هههههه
ولو إن دة مستحيل بس يلا فكى عن نفسك بكلمتين هايبقى من كله هههههه
لا تغيبى علينا يا قمر .

emyemyemy
19 يونيو, 2007 09:18 م

أخى الكريم إمام الجيل

مش لاقية كلام ممكن أقولهولك ، لكن صدقنى أنا فعلآ إذدادت شرف بكعرفة الإخوان من خلالك ومن خلال مدوناتهم وموقعهم وكان الفضل الأول لله تبارك وتعالى ولك ولمنعم محمود اللى كان أول بداية معرفتى بإن فيه شىء يستحق الإنتماء له وهو شرف لكل مسلم ، وهو جماعة الإخوان المسلمون .
أشكركم جميعآ .

babalbahr مصر

19 يونيو, 2007 09:29 م

السلام عليكم

أغيب كام يوم ألاقي الدنيا مقلوبة كده؟ صحيح موضوع الإنضمام للإخوان ده؟

ع العموم هوه فيه كام ملاحظة أرجو ان حضرتك تاخدي بالك منها.

لو كنتي انضممتي فعلا مش هاتقبليهم مني بالطبع .. و لو ما انضميتيش محدش م الاخوان هيقبلهم مني بالطبع.

محتاج إذن حضرتك أقول و لا لأ .. و تحبي أبعتهم هنا ع المدونة و لا في رسالة خاصة؟؟

و ع العموم هيا عبارة عن نقاط هامة يجب أخذها في الاعتبار من البداية .. و كلها مؤسسة على أدلة شرعية ، زي ما بحاول أستند دايما.

و وفقكم الله لما يحب و يرضى.

nesrelsharke مصر

19 يونيو, 2007 09:38 م

بقى كده يا ايمان
بقى الرجاله ممكن يخلفو
أظن دى جايلكوا على الطبطاب
ماشى يا ستى بس انت كده بتعلنى الحرب
تحياتى

nesrelsharke مصر

19 يونيو, 2007 09:40 م

بقى كده يا ايمان
بقى الرجاله ممكن يخلفو
أظن دى جايلكوا على الطبطاب
ماشى يا ستى بس انت كده بتعلنى الحرب
تحياتى

y85f
20 يونيو, 2007 03:53 ص

سبحان الله ولاحول ولاقوة الا بالله .. عشنا وشفنا ..

اما عن سؤالك فانا لااستطيع الاجابة بنعم اولا لاني لست متزوج هههههه ولا ادري ماهو قراري حينها لكني اقلك شيء على اغلب الاحوال سيكون الرد من الازواج بـــــــــ لا

تقبلي مني مروري وشكرا على المعلومات لعلها تفيدنا بالمستقبل (( بعد الزواج )) ..

احمدعبدالغفارحسن مصر

20 يونيو, 2007 07:45 م

عزتى ايمان..
اسف جدا للتاخير لظروف قاهرة..
وشكرا لزيارتك التى اسعدتنى كثيرا..
بارك الله فيك وجعلك اكثر اشراقا وتالقا..

tamtamna
20 يونيو, 2007 11:38 م

أين الجديد ؟؟؟؟؟؟؟

وحيد

وليس وجهات نظر

الناس كلها عرفت خلاص

هههههههههه

أتارى الناس كلها عارفه كل اللى يعرف يروح يقول للتانى

وانتى عارفه طبعا قولتى لمين هههههههههه

قبل ما أنسى فى موضوع فى مدونتى أسمه

لماذا الاْسماء المستعاره ؟؟؟

تحياتى لكى

وحيد

baskauta مصر

21 يونيو, 2007 03:29 ص

iam baaaaaaack
بس مش اوي بردو
اتبسطت اوي لما جالي سلامك ولما لقيتك بتسالي عني
بجد فرحتيني
مرسيييييي

وعلى الموضوع
يبقى احسن بردو ان الراجل هو اللي ياخد الحبوب وينظم الحمل ... هو كل حاجة على دماغ الستات :)

لكن الراجل الشرقي دماغه مش هتفهمها كده
للاسف يعني
وربنا يساعدنا على تحمل الدماغ دي
:)

barakat84mobarak المغرب

21 يونيو, 2007 06:16 م

كل انسان مسير لما خلق له فكما أن المراة لديها أسسها الخاصة من الأنوثة والانجاب ...الرجال كدلك له أسسه الخاصة من الخشونة التي خلق من أجلها ....هناك أشياء لا يمكن للمرآة أن تقوم بها سيرت فقط من أجل الرجل والعكس صحيح ...فقيام اللرجل ادا بوظائف المرأة الأنثوية كالانجاب من المستحيلات التي لن تتحقق لأنها فطرة الله التي خلقت لها البشرية.......

diaawithu مصر

21 يونيو, 2007 08:32 م

السلام عليكم

عزيزتي ايمان كوضوع جميل ورائع جدا

اولا بالنسبة لهدفك الاول من الموضوع وفكرتك الاولي وهي تسبيح الخالق

فسبحان الله
واشكرك للمعلومة فعلا

معلومة جميلة جدا

سبحانك يالله

وجزاكي الله كل خير علي الموضوع

سلام
ضياء

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

اعلمني بالتعليقات المستقبلية عن طريق البريد الإلكتروني

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي