مدونات جيران - عقلي المتجمد الشمالي - يــا ريــــت :أضف تعليقاً جديدا

إبحث عن أشخاص

عنوان المقال : يــا ريــــت

[English]

leen83 المملكة العربية السعودية

21 يناير, 2008 06:30 م

لو فيك تتمرجل
ع مشورب
وازعر
بدق الامل
كتف بكتف
لو فيك تتمرجل...
ع ظرف
أي ظرف..
كذوب
واحكيلي
انو رح تجيلي
لف راسي لف..
اووووووف شو مشتهيه
أركض
عليك
ياخوف
يالمتكي
ومغرور
اعطيك كف..
..
واجعنا الخوف جو..واجعنا كتير
..
ملاحظة: تعليقي فيك ماتنشرو لانو بيكون مش موزون..أو مش راكب
إعتبرو تعدي شعري
وسامحني

تحياتي الك

عصام السسعدي الأردن

22 يناير, 2008 02:30 ص

جو العزيز

كلما قرأت لك قصيدة جديدة ..ازددت قناعة بأنك تضيع وقتا حين تذهب للكتابة في حقول أخرى ..أرجوك أن تعطي للشعر وقتا أطول ..بقية الموضوعات ستجد كثيرين يكتبون فيها..أنت هنا يا صديقي ..في منطقة الوجدان ..تلك المنطقة التي لا يدخلها إلا من يغرفون من دواخلهم ..فيدخلون قلوبنا بسحر بيت من الشعر ..أو ضربة ريشة.. أو رنة وتر
لننتشي إلى درجة الغيبوبة المطلقة " وما تعود تعرفنا الدني أو نعرفا"

ولك صرت مجدوبْ بْحِمِصْ بالأربعا ..
بيْتوه ع اطراف الوَعِي ..
ساعات بتشوفو صِحِي
وساعات بتشوفو غَفَى
...

شو قِلْتْ ؟؟

بِنْتْ وعَ الْجَبَلْ
وبْتِلْدَعَك مِتْلِ الجَمِرْ بنهودها
وبِتْضَّلْ تصرخ
يا بِِنِتْ
رَحْ موتْ فَتْفَتْني البَرِِدْ
يا بنت
في عندي طَلَب
مَنُّو صَعِبْ:

-شي ألفْ بَوْسِة بْهالْمَسَا
وْلَوْ تُرقُصي
وسيقانَّا تِلْتَفْ
ساعة بْهالْعُمُر
رح ينطفي فينا البردْ
وتْشعْلِلِي
وبيناتنا يسيل الدَّفا

وعذرا صديقي جو.. هيي هيك
هيدا اللي طلع معي
وسامحونا

بكل احترام
عصام السعدي

نور كلمات خاصة
22 يناير, 2008 06:15 ص

ياريت يا جو ..

يا ليتنا نستطيع أن نطفيء عيوننا فلا نعود نرى الا أحلامنا ..ونقفل آذاننا فلا نعود نسمع الا عذب أغنية ..ونهرب
الى نهاية العالم ونسكر فلا نعقل ..لكننا لن نستطيع ..لن نستطيع ابدا ..فلا أقل من كلمة تعبر عما يخالج الوحدان ..

هل تصدق منذ يومين تجتاحني رغبة كبيرة جدا بأن أكتب شعرا بالحب ..ربما من شدة هذا الصقيع الذي جمد القلب والأطراف ..
أشعر بحاجتي الى النار ..غريبون نحن أحيانا ..غريبون جدا ..!!

joe75
22 يناير, 2008 03:20 م

لين

تفاجئت باللي كتبتيه

كتير حلو

ما بظن انك سعودية ..

شكرا كتير الك يا لين

نوّرتي صفحتي

joe75
22 يناير, 2008 03:23 م

عصام حبيب القلب

انت دايما بتضيف شي حلو كتير على ياللي بكتبته ..
بشكرك كتير كتير لانك قريب مني لهالدرجة .
و كتير انبسطت بالحمصي .
انا ما عم استرجي اكتب اللي بدي ياه ههههه لكن انت صاير اشجع مني . كتير عجبتني .
ـ بخصوص العامية و الشعر ..حسب المزاج ..ما بقرّر شو بدي اكتب ..
راسي متبرّى مني ..بيكتب يلّي بيطلع معه بدون مقدمات ..و على فكرة ..انا ما بنشر نصوص قديمة ..بنشر اللي طلع معي بنفس اللحظة .
شي مرة او مرتين اعدت نشر نصوص سابقة ..كانت بالفصحى .
شكرا كتير يا صديقي

joe75
22 يناير, 2008 03:27 م

اروى

هو هروب من بين فكّي هذه المرارة التي تلازمنا يا اروى

هروب على جناح خيال ..لم يعد بمقدورنا اكثر من ذلك .

اكتبي كل ما يخطر لك يا اروى .. و لو اني اعرف اننا محاصرون حتى من انفسنا .
شكرا لك يا صديقتي

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي