مدونات جيران - عقلي المتجمد الشمالي - سنديانة :أضف تعليقاً جديدا

إبحث عن أشخاص

عنوان المقال : سنديانة

[English]

نور كلمات خاصة
22 يناير, 2008 05:50 م

صدقني قرأت سنديانتك الشاهدة على الزعرنة ولو كنت سأترك تعليقا فلكان ضحكة مجلجلة ..

ولكنني أغلقت الصفحة ولم اترك تعليقا وذهبت الى مدونة الأخ بوب في مقاله "تضامن ووفاء" فقرأت تعليقك هناك ..لم يسعني الموقف الا أن اعود لشكرك مع أنك لا تحتاج بالضرورة لشكري ابدا يا جو ..

فقط انت رائع ..رائع بكل المقاييس ..بكل المقاييس ..وبكل صدق ..

دائما لك رأي يقارب الحقيقة كما هي دون تحيزات ..شكرا لهذا العقل المتجمد الشمالي الذي تعلمنا منه الكثير أولى له ان يبقى كذلك ما دام يحمل كل هذا الإنصاف والحكمة .... بدي حط غمزه هون وقول والزعرنة كمان ..ههههه

munaasad الأردن

22 يناير, 2008 06:17 م

كي نضغط لرفع الحصارعن غزة
شاركونا بارسال رسالة المدونيين الجماعية لحكومات بلادهم
http://munaasad .jeeran.com/banafsag/archive/2 008/1/447211.html

words2007 سويسرا

22 يناير, 2008 06:31 م

ولد جو؟

مين فساتين وازرار؟

قصيدة شقيه

تملك ملكة عالية من الكتابة بصيغتها الأدبيه الخالصة ,, بأبسط الجمل يصل النص عميقاً بجمال..

دام حرفك الجميل قنديل يضيءالمكان

زيارة ثانية لنص أدبى خالص لجو
ولن تكون الآخيرة

تحياتى وسلام

leen83 المملكة العربية السعودية

22 يناير, 2008 08:28 م

فيك تقول انو مدونتك صارت ملجأ(للهروب)..وأي هروب ؟؟
عاقد المطر يالي عم يكت كت..
يبكي القلب
وتشتى روحي
ع السكت..
مافيك تقشع
محل ماوقف
بعدو البخت
واقف..
عيونك مفتحين
ولنك فاهم وشايف..
..
متل فلومي القنوات المحلية
هيك بعدماأنتشيت بالنهاية السعيدة بتطلعلك هي(وششششششششششششش)
شو بشعة وبتشوش عليك
بس هي بتكون الحد الفاصل
يعني فيك تعتبرا غربال
ومابيصفي بالذاكرة إلا المشاهد القريبة جدا من القلب..
وشوقليلة(ههههههههه)بس
طالما قادرين انو نحب..أونستدعي صور بالذاكرة المشفرة..هاد يعني أنو عم تقاوم في ضل هالحالة الهستيرية من البكاء المتقطع
بتعرف جو
هالحالة صابتني أيام حرب العراق
بكون ساكتة وببكي بصورة مفاجئة وعنيفة
شكرا جو
عم تخلينا نستدعي صور حلوة ونهرب لنو ثواني
ضلك اكتب عن الحب
ضلك قاوم بحاجة لنحس انو يالي عم يدق جواتنا قلب مش أشي تاني..
والاهم ضلك متحمل هالفلسفات الخرافية

(بتمنالك كل الخير)

bahrainj البحرين

22 يناير, 2008 10:04 م

الصديق الغالي والعزيز جو

دائما كلماتك مبدعة ومتألقة لا تحتاج لشهادة جاهل مثل لأدب الراقي في الكلمات يا مبدعها وسيدها حديقتك تسعدني أغلب الأحيان بغض النظر عن ضبابها الأسود

تحياتي

ريم
23 يناير, 2008 04:13 م

صديقي ...

ما بعرف ليش العنوان خلاني اكتب هالنص واللي يمكن مش مرتبط مباشرة بقصيدتك ... وليش خلاني اكتب باللهجة المحكية اللي عادة ما بكتب فيها

باتمنى أعرف رأيك

************************** سنديانة وقمر ...

عند هاك السنديانة زهّر قمر*
صار يفتّح عيونو على وراقا ...
وينشر عبيره بفَيْها ويِكبر ...
والسنديانة كانت تحب الشذى ..
اللي صار يغمرها ... ومن جارها يصدر ...

دق قلب القمر لجارته الحلوة ..
وصار يحلم إنو بحبها يِظفَر ...
ما كان عارف إنو السنديانة دايبة ...
بعطرو وسحرو ..
وبلون خدودو الأحمر

وبيوم صارحها وقلها يا ريت
فيني أوصل لجبينك ..
وبحضن أغصانك .. إسهَرْ ...
قالتلو يا عمري ما في مستحيل ...
خلينا نلتقي بنص الطريق ...
والمسافة البيناتنا تقصر ...

وصار هوي يرفع إيديه للسما ويعلى ...
ويشد أوراقو أكتر وأكتر ...
وهي تنحني عا مهل ...
وتمد أغصانها صَوْبو ... وأوراقها تخسر ...

أصحابها قالو مدري شو بها ...
وصارو يحذروها ... ويقولو
من الجايي يا رب .. تستر ..

وهوي الأرض تكمشوا وتشد ..
وتناديه يبقى حدها ..
وينسى حلم خلاه يتكبَّرْ...

لكن تنيناتن ما سمعو الندا..
هي تحني راسها .. وهوي يتعنتر ...

وبيوم وِعْيِت الجيرة على مصيبة ...
لقيو القمر دبلان عم بيموت ..
شروشو تكشفت من أرضها ..
وصار أصفر ...
بدو يبكي لكن ما في بعينه دموع ...
حزنان عا سنديانته اللي قد ما انحنت كرمالو ..
جذعها .. تكسَّر !!!

* قمر باللهجة اللبنانية المحكية تعني "وردة"

joe75
23 يناير, 2008 04:40 م

شكرا شكرا شكرا لكل الاصدقاء هنا ..

اروى و منى و رندا و العزيز جعفر .
شكرا كتير لتشجعيكم
شكرا لين لانك عم تشاركينا بالكلام الحلو

و ريم برافووووووووو شو هيدا يا عمي؟؟

الحكاية كتيرررررر حلوة ..يعني هيدي اول مرة بتكتبي بالعامية ..و برافو عليي انا اذا عم ادفعكن بكلماتي تتكتبوا هيك اشيا حلوة ..شكرا من القلب

sham4me
24 يناير, 2008 09:27 ص

لكل منا سنديانته الرائعة .. يكتب عندها ما يجول في خاطره ..

لها من العَظَمة الشيء الكثير ..

ولها من الكبرياء الشيء الكثير ..

خالدة .. قوية ... تحتاج لمن يفهمها ..

يفهم سرَّ السنديانة ...

صديقتك نوارة الشام ..

يسعدني انضمامك لأصدقائي وهذا تاريخ ميلادي ..

29-9-1982

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي