مدونات جيران - طُظيَّات محجوب عبد الدايم - طظية مزدوجة :أضف تعليقاً جديدا

إبحث عن أشخاص

عنوان المقال : طظية مزدوجة

[English]

Boni الأردن

08 ابريل, 2007 01:49 م

أنا حقيقي مش قادرة أقول أي حاجة!
انت معايا يعني ان الدعوة فن؟
و معايا ان الداعية الغبي اللي ما بيعرفش يكلم الناس على أد عقولها داهية مش داعية؟ (طبعاً داهية قصدي مصيبة، أكيد مش قصدي خبيث علشان الخبيث لازم يبقى ذكي)
بالله عليك يا محجوب انت بتقول الكلام ده علشان بتكره الدين ولا عشان انت متدايق على الناس اللي بتحب تتدين و بتشمئز من التصرفات دي؟
كفاية سكوت على الغباء باسم الدين! و كفاية نستحمل باس ما بتعرفش تعمل حاجة بس علشان بيسموا نفسهم "شيوخ"...

kokiiv مصر

08 ابريل, 2007 02:17 م

معاكي جدا في مسألة الداعية الغبي دي.

طيب بالله عليكي انتي، لو كنت بقول الكلام ده عشان بكره الدين، كنت قولته م الأصل؟ انا بس مش طايق الاستهتار و التخاذل اللي حواليه في كل مكان. و كل واحد صلى ركعتين نفل افتكر نفسه خلاص، فلت ، و ماحدش له عنده حاجة. لأ و الأدهى بقى و الأمر، انه لازم يعرف كل الناس التانية انه عدى و خلاص، و انه احسن من أجداد أجدادهم الكفرة الفسقة. و حاجة يعني تحرق الدم، و مش عارف على ايه و الله. و ياريته بيعرف يتكلم حتى. ياريته بيقرأ ولا مثقف ولا بيعرف يوصل كلامه لأي حد.. ده انا لو جبت عيل صغير هيقول الخطبة أحسن منه عشر مرات.

مرة في جامع ريفي، الامام ماجاش، و كان فيه راجل كبير في السن و على قد حاله، قال لما نطلع نخطب في الناس هيه عاوزة شوية فهلوة و خلاص. فراح جاب كتاب قديم كده فيه خطب من مكتبة المسجد باين، و قعد ينتع الناس منه خطبة طووووووووووووويلة عرييييييييييضة. و بعدين في الآخر بيدعي برضه من الكتاب قام قايل "اللهم انصر الوالي العثماني و عساكره الموحدين" لا ماتضحكيش.. لسة

الناس قالت آمين!!!!!!!!!!!!!.. آه يا مرارتي ياني.

الناس ماعندهاش استعداد تفكر في أي خطبة من أي حد. المهم انه فيه واحد عمال يصرخ بالفصحى و هما بيبقوا قاعدين ولا في دماغهم اللي بيتقال. و مابيصدقوا الصلاة تقام علشان ينقروها و هوووب، في الشارع.

و لما واحد يشغل دماغه في الخطبة و يفهم انه فيه غلطات و انه الاسلوب مش قد كده، يطلع زنديق و منحل و متفسخ أخلاقيا و دينيا و كلام فاضي كده ماعرفش بيجيبوه منين. ولا حول ولا قوة إلا بالله.

و انا عارف انه كلامي لا هيقدم ولا هيأخر. الواحد من دول مايعرفش يعني إيه انترنت أساساً. و آخر معرفته بيه إنه ملهاة، و مصدر للشهوات، و عيب. يعني من الآخر كده نفس الكليشيه اللي بيحطوه على أي حاجة هما مش عاوزين يحاولوا يفهموها. زي المرأة مثلاً.

لكن هقول ايه بس. طظ... هيهي، هيا دي اللي فاضلالي.

Boni الأردن

09 ابريل, 2007 10:36 ص

والله يا محجوب معاك حق!
الناس دايماً بيتهموا أي حد بينتقد انو زنديق و "بيجرأ الناس على الأئمة"...
مش لما يبقوا أئمة الأول؟
ائمة زمان ما كانوش كده، أنا متأكدة... أئمة زمان كانوا حاجة تانية خالص... الواحد فيهم كان أفهم واحد في أي حاجة... و كانوا أذكياء و حاذقين و علمهم واسع في كل حاجة... العلم الدنيوي و الأخروي... حتى لما تقرا سير الصحابة، تحس انهم كانوا مثقفين و لزيزين و حتى روشين... كانوا بيعرفوا كده يتصرفوا فكل حاجة...
ياللا...
زي ما قلت انتا... :-)

kokiiv مصر

09 ابريل, 2007 04:06 م

بالظبط، زي ماقولتي كده-- لما يبقوا أئمة الأول يبقوا يزعلوا

هيهي، بس سيبك انتي، اللكنة المصري بتاعتك جنان، جيبتيها منين دي؟

Boni الأردن

09 ابريل, 2007 05:15 م

هيهيهي...
أنا من وانا صغيرة وانا بقرا ميكي جيب، و ميكي، وسوبر ميكي و سمير... و كابتن سمير كمان...
و تقدر تقول ان انا بحب مصر جداً جداً... و أهلها الطيبين، و بحس بالفخر اللي بيترسم على وشوش المصريين لما بيقولوا: "مصر دي أم الدنيا"...
و سلام للجدعان ;-)

summer لبنان

29 ابريل, 2007 12:17 م

Sorry i have not been here for a while and i almost missed reading a great post , as usual!!
As much as i agree with you as much as i enjoyed reading your comments back and forth with Boni!
I have nothing else to say, i usually listen to the friday Khotba just to say Ameen to the Dou3a!! i am tired of listening to the imams!! nothing touches my heart anymore!

kokiiv مصر

14 مايو, 2007 05:30 ص

هيه دي المشكلة يا سمر..

الكلام كتر قوي، بس المعاني... نشفت

على رأي أمي... هيهي

abubasl المملكة العربية السعودية