مدونات جيران - احمد صقر - أجمل الأشعار :أضف تعليقاً جديدا

إبحث عن أشخاص

عنوان المقال : أجمل الأشعار

[English]

badd مصر

09 ابريل, 2007 09:04 ص

شكرا ياصديقي حمادة على مقالك الرائع وشكرا على أشعار الإمام الشافعي فهي تحمل الحكم الصائبة وأنا أعشق أشعاره
والقلم المعبر رسالة ومن يملك قلما ولا يدحض به الباطل فهو شريك فيه وأقلامنا أمانة وعلى الشعراء أن ينتبهوا لقد انتهى المذهب الرومانسي في أعقاب الحرب العالمية الثانية وبدأ الشعراء يعبرون عن الواقع بحسناته وعوراته وعبروا عن قضايا أمتهم لذلك عاشوا في ذاكرة الناس أما من يكتب ثرثرات رومانسية فسوف يصبح منسيا
شكرا لك ياصديقي

7amada2004
10 ابريل, 2007 02:22 ص

اخى وصديقى خالد
الحمد لله على سلامتك
وانا سعيد جدا برجوعك للموقع
وعندك حق من يملك قلما ولا يدحض به الباطل فهو شريك فيه
ولكن اختلف معك فى ان الشعراء بدأو يعبرو عن الواقع بحسناته وعوراته
فئه قليله هى التى تفعل ذلك
والاغلبيه تسير على المذهب الرومانسى
لو دخلت المدونات ستجد معظم الكتابات اللى فيها عن الرومانسيه
انا حاسس ان الناس بقت بتحب على روحها
وياريتهم بيحبو ولكن للاسف اصبحت كلمة الحب متداوله مثلها مثل كلمة مساء الخير
يعنى دلوقتى لما الواحد يقابل واحده بدل ما يقلها مساء الخير يقولها بحبك
لدرجة ان كلمة الحب فقدت بريقها ومعناها
على العموم اتمنى ان تتجه الاقلام الى الواقع للمساهمه فى حل المشاكل اللتى تحاصرنا فى كل مكان
فلم اجد اقوى من القلم تأثيرا فى الناس اذا احسن اصحابه استخدامه
وشكرا لك يا صديقى العزيز

dalya2000 مصر

10 ابريل, 2007 01:37 م

السلام عليكم
اشكرك على الملاحظه اخى فكثيرون فعلا ينشغلون بهذه الموضوعات حتى الدردشه تكون مركزه على هذىالموضوعات
تمنياتى بالتوفيق

7amada2004
11 ابريل, 2007 03:28 ص

الاخت الكريمه داليا
فعلا الايام دى معظم الناس مشغولين بالموضاعت دى وده ناتج عن الفراغ الفكرى وعدم وجود هدف محدد فى حياتهم يسعو لتحقيقه
وشكرا لتعليقك وتواصلك
واتمنى ان نتواصل دائما

7amada2004
11 ابريل, 2007 03:47 ص

اخى وصديقى خالد
شكرا لك على تعليقك وفهمت قصدك وانا قمت بحزفه بنائا على طلبك
وتسلم يا غالى على التواصل

mchmshah مصر

17 ابريل, 2007 02:21 ص

عندك حق فى كل كلامك ، كل ما أدخل مدونة ألاقيهم بيتكلموا عن الشفايف وعن الرموش وعن العيون وناسيين القفا ههههه مع إنه بيستحمل كتير قوى فى الزمان دة .

صدقت والله يا أخى فى كلامك ولكن صدقنى يا أخى الحب والغرام أصبح سياسة وأصبح هو المتنفس الوحيد لنا فى هذه الحياة ، كيف أكتب فى هموم بلادى وقلبى ينشغل بمن أحب ، لا أنكر أن هموم البلاد وحياة العباد يمكن تكون أهم ، لكن أنا باكلمك بصدق .
الكلام فى الحب متنفس لنا جميعآ يمكن يصادف دخولك كل مدونات غرامية ، لكن هاتلاقى اللى بيكتب عن الحب له مقال أو إثنين عن هموم الوطن والحياة .
خلينا نحب ولو حتى على الورق .
مقالة رائعة أخى وجزاك الله خيرآ عنها وعن نيتك الصادقة وأرجو آلا يزعلك كلامى لأن الخلاف بالرأى لا يفسد للود قضية .

7amada2004 المملكة العربية السعودية

17 ابريل, 2007 05:08 ص

الاخت الكريمة مشمشه
والله عندك حق القفا مظلوم معانا وعشان خاطرك هكتب موضوع كامل عن القفا
عشان نرضيه
ويا ستى اكتبى فى الحب زى ما انتى عاوزه
انا مش ضدد الكتابه فى الحب
لكن ضد التفرغ للكتابه فى الحب فقط وضد استخدام الكلمات المبتزله
وايضا ضد الحب المفتعل او حب التسليه
يا اخت مشمشه الناس بقت بتحب على روحها كل واحد يعرف واحده عمال يحب فيها وشويه يكتب عن فرحه الحب وشويه عن الهجر وبعد كام يوم تلاقيه بيكتب لواحده تانيه
وده بقى اسمه حب ولا لعب عيال
حتى كلمه الحب فقدت بريقها من كتر اللعب بيها
مابقاش ليها طعم
وانا طبعا مش زعلان من كلامك وكلامك مافيهوش حاجه تزعل
بالعكس انا سعيد جدا بتعليقك وانتظرى موضوع القفا قريبا لان فكره كتابه موضوع عن القفا كبرت فى راسى

mchmshah مصر

17 ابريل, 2007 09:18 م

ماتنساش بقى تكتب إنى ملهمتك فى موضوع القفا دة هههههههههه
الظاهر إن المقال هيكون فى إطار سياسى ، يلا مش مهم وساعتها هانعرف بنفسنا القفا بيستحمل قد إية فى الزمن دة ، أصل سلومة الأقرع مش بيرحم هههههه
أما بقى بالنسبة لموضوع الحب أنا مش شايفة إن فيه حب أصلآ الواد من دول يفضل يغنى ويسمع الكلمتين وهى تصدق على طول عارف ليه لأن إحنا فى زمن محتاجين فيه نحس بمعنى الحب ونصدق أى كلمة حلوة مش ضعف لكن إحتياج ولو كان ضعف حتى مش عيب .
أنا مستنية موضوع القفا دة بشغف .

7amada2004 المملكة العربية السعودية

17 ابريل, 2007 11:06 م

اكيد يا مشمشه هكتب انك ملهمتى فى موضوع القفا ده حقك حسب قانون الملكية الفكريه
بس الموضوع هيتاخر شويه لان انا بكتب لما بيكون مذاجى رايق ومذاجى بيروق كل شهر مره
وكمان موضوع القفا ده انا دبست نفسى فيه عمال اجيبه يمين وشمال عشان يطلع منه موضوع مش عارف
لكن انا قررت وان شاء الله هكتب
وعلى فكره مش انا اول واحد يكتب للقفا محمود عبد العيزيز غنا للقفا قبل كده فى فلم الكيف يعنى القفا بدأت الناس تهتم بيه
اما موضوع الحب زى ما قولتى وزى ما انا قولتلك فى ردى السابق الحب بقى للتسليه ونادر جدا اللى بيحب بصدق
وكلمة الحب اذا ماكانتش صادقه مالهاش لازمه وضررها اكتر من فايدتها
على العموم خلينا فى القفا احسن بلا حب بلا هم

souadsaleh المغرب

17 ابريل, 2007 11:41 م

احمد يا أحمد
السلام عليكم و رحمة الله و بركاته
و الله يا أحمد هذا مشكل يارقني كثيرا
ذات مرة كتبت قصيدة عنوانها : إلى معشوقي
و كان جل المعلقين يكتبون على أنني أكتب لشخص في حين أنا كتبتها عن الأقصى رغم أنني لمحت إلى ذلك في أكثر من كلمة
موضوعك شيق يستحق القراءة خصوصا ما جئت به عن الإمام الشافعي جزاك الله ألف خير
أختك سعاد البدري

7amada2004
19 ابريل, 2007 02:11 ص

الاخت الكريمه سعاد البدرى
نورتى مدونتى
وشرف ليا ان كاتبه كبيره مثلك تعلق على موضوع من موضوعاتى المتواضعه
وانا شوفت موضوع الى معشوقى
بس اعزرينى كان المفروض انك توضحى اكثر من كده ان الموضوع للاقصى
مش كل الناس عندهم سرعة بديهه
ومن الافضل ككاتبه تراعى جميع الفئات اثناء الكتابه
ده طبعا وجهه نظرى المتواضعه
وارجو ان لا اكون تجاوزت فى عرضها
وشكرا لمروك العطر مره اخرى وهلا بكى فى اى وقت

كريم ماهر موسى مصر

10 سبتمبر, 2007 03:46 ص

انا كيمو من اليكس وبقولكم من موقعى هذا فين الكلام عن الحب والجرح والرومانسية والعشق انا العاشق الولهان وبموت فى حبيبتى مى ويا رب اقدر اسعدها ويا يخليها ليا وميحرمنيش منها ابدا
بحبااااااااك مووووووت
يا اوشااااااااا

7amada2004 المملكة العربية السعودية

07 ابريل, 2009 12:24 ص

ههههههههه ايه يا عم كريم رومانسيه ايه بس
دى تلاقيها فى المدونه اللى جمبى
وربنا يخليلك حبيبتك

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

اعلمني بالتعليقات المستقبلية عن طريق البريد الإلكتروني

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي