مدونات جيران - الأنسان - فين المصرى ؟؟ :أضف تعليقاً جديدا

إبحث عن أشخاص

عنوان المقال : فين المصرى ؟؟

[English]

mohsenyonis مصر

04 نوفمبر, 2008 04:25 م

أبو النجوم
تحياتى
ممكن يا ريس تخادنى شريك لك فى البحث ؟
عموما ممكن تلاقى المصرى دا فى نكتة حية من بتوع الستينيات ، أو بجد هاتلاقيه فى يومية عامل أو فلاح لسة بيقوم م الصبح بدرى يسعى على رزقه ورزق عياله ، وممكن تلاقيه فى طالب بيذاكر وسوسة مذاكرة وعينه ع المستقبل ، وممكن تشوفه فى مثقف عمال يكد ويجهد نفسه فى تصدير وعى للناس مع إن الجو ميساعدش لكنه مصمم ع الصح .. وممكن تلاقيه فى واحدة ست بتحابى على عيالها مايكونيش كدابين أو متطلعين أو حرامية زى بتوع البنوك والعبارة والمستشفى .. إلخ .. إلخ ..
ممكن يا بو النجوم .. ممكن .. أنا معاك فى إن دى بلد انهارت بس مش إحنا .. دى السلطة إللى بتحكم لكن المصرى هايفضل مصرى

taheralsofany مصر

07 نوفمبر, 2008 04:50 ص

استاذ ابو النجوم

صباح الجمال عليك وعلي قصيدتك الجميله اوي اوي

صحيح احنا اتغيرنا اوي اوي لدرجه طز واحيه وبلاش نقولوا اكتر من كده

هههههههههههههه

بس القصيده بجد حم ايدك

بس لو عرف ايه الي خلاك تنفجر لدرجه

طز
؟؟؟؟؟؟؟؟؟؟؟؟

taheralsofany مصر

07 نوفمبر, 2008 04:53 ص

أه يا نصي يا للي تحت

مني وارم نازل فيه كحت

يا قبر ِ ياللي ناقصله فحت

هتلـّم أمتى كل شحط

وهيه موته ولا أكتر

زى حرب ومنها نـُمكر

يعني لو نعقل نفكر

طب يجلنا منين عقول

ماحنا لو نعرف نقول

واحنا بطلنا المعارف

والشجاع عاد برده خايف

واللي بيجعع دا زايف

أصله ندل بتاع كلام

طب وعليا دا المقام

وحيات نظيفة وعب سلام

انتو حزب ولاد لئام

طب وايه الحل يعني

اسكت اقول داغصب عني

أسبها يعني للي باعني

دي كلها اموال يتامى

مات أبوك يا شعب مات

حسرة علينا وميت ندامه

علينا صوتنا بالسكات

ngoom57 مصر

08 نوفمبر, 2008 03:39 م

استاذ /محسن
والله أنا فعلا لما كنت فى القاهره طلبت من صديق وأحنا ماشيين فى شارع فى وسط البلد أنه يشوف عدد الناس اللى ماشين وفيهم كام واحد مبتسم وكام واحد بيضحكوكام واحد متجهم . تصور نسبه المتجهمين طلعت 99.9% زى نسبه انتخابات الحزق الوثنى والبركه فى الحكومه خلت كل واحد فى دماغه وعلى اكتافه هم لدرجه أننا نسينا طعم البسمه

ngoom57 مصر

08 نوفمبر, 2008 04:39 م

أستاذ/ طاهر
يبدو اننا نتمى لمدرسه واحده وهى مدرسه العظيم نجيب سرور وانا معجب بكل كلمه قرئتها لك ويبدو انى هااكون ضيف دائم لمدونتك . أما عن سبب الخروج عن النص والتعبيرات الخارجه عن المألوف فأنا وانت نعلم الاسباب ويجب ان نصيغ السؤال بطريق آخرى وهى متى ستنتهى الاسباب التى فجرت كلماتنا الغريبه عنا.

taheralsofany مصر

11 نوفمبر, 2008 02:49 ص

تسمحلي بنص تعليق

***********

في كل ثانيه كام ولادة وولادة ولا َده يامصر

ولايظهر عليكي الحبل ولاتبقي منفوخه

يكبر ويتعلم ويقولوا بطل العصر

ولابيه في يوم انشغلتي ولاكنتي ملبوخه

الباقي مش هقدر يمكن تشوفه انت مره تانيه

مساء الفل

للتعليق على هذا المقال املأ النموذج التالي:

* التعليق

بعض كود ال HTML مسموح به:,,,,

أضف ابتسامات

اعرض اسم بلدك الولايات المتحدة

اعلمني بالتعليقات المستقبلية عن طريق البريد الإلكتروني

حساب جيران حساب اخر

* اسم المستخدم
* كلمة المرور

* جميع الحقول المعلمة ب * مطلوبة

ليس لديك مدونة بعد؟ أنشيء مدونتك الآن مجاناً في مجتمع المدونات الأكبر في العالم العربي