Cinnamon Zone: TV

احتفالاً بالمسلسلات العربية...

Sun, 20 Sep 2009 15:55:00 GMT

كل عام وإنتوا بخير

خلص رمضان، ضيف كريم مر بسرعة السحاب واستقبلنا بعديه العيد وبشاير الشتا... طبعاً بس رمضان بنسمع حكي كتير عن المواظبة على العبادات و عمل الخير حتى بعد رمضان وعن العيد وشو بدنا نعمل في العيد وشوال وصيام الستة أيام وأشياء تانية كتير، بس طبعاً نهاية رمضان يعني كمان نهاية موسم حافل من المسلسلات العربية والمنافسة بين الفضائيات العربية والمحطات التلفزيونية...

شخصياً، ما تابعت أي مسلسل كامل، يعني المسلسل الوحيد اللي تابعته ونيس لأني بحبه من زمان وإلو ذكريات، أما باقي المسلسلات فكان إلي الشرف والسرور إني شفت بعض الحلقات أو اللقطات منها وبصراحة يعني إشي بفرح، وما أعنيه بكلمة بفرح هنا أي برفع الضغط وبجيب الجلطة...

بصراحة مش عارفة من وين بدي أبدا، لأنه صار في إبداع خيالي في التمثيل الفاشل والأوفر والحوارات الركيكة، سواء كانت مسلسلات أردنية أو سورية أو خليجية، عشان هيك خلينا نخالف المثل الشعبي ونقول عن زيتنا عكر ونبدأ بالمسلسلات الأردنية، ما هي خربانة حربانة...

مشهد عروس وعريس بعد الزفاف، المفروض مشهد رومانسي وأعطيني عطواحيني، بس بما إنه مسلسل أردني فحتى العروس ليلة عرسها لازم تكون دواوين، ويتضح هذا من خلال الحوار التالي، ويا ريت ضعاف القلوب والحوامل ما يكملوا عشان الرومانسية اللي بتذبح:

العريس: ارحميني، أنا بشر من لحم ودم

العروس: ليش إحنا بالمسلخ

العريس: وخفة دم كمان!

خفة دم!!! بقولك خفة دم! ألطم يا واد؟ ألطم يقولوا الولية اتجننت؟ أنا بقول لو حكالها: سنحك ما أنغشك كان أزبط للموقف، بعدين هي بتقوم بتطلع موس كباس وبتعلم عليه... هيك بكمل المشهد

والإشي التاني اللي بسطح إنه لما تشوف المسلسلات الأجنبية بكون الممثلين الكومبارس اللي بمثلوا أدوار ناس مارقين في الشارع بعرفوا يمثلوا زي أبطال المسلسل، ويعني لما يمرق واحد بعرفش يمثل بتحس في إشي غريب إنه كيف جايببنه؟ بينما في المسلسلات العربية، حدث ولا حرج، بتلاقي واحد ماخد دور رئيسي وبسمع الحوار كإنه ولد في الصف الخامس بسمع أنشودة المحفوظات، يعني امبارح عم بحضر حلقة من مسلسل خليجي إنس مش قادرة أضل ساكتة! إنه مغلبين حالكم وعاملين مسلسل وأبصر قديش صارفين عليه جيبوا ممثلين زي العالم!

ومن الأشياء اللي بتضحك اللي لاحظتها كثرة المشاهد اللي بحكي فيها الممثل في عقله، بحطلك الممثل قاعد مع حاله أو حتى مع الناس ومرات بكون بهز براسه وبعمل حركات غريبة وهو بحكي في عقله واحنا سامعين كل شي، طيب حتى الواحد لما يفكر ما بكون بهز في راسه هيك! وأحلى إشي لما تكون وحده بتبكي وهي بتفكر، بطلع صوت البكا مع الحكي، كيف يعني؟ في حدا ببكي في عقله؟

بعدين كله كوم والمكياج في المسلسلات الكويتية كوم تاني، طيب ما حدا عمرو حكالهم إنه لما تكون واحدة قاعدة في بيتها ولابسة بجامة وحاطة طن روج أحمر على شفايفها وكحلة كمان شوي بدها توصل لدنيها بكون المشهد مش طبيعي أبداً؟ بلاش، خلينا نفترض إنه في ناس بحبو المكياج هيك 24 ساعة وحتى وهم نايمين، طيب ما حدا قلهم إنه مش منظر؟ يا عمي عن جد بشع، كتير بشع! يعني الواحد بستحي لما يشوف الأجانب بحطوا مكياج خفيف وبطلعوا أحلى ستين مرة من الممثلات العربيات اللي بطرشوا حالهم طراشة، كإنه الواحدة بتفيق من النوم بتغطس بسطل أملشن وبتطلع...

طيب بلاش المسلسلات الأردنية والخليجية، خلينا نحكي شوي عن المسلسلات السورية والمصرية اللي هم المفروض رواد الدراما في العالم العربي، ما بعرف شو اللي صاير إنه التمثيل المبالغ فيه زايد هاليومين، كإنه بدهم يضحكوا الناس أو يثيروا مشاعرهم بالعافية، زي شخصية أبو بدر في مسلسل باب الحارة، يعني مش هيك، زنخت، إنه واحد على البركة وفيه وشة أو أي إشي بس مش لها الدرجة، والمفروض الناس يعتبروه الشخصية الكوميدية في المسلسل، وفي المقابل شخصية أبو حاتم اللي عاملينه أبو زيد زمانه، بتحسوا حتى وهو بحكي مع مرته وبناته بتخن صوته زي اللي بطوشة، مش هيك يعني... وبنرجع كمان لحركات الراس وهم بحكوا، في حدا وهو بحكي بضل يهز راسه؟ ليش؟ ليش؟

وفي كمان ظاهرة الشخصية الضحية البريئة اللي كل الناس بحبوها أو ظالمينها أو أو أو... زي مسلسلات يسرا، بتكون هي أحسن وحدة في الدنيا وحوليها مجموعة من الأوغاد اللي يا إما بدهم يتجوزوها يا إما بدهم إياها تدخل السجن أو تنعدم، وهاي الظاهرة مش في المسلسلات المصرية بس برضه في مسلسلات تانية زي المسلسلات الخليجية اللي بكون المسلسل فيها على اسم الشخصية الرئيسية في المسلسل...

كان في بالي حكي كتير بس هادا اللي متذكرته حالياً، على أي حال للموضوع بقية إن شاء الله بركي رجعنا نشوف مسلسلات بمستوى الجوارح أو التغريبة الفلسطينية بدل هالـ... خلينا ساكتين!

بنت عيشة... بس سمرا

Sat, 19 Jul 2008 13:14:00 GMT

في أشياء لسا مش قادرة أستوعبها فس مجتمعنا، يمكن أنا استيعابي بطيء أو يمكن هاي الأشياء مش مفروض حدا يستوعبها أساساً

يعني لما وحدة تكون متزوجة واحد بعاملها، عفواً، أحسن من الزبالة بشوي، وبعمل فيها كل عملة ولا التانية، ومين ما بسمع عمايله، عفواً، بتف عليه، وبعدين بس يقولوا إنه البنت كانت ساكته عليه وما تحكي لحدا بقولوا...

"شكلها بنت عيشة وبدها السترة"

ليش هي كاينة مفضوحة عند بيت أهلها؟ وبعدين إذا هو مش "ابن عيشة" وإذا العيشة اللي عايشتها مش عيشة ليش بدها تكون بنت عيشة؟؟

طيب سيبونا من اولاد العيشة، أنا مش فاهمة شو عقدة البياض والشقار عنا إحنا العرب اللي مش قادرين نقضي عليها! كإنه الشقار رمز الحسن والجمال والسمار رمز البشاعة والقباحة... الله يقطع (فير أند لافلي) بس!! قال بيجيبوا البنت بتكن لابسة اواعي بتخزي ومبينة رح تعيط من الخوف وبعدين بس تستعمل فير آند لافلي فجأة بتصير عندها ثقة بحالها وأواعيها مرتبة! وقال شو قال بتنقبل في الوظيفة عشان بشرتها (مش عشان تغيرت 180 درجة) مزع...

بلاش دعايات فير أند لافلي؟ كم مرة سمعتوا جملة زي هاي:

"البنت بتجنن، بس إمها إنسي الموضوع سمرا وحالتها حاله!"

حالتها حاله؟ إيش يعني عندها شلل أطفال؟

هديك اليوم سمعت وحدة بتقارن بين وحدة وزوجها وبتقول إنه زوجها أحلى منها بكتير أما هي فـ"سمرة"، يعني كإنه ما في داعي توصف أكتر من هيك إنه خلص سمرا يعني أشكيف، بتتذكروا الأشكيف؟؟ طبعاً أنا كنت قاعدة وكوني سمرا واعتبرتها إهانة قررت ما أسكت وزتيت كلمة لما إجت فرصة مناسبة، وما في داعي أدخل هلأ في مزايا السمار وفوائده خصوصاً للبنات، بكفي إنه الناموس ما بقرب علي بدون ما أحط فيب ولا إشي، بينما إخواني بتهبروا في الصيف! الحمد لله يا ربي... وبكفي إني بكون مريضة وما بحس في داعي أحط إشي على وجهي عشان ما أبين صفرا ومسحوب لوني

طيب، ما علينا...

وكإنه إحنا ناقصنا ستيريوتايبس وتفكير محدود عشان يجيبولنا مسلسل تاني يحدد أفكارنا ويضيع وقتنا أكتر وأكتر... طبعاً عن بحكي عن زفت الطين "نور"، مع الاعتذار لكل وحدة اسمها نور

أولاً، المسلسل اللي بطلع عليه نظرة محايدة بشوف إنه أتفه من التفاهة، لأ ليش هيك بنغلط بالتفاهة أصلاً، لسا التفاهة ممكن تكون مبتكرة، هادا المسلسل تفوق على جميع المقاييس وعمل فئة جديدة لحاله، يعني في تفاهة وبعد التفاهة بتيجي "نور"...

أنا عن نفسي ما بتابع المسلسل بس بما إنه وين ما تروح بتلاقي عالتلفزيون وبما إنه الأحداث اللي فيه فش فيها أي نوع من الغرابة أو التجديد وكل 10000 حلقة بصير تطور جذري فصرت أعرف القصة...

ما بدي أبدا الحكي عن القيمة الاجتماعية عن المسلسل لأنه باختصار مسلسل تركي وقيمه علمانية، بس ما بدي أفوت في هادا ابموضوع وخليني في القيمة الفنية (شبه المعدومة)

يعني أنا نفسي ألاقي إشي مثير للفضول أو الاهتمام في المسلسل، إنه أي مسلسل سوري أو مصري أو أردني لسا أحسن منه وعلى الأقل ما بضل 90 حلقة! يا دوب 30 حلقة وانتهى الموضوع... يعني محور المسلسل كله عن حياة عائلة، عادي يعني عائلة واحداث بتصير، طيب؟ شو علة هالقلب هاي؟ وطبعاً كل ما تلاقي القصة سكرت يا واحد بعمل حادث، يا وحدة بتسقط حملها، يا واحد بنجلط (طبعاً كالعادة الجد الكبير كل 5 دقايق ينجلط، والعجيب إنه بدو يتجوز... نفسه خضرا) يعني لا ابتكار ولا تجديد ولا بطيخ مبسمر، واللي بجلط إنه حتى الأطفال بتابعوه، وبدنا أطفالنا يطلعوا مبدعين ويفكروا خارج الصندوق (آوت أوف ذا بوكس)، كيف طيب كيف وهم عم بتفرجوا على مسلسل بعرض مشاكل نور ومهند اللي مش كاينة تخلص وكأنها محور حياتهم؟؟

وكله كوم ومهند كوم! إنه خلص إنت يا بيرفيكت يا سوبر مان! وكل ما يطلع مهند عالشاشة بتلاقيهم حطوا موسيقى هادية إنه إجا الدونجوان (مع الاعتذار لجوني ديب)، والمشكلة إنه كل هالرومانسية والحب والغرام وبعدين ما بلحقوا يحكوا كلمتين مع بعض إلا بتخانقوا! زي كإنهم اتنين مراهقين مصاحبين مش اتنين كبار عاقلين متزوجين... أي قرف اللي يقرفكوا! إنه مش عم تفهموا على بعض اتطلقوا يا أخي، خليها تروح تتزوج عابدين المريض النفسي وخليه هو يروح يتزوج بطيخة نهال! هاي قصة تانية طبعاً، قال وحدة دعستها شاحنة وهي حامل وضلت عايشة في السر وخلفت ولد كمان (شكلها بتقرب للمخرج)، وقال عشان يزبطوا الحبكة قالوا كانت ما بدها إياه يعرف إنها عايشة، يا عيني على التضحية والإيثار! طلعت تركيا المدينة الفاضلة تاعت أفلاطون! تاهت ولقيناها... أما مهند، فكيف واحد مرته بتكون نكدة كل هالنكد وبكون لهالدرجة منيح؟ وفوق هيك بكون توب موديل ومعاه مصاري نعف، يعني بخلي البنات يفكروا إنه نور مش احسن مني، يا بيجي واحد زي سي كازانوفا بسلامته يا بديش.... وعيش يا قديش لينبت الحشيش..

وأحلى إشي كيف فجأة الممثلين بتغيروا... عادة في المسلسلات الأمريكية مثلاً لما ممثل يضطر يغيب عن التصوير بغيروا القصة، مثلاً لما "بري فان دي كامب" في "ديسبيرت هاوسوايفز" غابت عن المسلس عشان تولد، بكل بساطة عملوا في المسلسل إنها سافرت وصورا كم لقطة إلها من ورا من دون ما يبين وجهها كانت فيها ممثلة بديلة مش هي نفسها، وزادوا مشاهد "إيدي بريت" وبكل ذكاء المسلسل مشي وبالعكس يمكن نجح أكتر لأنه في ناس بحبوا شخصية "إيدي"... مش بكون واحد شعره لكتفه وما عند شوارب فجأة في الحلقة اللي بعديها بصير واحد شعره قصير وعند سكسوكة... وبعدين شكلو الأطفال بكبروا بسرعة رهيبة في المسلسل، يعني "رقية" ولدت و"نور" لسا حامل، وصارت بنت رقية مبين عمرها سنة ونور لسا حامل.... شو حامل بفيل؟؟ بس أكتر لقطة بتضحك واللي بتستاهل جائزة لما كان عابدين خاطف نور وبربطها في حبل وبقلها إنهم لازم يكونوا مع بعض وهي بتقول له: "إحنا أصدقاااااء" حمارة هاي؟

يعني باختصار، هادا المسلسل تفوق على ذا بولد أند ذا بيوتيفل وذا يونغ أند ذا ريستلس وعلى دايز أوف آور لايفز... لحظة لحظة، بعد التفكير يمكن لسا ما تفوق على ديز أوف آور لايفز، لسا بدهم كمان شوي، منيح إنه المسلسل لسا ما خلص!!

على كل حال، هاي نور شكلها مش "بنت عيشة"، منيح اللي مهند متحملها فوق ماى هي "سمرا"...

وعجبي

Yet another annoying Arabic commercial

Sat, 24 Nov 2007 11:08:00 GMT

"A woman and her husband arguing about something. The man is yelling and saying: I won't say this twice, your parents can't live with us. The woman tries to calm him down to discuss it quietly and convince him of that.

Then, she brings him a dish of food prepared with none other than Craft cheese. And all of a sudden the man is enchanted, and he's okay with his in-laws coming to live with them."

Yes, Arab men are nothing but insatiable gluttons with no sensitivity whatsoever so if you want to persuade them of something all you have to do is bring them a dish of food, specifically Craft cheese and they will be hooked. Cram his face and he'll be your slave.

Moreover, I find it very humiliating to show a woman begging her husband to let her parents live with them. I think that this is a very sensitive subject in our society and it should not be displayed in this way. Whatever happened to the renowned Arab chivalry and strong family bonds and duty toward parents, not only biological ones, but also in-laws. Cress cross all that and bring him a dish of Craft cheese in one stupid commercial, Ugh!

You might think I'm exaggerating, but those commercials are getting more stupid each day, they are lucky nobody is suing them!

Arabic TV Drama Awards

Thu, 11 Oct 2007 08:29:00 GMT

It's no secret I'm a fan of Arabic drama, Syrian drama to be more precise, but I do watch some Egyptian/Jordanian/Khaliji…etc from time to time. I think it's a very important part of our culture and many of these shows reflect social and historical aspects in the Arab world, however mind-boggling, poorly directed/ scripted some of them might be.

This Ramadan, like every year, producers invaded the screens with works that ranged between good and bad. As contradictory as it may sound, Ramadan seems to be TV's highest season, as the shows broadcast in Ramadan keep repeating throughout the year. Personally, having better things to do, I could only follow one TV series, but I did see some scattered episodes from other shows here and there, some of them I had to watch as a part of my job. Working in the media could be fun!

So, I was impressed by some aspects of those shows. Sometimes the acting, the direction, the plot, the music, etc. Other times however, it was the typical remarks on how bad they are. So it occurred to me this morning that, what if we have Emmy Awards for Arabic shows? And I started sorting them out in my mind, and continued all through my way to work. This is what I came up with, and of course it's all a personal preference…

أفضل ممثل في دور ثانوي

وائل شرف- باب الحارة

أفضل ممثلة في دور ثانوي

تاج حيدر- باب الحارة

أفضل ممثل في دور بطولة

تيم حسن- الملك فاروق

أفضل ممثلة في دور بطولة

صبا مبارك- نمر بن عدوان

أفضل تأليف موسيقي

الملك فاروق- (رم، طارق الناصر)

أفضل ممثل ضيف في مسلسل

عبد المنعم عمايري- الليلة الثانية بعد الألف

أفضل ممثلة ضيفة في مسلسل

منى واصف- باب الحارة

أفضل إخراج

حاتم علي- الملك فاروق

أفضل نص أصلي

قضية رأي عام

أفضل مسلسل

باب الحارة (مش رأي شخصي، إجماع جماهيري)

I still have many thoughts on those shows and Arabic shows in general, these will be posted in the days to come in sha'a Allah…