Research Methods

Wed, 18 Feb 2009 01:55:00 GMT

Today, one of my doctors said "life is what u make out of it".. Regardless of his lecture about research methods and all the numbers and symbols flying out of his mouth and arriving to nowhere!! He was right!!

Although I don’t totally believe that we always have much of a choice to make certain things out of our lives but still I just couldn’t take his words out of my mind all day, I felt he just showed up today for the first and only time just to answer my all time question “what am I doing here?!”

He came just to remind me that it was my choice to come over, it was my choice to go for it.. To take it the hard way and never to give up on myself, my dreams and, my future!

He came just to tell me that it’s not about the subject I don’t like.. Not even about the subjects I do like! It has to be all about what to do next? , what am I going to make out of it? And honestly.. Does it worth it??

He came just to answer these questions playing games in my mind for more than a month now.. To make me look myself in the eye and assure me that it’s no such a thing called impossible, that I should always be thankful for this chance, that I should get the most out of it and, that I must learn something new every day no matter how small or how hard it is.

To tell me that we always need to put more effort to gain the profit..

Thank you Dr. Tarek Coury.

سؤالاتي..ـ

Fri, 16 Jan 2009 00:35:19 GMT

ولسه السؤال العظيم بيطرح نفسه.. هم الاخوة الاماراتيه.. راحوا فييييييييين؟؟

من اول ماوصلت المطار وانا ملاحظه ندرة الاماراتيين..ـ

يعنى على مدد الشوف من اول مانزلت من الطياره ولحد ماطلعت بره المطار وانا ماشفتش غير تلات اربع غترات و سبع تمن جلاليب بالكتير منهم واحد مصرى قريب الاخت اللى طالعه معايا!!!ـ

طبعا السؤال ده ضمن اسئله كتير بتفط فى دماغى طول الوقت.. بس يمكن اهمها انه ازاى بجد في ناس ربنا خالقها بمواصفات مميزه اوى كده..ـ

قلب جامد.. سيطره غريبه عالمشاعر والاحاسيس.. وقدره عاليه على عدم الانتماء لأى مكان مهما كانت مدة حياتهم في المكان ده ومين ما كانوا الناس اللي سابوهم وراهم وسافروا!!؟

طبعا هالاقى الف مين يقوللى انتى ماتعرفيش قلوب الناس واللى فيها والتعود والظروف والجوابات.. وده حقيقى طبعا.. بس انا عالاقل باتكلم عالظاهر اللى انا شايفاه..ـ

حاجه امبريسيف عالاااااااخر!!!ـ

واخيرا اهم سؤال محيرنى ومش عارفه ارد عليه..ـ

ليه مصر وكل اللي فيها وحشونى اوى كده!!!؟

دبي..ـ

Mon, 12 Jan 2009 11:16:00 GMT

طبعا كالعاده لما باسافر - وانا مش باسافر كتير - باحس دايما بحاجه بتشدني للبلوج ده.. باحس انه اكتر حاجه بتقربني من صحابي و من مصر و حتى من نفسي.. هنا بيكون المكان اللي باقول فيه كل اللي باشوفه ومعظم اللي باحسه.. وفي هنا ميزه تانيه كمان ممكن تكون مش موجوده في اي حته تانيه .. اني مهما طولت الغيبه و بطلت كتابه .. بارجع الاقي البلوج قاعد مستنيني.. مش مأموص ولا عامل مش عارفني ولا لوم وعتاب والحركات بتاعتنا دي!!ـ

المهم يعني مش ده موضوعنا..ـ

دبي بقى يا حلويييييين.. اولا انا لحد دلوقتي مش مستوعبه موضوع دبي ده.. وكل يوم باصحى الصبح وافضل في السرير خمس دقايق ابص حواليا لحد ما اركز في تفاصيل المكان وسبب وجودي فيه وافتكر انا جيت هنا ليه وازاي ومش عارفه الحكايه دي هاتطول ولا ايه!!؟

طبعا اللي يعرف ظروف سفري دي هايحس اني دخلت فيلم كارتون في مصر وطلعت منه في دبي.. حطوا مزيكة توم اند جيري المستعجله في الخلفيه وتخيلوا معايا.. كل حاجه جت فجأه.. كل الخطوات بسرعه.. كل الاوراق على اخر لحظه.. وانا دماغي جزمه وحلفت مليون امين ماحط فردة شراب في شنطه الا لما تيجي الفيزا.. ليييييييييييه يا فوزيييييييه!!!!؟

طبعا ممكن جدا اي عيل صغير يتخيل منظري لما جت الفيزا قبل السفر بيوم واحد بس.. زي بالضبط الطالب اللي ساكن في المعادي ومدرسته في القريه الغبيه وصحي قبل معاد الباص بخمس دقايق.. منظر مرعب!!ـ

كل اللي في البيت بيجروا حوالين نفسهم واولهم انا.. احط الهدوم في الشنطه.. لألأ .. انا اصلا لازم اشتري شنطه الاول.. هاهاهاها.. ظريفه اوي ماشاء الله.. ماكان من الاول يابنت ال... تييييييييييييييييييت..!!ـ

لااااااااااااااااااااااااكن ربنا ستر..

جبت الشنطه.. حطيت حاجات ونسيت حاجات.. طلعت المطار وركبت الطياره.. وصلت دبي ورحت الاوتيل.. خير اللهم اجعله خير.. في ايه بقى؟؟ انا فين؟؟ مش فاااااااهم!!!؟

طبعا الاخت ريكا الانتيكا عارفه قصة نحس اهلي من زمان.. - وربنا مايقطعلنا عاده - يعني هاسافر كده بالساهل زي خلق الله؟؟ طبعا لأ.. ابسولوتلي..!ـ

تلات اربع طيارات تنزل دبي في نفس الوقت.. فيهم ييجي سيليون بيني ااادم.. معاهم ييجي اربعه سيليون شنطه.. ماتضعش منهم غير بتاعتي!! نقطه..!ـ

طبعا اللي يعرفوني كويس .. اكيد اشرار ومش مستغربين.. عادي يعني.. دي اقل حاجه عندي الحمد لله.. انا و الله مش باحب اشكر في نفسي كتير .. بس في الحته دي .. انا بجد متميزه..!!ـ

ااااااالمهم.. بغض النظر عن ضوضوع الشنطه -اللي كان فيها كل هدومي- لانها بحمد الله رجعت بعد يومين.. واحب من موقعي هذا اشكر الساده القائمين على قطاع الشنط المفقوده واهيب بحسن تعاونهم.. واسألهم .. قلبتوا ام الشنطه من فوق لتحت لييييه يا ولاد ستيييين .. تيييييييييييييييت..!!!؟

مااااااااعلينا.. يرجع مرجوعنا لدبي بقى.. بلد لطيفه ونظيفه جدا.. كل حاجه بتلمع.. شوارع حرير و ناطحات سحاب.. و الاخضر اخضر مش هزار.. بس ياعيني للاسف .. واضح ان اهل دبي كلهم جايبين عقود عمل في ليبيا علشان يجيبوا فلوس يعملوا الجاحات دي كلها ويأجروها للهنود!!!ـ

مافيشششششش واااااااحد اماااااراااااااتييييييي في اممممممم الللللللللبلددددد ددددديييييييييييي!!!!!!!ـ

تحس فجأه اول ماتنزل دبي... انك سافرت بالغلط الى مومباي.. طول مانا ماشيه.. ناهي ناهي ماما.. وروااايح غريييييييييبه.. مش عارفه الناس دي بتاكل اييه.. بيبببببي!!!ـ

لكن و الشهاده لله.. هاتلاحظ بعد ماتمشي في الشارع نص ساعه وحتى لو دلخت موول ولا سوبر ماركت.. ان برغم الروايح دي.. معظم الرجاله نظاف - شكلا يعني-.. ودي حاجه مش متوفره كتير.. ومعظم الستات على سنجة عشره - فول ميكاب وشعر معمول على طول وقليل القليل من اللبس- ودي برررررضك حاجه مش متوفره كتير.. انما الحاجه الغريبه فعلا و اللي كنت لاحظتها في السويد كمان.. اني قربت على اسبوع من ساعة ماخرجت من بيتنا .. ماسمعتش طفل بيعيط - اللهم غير بنات ناس مصريين كانوا معايا عالطياره ودمتممممم!!!ـ

واضح ان الحياه هنا مختلفه بجد ولسسسسسه ياما هاشوف !!ـ

same old u!!

Wed, 29 Oct 2008 12:31:00 GMT

And who said people can change!!?

When u came to me with that look on ur face..

it was more like an angle eyes!!

“how could an angle break my heart”!!?

I was about to believe that something have changed..

I was expecting u to show me the new u.. to prove me wrong!!

But hell no!! It’s just the same old u..!

حادث أليم .. لحد امتى!!؟

Sun, 07 Sep 2008 14:30:00 GMT

يعني و بعدين في الناس اللي بتموت كل شويه من غير ذنب دي؟؟!؟ هانفضل كده لحد امتى؟

كل يوم و التاني نايمين على مصيبه و صاحيين على مصيبه..ـ

و كأن بلدنا حلفت يمين مايعدي عليها يوم من غير نواح و انين!!؟

تفتكروا دي ممكن تكون رحمة ربنا بالناس اللي اصلا عايشين ميتين..!!؟

يعني لما يبقوا سبعه في عشه و قاعدين راضيين.. مش لانهم ملايكه ولا حاجه.. انما لان مفيش عندهم اختيارات تانيه ويصحوا الصبح على مصيبه زي دي.. لأ.. قصدي ما يلحقوش حتى يصحوا!!ـ

Research Methods

Today, one of my doctors said "life is what u make out of it".. Regardless of his lecture about research methods and all the numbers and symbols flying out of his mouth and arriving to nowhere!! He was right!!

He came just to remind me that it was my choice to come over, it was my choice to go for it.. To take it the hard way and never to give up on myself, my dreams and, my future!

He came just to tell me that it’s not about the subject I don’t like.. Not even about the subjects I do like! It has to be all about what to do next? , what am I going to make out of it? And honestly.. Does it worth it??

To tell me that we always need to put more effort to gain the profit..

Thank you Dr. Tarek Coury.

سؤالاتي..ـ

دبي..ـ

same old u!!

حادث أليم .. لحد امتى!!؟

يعني و بعدين في الناس اللي بتموت كل شويه من غير ذنب دي؟؟!؟ هانفضل كده لحد امتى؟

كل يوم و التاني نايمين على مصيبه و صاحيين على مصيبه..ـ

و كأن بلدنا حلفت يمين مايعدي عليها يوم من غير نواح و انين!!؟

تفتكروا دي ممكن تكون رحمة ربنا بالناس اللي اصلا عايشين ميتين..!!؟

يعني لما يبقوا سبعه في عشه و قاعدين راضيين.. مش لانهم ملايكه ولا حاجه.. انما لان مفيش عندهم اختيارات تانيه ويصحوا الصبح على مصيبه زي دي.. لأ.. قصدي ما يلحقوش حتى يصحوا!!ـ

تفتكروا الناس دي ربنا هايحاسبنا عليهم؟؟

تفتكروا الناس دي هاتيجي يوم القيامه تجري ورانا و تمسك في رقابينا..؟

الامهات اللي عيالهم راحوا و العيال اللي اتيتموا بدري و اتشردوا اكتر ماهم كانوا ضايعين!!ـ

العروسه اللي لسه ماكملتش خمس شهور؟

ايه كم الصريخ و الصوات اللي على باب المشرحه ده!!ـ

كل دول ناس مقهورين؟

كل دول ناس مالهومش صوت..؟

حتى وهم بيصرخوا مش مسموعين!!؟

عارفين..ـ

انا دخلت الدويقه دي ايام الجامعه.. عملت مشروع التخرج هناك!!ـ

قعدت اكتر من شهر باروح هناك كل يوم..ـ

و تصدقوا..ـ

لقيتهم ناس زيينا.. ناس عاديين!!ـ

بياكلوا و يشربوا و يحسوا.. مش بيناموا وهم واقفين!!ـ

عيالهم زي عيالنا بيلعبوا كوره و يطيروا طيارات و ممكن يجيبوا بلي ملون لو لقوا قرشين!!ـ

بيحزنوا و يفرحوا.. ويضحكوا وهم لسه معيطين!!ـ

عادي يعني زي كل البني ادمين!!ـ

قصدي مالهمش دية.. زي معظم المصريين!!ـ