كان فى انسان ( ضد الظلم )

كل سنه وانتى طيبه يا مصر

Fri, 29 Feb 2008 21:18:59 GMT

كل سنه وانتى طيبه يا مصر

والريس بخير

ومحافظ ع القصر

كل سنه وانتى طيبه

ومبارك علينا

اكل قوت عيلنا

ومأربج رجلينا

كل سنه وانتى طيبه

وجمالك جمالنا

يومين ويمسك

ويجيب اجلنا

كل سنه وانتى طيبه

وعزك حديد

نشيد ونبنى

احنا العبيد

كل سنه وانتى طيبه

ونظيف تاريخك

يخصخص يبيع

ويبوظ رغيفك

كل سنه وانتى طيبه

ونظامك حبيب

مخوفنا كلنا

ومقوى الغريب

كل سنه وانتى طيبه

ومنصور شبابك

يغرقنا يولعنا

ويدفنا فى ترابك

كل سنه وانتى طيبه

واذهرك سيد

نقول ونفتى

ومع الصهاينه نعيد

استغاثه الى اولى الامر

Mon, 06 Aug 2007 19:01:00 GMT

عزرا يا عرب

يستغيث عربى فى بلاده العربيه فى حقه فى اخذ الجنسيه فى بلد يشعر بنتمائه اليها ولايعرف غيرها وطن

فعزرا يا عرب

عزرا لعروبتنا المسلوبه عزرا

عزرا لشعورنا بالغربه فى وطننا العربى

واه حصرتا على العرب يعتبرونك غريبا

مالم تكن مولود هنا او هناك

لا حدود ياعرب

فكلنا عرب

ارجوكم

عاجل نداء استغاثةإلى ولي الأمر في الأمارات نصرخ بأعلى أصواتنا لا نعيش حياة الاستقرار دائمانعيش بقلق على المصير لأنه معلق أرجوكم الرحمة الشفقة بالله عليكم أن تسمعوا صوتنابالله عليكم إن كنتم تستطيعوا أن تفعلوا شيئاً فافعلوه أرجوكم أن تجيبوا على هذهالرسالة لا تهملوها كتبناها وكلنا أمل أن يسمع أحد صوتنا أغيثونا نحن كالزهور تفتحتوملأ قلوبنا حب الأمارات وولجنا من قلب الصمت لنجد الحب مطعوناً بالصبر وتعجبنا كيفقتل لتضيع كل أقوالي ومشاعري هباء
لا يدرك بشر ما أجد من ألم العزلة لأنه لميقتات المر ينتظر المد أو اليد تمتد بالأمل _ أعتذر عن كلماتي الحزينة أعتذر عن موتالعطر وزوال الأمن لن أحصد في خاطرتي إلا الشوك والغربة المرة وتأملت حصادي وتمنيتالدفء،عيون أطفالي مرهقة من النظر والتأمل قلوبنا كآباء تشتعل ألماً لا ينطفئأطفالنا في عمر الزهور .. لا يعرفون من الطفولة إلا أسمها لا يلعبون كغيرهم منالأطفال ..بل ليس في مخيلتهم مصطلح اللعب و مرح الطفولة منزوعة تماماً من وجوههمواستبدلتها الغربة لآبائهم بملامح الشقاء والألم والمرارة التي يكابدونها يومياً معآبائهم . آه ..يا للظلم من جعل البراءة تتحول عنوة إلى مرارة ..ومن حرم أطفالي منمتعة الحياة الهانئة والبسمة البريئة ..من ..ومن..أين حقوق الطفل التي يتغنون بها_هل لها معنى كلا ..كم تتوق نفسي لرؤية أطفالي يعيشون كأبناء الوطن الذي ينتمونإليه .ألا بكرامة بوطن لأطفاله على أرضه _لماذا يجعلهم وهم أطفال في عمر الزهوريعيشون الهم والحزن ويدوسهم الظلم ،إن أبنائي نشأوا على صدق الانتماء وهذا شيء نحمدالله عليه كثيرا ًإنهم نشأوا على إيجابية وطنية كالبذرة نميت في وجدانهم وإنها تثمربوضوح بتفوقهم العلمي كل عام _لماذا لا يساعدنا وطن الانتماء على تحقيق مستوى معيشيذو فاعلية في جميع أشكال نشاط المجتمع والقدرة على المعرفة والحياة في صحة جيدةلماذا لا يوظف هذه القدرة البشرية التي يتم بناءها لتصل إلى مستوى إنساني مرتفع يتسقمع سمو الإنسانية ويتحول إلى قدرة بشرية فاعلة إيجابية مبتكرة مبدعة ..(أسرة في خطر)أيعقل من يخدم هذه البلاد بهذاالنشاط لأن يعامل ويكافأ بهذه الطريقة ألست إنساناً وبشراً منتمي لهذا الوطن وليحقوق يجب أن احصل عليها يا حضرة مقام صاحب السمو رئيس دولة الأمارات العربية أنصفنيوأولادي واعطني حقي في الحصول على الجنسية الإماراتية من أجل العيش ولا أريد أكثر منذلك بعد كل هذه الكلمات المختصرة وكل المعاناة التي أعيشها أليس من الحق والإنصافأن أجد من ينظر إلى كل ما أطالب به بنظرة تنصفني وأولادي الذين ولدوا في هذه الأرضالطيبة . وإن لم أجد أشكو أمري إلى الله وهو خير المنصفين ولا حول ولا قوة إلا بالله.

ولرب ضائقة يضيق بها الفتى *** وعند الله منها المخرج

ضاقت فلما استحكمت حلقاتها *** فُرجت وكنت أظنها لا تُفرج

مش هسافر مش هسيب

Thu, 14 Jun 2007 18:17:00 GMT

مش هسافر مش هسيب
وفى البلاد اصبح غريب
بعدى عنك والله عيب

مش هسافر مش هسيب

ناصرى اخوانى شيوعى
حبك انت بين ضلوعى
ولو حتى اموت بجوعى

مش هسافر مش هسيب

ولو الكل سابك وسافر
وللموت سبونى هعافر
اموت شهيد ولا موتش كافر

مش هسافر مش هسيب

دة ترابك ليا قوتى
يضمنى وقت موتى
متفكريش بايدى سكوتى

مش هسافر مش هسيب

القيود منعانى يا اما
وقلبى متلهف لضمه
ولوفضلت حياتى ضلما

مش هسافر مش هسيب

هل انت فاسد ؟

Fri, 18 May 2007 22:51:00 GMT

هل انت فاسد ؟؟؟

نعم انت فاسد اه والله فاسد

انت مستغرب ليه؟؟ متزعلش قوى كدة

وانا كمان فاسد وكلنا نشارك فى مؤسسه الفساد بختلاف انواع الفساد ( انا مءولتش انك احمد عز مثلا ) بس انت وانا فاسدين على قدنا وحسب وضعنا الاجتماعى والوظيفى نفسد بمقدار هذا الوضع هقولك اذاى

استعمال الوساطه والمحسوبيه_1

عايز اطلع رخصه ياعمو عايز اشتغل والنبى يا اونكل عايز اتنقل من الشغل يا خالو عايز اتنيل على عينى يا عمتو وكل دة مش من حقك

الرشاوى _2

يعم اديلو وهيخلصك على طوول هما بتوع الشهر العقارى كدة ياعم متحبكهاش انا هظبطك بس خلصلى رخصه المحل ياعم مخالفه ايه خد بس وشيل المخالفه ياباشا طبق ايدك فى خمسه جنيه ولا جوة البطاقه وهيخلصلك الى ميخلصش وكتير كدة والامثال انتم عرفنها

الغش فى الامتحانات _3

السؤال دة وخلاص ياعم عيزين ننجح هطلع البرشامه دى وخلص حط الاستيكر دة على البنش ربنا يخدك انت والمراقب الى سيبك تعمل كدة

وكتير كتير من انواع الفساد بس حبيت اقول ان احنا لازم ناخد بالنا ومننجرش ورا فساد انفسنا عشان لما نتدرج فى الوضع الاجتماعى والوظيفى هنعمل ماهو اكثر من ذلك لان دلوقت احنا بننظر للى بنعمله ونقول دى حاجة بسيطه وكل ما هندرج فى الموضوع لحد منوصل لاكل مال الشعب وهنقول دى حاجة بسيطه

يبقى انت فاسد ولا لا

اه منك يا حب

Sat, 12 May 2007 00:07:00 GMT

اه منك يا حب

كم ظلمت ؟

وظلمت

بيدك ام بيدنا

بداءت وانتهيت ؟

قدرا مشى بنا

ام امرت وتحكمت ؟

قلوب تحيا بالحب

وقلوب امت

قول لى

تغيرنا

ام تغيرت ؟

اعاقل انت ام جننت ؟

نحب ونهوى

وفجأه نكره

ونبحث عنك اختفيت

الوراثه مش هنا

Sat, 05 May 2007 22:29:00 GMT

مش هنا

الكلام دة مش عندنا

اياك تفكر يوم تمسك امرنا

انت مش واحد مننا

افهم بقى وابعد عننا

الرخامه دى مش طبعنا

مش الى زيك يحكم مصرنا

عيزين حد يحس بهمنا

انت فى قصر ساكن ومتربى ع الهنا

مش زينا دوقنا الضنا

ومن عرقنا متعرف سننا

نفرح نحزن يبان على وشنا

الموت والحياه

Fri, 13 Apr 2007 20:22:00 GMT

الموت

الموت بيقطف بيخطف من الايام
بيلم الصالح والطالح والكل عوام
لابيفرق طولك ولا سنك ولا وذنك كام

ولا يقولك امتى هيجيلك ولا يدق الباب
وفى ساعه غدر يكون عندك ولا يدق الباب
خد منى نصيحه ومتعملش للدنيا حساب

دة الكل سيبها ومروح من غير ميقول
ودموع العين من احبابه تنزل على طوول
وهو يوم والتانى وهينسى ويصبح مشغول

الدنيا مشاغل وتلاهى ودة طبع الناس
وسعات الموت بيريح ناس من ناس
ويخلى الظالم فى نهايته تراب ينداس

الدنيا دى قصه وحدوته ومسيرها زوال
اكتبها بحرفه وبروزها عشان تتقال

عايز فلوس ؟؟ عايز عربيه ؟؟ عايز شقه ؟؟ عايز تنجح ؟؟

Thu, 05 Apr 2007 18:44:00 GMT

عايز فلوس ؟؟ عايز عربيه ؟؟ عايز شقه ؟؟ عايز تنجح ؟؟

لو قلتلك كلمنى على الرقم دة وهديلك كل الى انت محتاجه فى الدنيا ورحت كتبلك رقم موبايل ولا اقولك روحت كاتب رقم داخلى عشان مكلفكش كتير هتعمل ايه ؟؟

هتقول لما اجرب ومش هخسر كتير صح ولا ايه طيب شوف بقى يا سيدى متتصلش بارقام المسابقات الى بتيجى على الفضئيات ولا على القنوات المحليه ولا تعمل حاجة من العبط دة كله

عندى ليك مفاجاه

مش هتكلفك كتير ولا هتدفع فواتير ولا رصيدك يطير

فضى نفسك ولو دقايق معدودة انا عارف حضرتك مشغول اد ايه بس حاول

ويسلام تكون بليل كدة والناس نيمه

وخش الحمام ايوة الحمام واتوضى وصلى ركعتين وادعى ربنا ادعى بجد خليك متحمس ولح على الدعاء

اكنك فى مسابقه بالظبط واطلب الى انت عايزة من ربك وشوف هتحس بايه بعد الدعاء ( صفاء نفس غريب ) وخلى الثقه فى قلبك وعقلك ان ربنا هيستجيب ليك بس مش دعاء واحد وخلاص دة انت لو فى مسابه هيطلعو عينك واضغط رقم واحد لو عايز العربيه وحاول الاجابه على الاسئله التاليه وحاول معرفه كلمه السر ومش هتعرف وهتموت نفسك عشان تكسب وهما الى فى الاخر الى بيكسبو من حضرتك

لا ادعى ربك واطلب وخليك طماع اطلب اى حاجة وكل حاجة وحاول كل يوم لحد ما ربنا يستجيب الموضوع مش صعب حاول اكتر من مرة ولو عشر دقائق فى اليوم وانت الكسبان

وكلمنى على المدونه

الى راح ذى الى مرحش

Fri, 30 Mar 2007 20:06:45 GMT

الى راح ذى الى مرحش

هو انا مش قولت محدش يروح وقاطعو الاستفتاء هى مش هتفرق معاهم صدقتونى

احنا والله شعب ذى الفل وكل الناس بتحسد مبارك علينا

وكل الدكتاتوريين عيزين يبدلو مع مبارك ويدفعو فرق وهو مش راضى

وخلاص التعديل مر واتوافق عليه وال ايه ( الشعب قال كلمته ) انهى كلمه بالظبط انا مش فاهم والله انا تبعت بعض اللجان وشوفت بعينى محدش قلى مفيش بنى ادم كان هناك وحتى الناس الى انا اعرفهم واختلفت معاهم نروح ولا منروحش راحو وقالو لا طيب يا ناس يا هو مين الى وافق اموت واعرف ويسلام يطلعو علينا فى التليفزيون يوصفو فى محاسن التعديل وجمال التعديل ويقولك اكيد هيحصل استخدام غلط للقوانين واحنا لازم نتصدى لكل من يسىء استخدام القانون ( قانون الارهاب ) وطبعا القانون فى مصلحه المواطن يعنى بدل مكان امن الدوله يخبطو على الباب يعينى ويفزعوك وانت نايم لا خلاص هتلاقى الظابط قدام سريرك وكله فى مصلحه المواطن ياسلام يا جدعان فى حكومه كدة فى الدنيا دى حكومه خسارة فينا والله

دمتم ال ايه بخير

قاطعو الاستفتاء على حريتكم

Sun, 25 Mar 2007 00:39:00 GMT

يا شعب مصر الواحد تعب من النداء عليكم انتو فين يا شعب مصر سمعين الندا ولا لأ. فوقو بقى انتفضوا لكرامتكم كل دة خنوع واستسلام حرام عليكم ارفضو التعديل ومترحوش الاستفتاء عرو هذا النظام امام العالم اجمع. حد يستفتى حد على حريته على كرامته على حرمه منزله يارب تكونو سمعين يارب يكون لسه فيكم نبض قاوم يا شعب قاوم ارفض اعمل اى حاجة

النظام فكرنا متخلفين عقليا او محناش فهمين لا قولو لا احنا فهمين ومش ريحين على الاستفتاء اللعين

وادعى رب العالمين يخلف علينا بحد من الصالحين يحكم ارض الكنانه وميكنش من الظالمين

معتش سكوت

علو الصوت

محناش رايحين

استفتاء لعين

ومش سكتين

معتش سكوت

علو الصوت

ولو هنموت

اكرم ليك

جوة تبوت

تموت مبسوط

صوتك عالى

وعمرك غالى

بس الموت

بيهون

طول ما فيكى

يا مصر عيون

شايله الهم

وحرق الدم

تفديكى بالدم

وتعلى الصوت

ضد الظالم

والله العالم

حبك قدري

ولو هموت

موته فى حبك تسوى كتير

محنا ولادك يا أم الخير

هى هىء دستور

Wed, 21 Mar 2007 15:07:00 GMT

والله الواحد مش عارف يقول ايه

ولا يبدء منين

عدلو الدستور ياشعب مصر واى تعديل تعديل مش للشعب دة للقصر هم اجتمعو عشان يزلونا ويلعبو فى الدستور وخلاص عرفين ان مفيش حد هيتحرك والشعب نبضو مات وحبيت ( ..........)من اعضاء البرلمان المصرى الى هما بيمثلو ال ايه الشعب وفقو على التعديلات لا دول الى بيمثلو الحزب الواطى الغير ديمقراطى الى بيمثلو الشعب صحيح هم الى قطعو عمليه اهانه الشعب المصرى بتعديل الدستور ياناس ياهو دة دستوركم حاولو الحفاظ عليه ارجوكم كفاياكم صمت كفايه خضوع واستسلام والى يعرف الشاعر الجامد جدااا نجيب سرور لو كان عايش دلوقت كان هيكتب ايه يلاهوى على الى كان هيكتبه انا بحاول مخرجش عن نطاق الادب بس مش اقدر استحمل خلاص يا شعب مصر يامعلم دول فكرينا متخلفين لا ( اسلوب استنكار مش محترم ) فهمنى طبعا

ولل حديث بقيه

دم اسرانا فى 67

Sun, 18 Mar 2007 14:55:00 GMT

من كام يوم زاع الكيان الصهيونى فيلم تسجيلى عن اسرانا فى 67

وعن عمليه اعدام لهم بايدى بن اليى عازر

فى كلام لازم يعرفه كل عربى شريف غيور على بلادة العربيه

لازم نقف امام هؤلاء الكلاب الصهاينه بكل ما اوتينا من قوة

ولازم ايضا ان لا نعترف بهم كدوله وان نعلم ان وجودهم فى منطقتنا العربيه موضوع مؤقت الى حين ان تفيق الامه العربيه وتخرج من كبوتها وان ياتى لنا رجل زعيم ك جمال عبد الناصر يرفض الاعتراف ويرفض التعاطى مع هذا المحتل الغاصب ونحن ك شعوب لابد ان نعلم ابنائنا ان هؤلاء الكلاب هم احقر اهل الارض وليس لهم مكان بيننا ومهما عملت الحكومات العربيه من خيانه نحن الشعوب لابد ان تعلو اصواتنا وان نقاطع هذا الكيان المغتصب وان يعرفو ان محاولات التطبيع كلها ستبوء بالفشل ولن نستسلم ولن نتعاطى مع الوضع المفروض علينا ولو تكالبت كل الدنيا علينا لابد من رسوخ فكرة عدم الاعتراف فى عقولنا وفى قلوبنا ون نتذكر دائما دم اخواننا الشهداء بايدى الصهاينه

لا اعتراف ولا مفاوضات مع الكيان الصهيونى

صياد كلام

Wed, 07 Mar 2007 13:50:00 GMT

قاعد فى حالى صياد قرارى
معايا كرسى وورقى قبالى
سنارتى قلمى وطعمى حبرى
صابر وصبرى هيهد حالى
وقلمى سايبه فى موج خيالى
وفجأة يغمز ويروح كاتب لى
ع السطر كلمة تمنها غالى

ملعون ابوك

Thu, 01 Mar 2007 15:02:00 GMT

ملعون ابوك يالى تهين المصرى

وتقولو ابنى فوق الهرم قصرى

دة انا باقى وانت واطى

وعمرو ما طال قهرى

حسنى مبارك يراس لجنه لكتابه تاريخ ثورة يوليو

Tue, 20 Feb 2007 19:04:00 GMT

وانا بطلع على بعض الجرائد القديمه فى بيتى وجدت هذا الخبر واردت ان اطلعكم عليه

جريدة الاخبار رئيس مجلس الادارة ورئيس التحرير موسى صبرى

الاحد 4 من ربيع الاخر 1396 4 من ابريل 1976

حسنى مبارك يراس لجنه لكتابه التاريخ اليوم

تعقد اللجنه العامه لكتابه تاريخ ثورة 23 يوليو اجتماعها الخامس اليوم برئاسه حسنى مبارك نائب رئيس الجمهوريه
يستعرض الاجتماع تقارير اللجان الفرعيه وطريقه دعوة بعض الاشخاص العامه لاستماع اليها عن احداث مصر السياسيه
منذ ثورة 1919 حتى الان . ومن المنتظر ان يتم تشكيل لجنه للبدء فى تدوين تاريخ الثورة تعقد اجتماعاتها لهذا الغرض
بمقر مجلس قيادة الثورة .

فهل حافظ حسنى مبارك على تاريخ ثورة يوليو

استشهاد صدام

Sun, 31 Dec 2006 22:57:00 GMT

عاش كما عاش ومات بطل

انا مش عارف اقول ايه ولا اعمل ايه ربنا يرحمك يا صدام يا بطل يا رجل العرب

انا بكيت مرتين يوم ما اسروك ويوم معدموك مهما فعلت ومهما حدث منك من اخطاء ولكن انت عربى اخى وقتلوك الامريكان والصهاينه و الصفويين وانا اعد مش قادر اعمل حاجة ضيعو علينا فرحتنا بالعيد قصدين يزلونا بس انت بطل ورافع رسنا

قبلت الموت بعزة وكرامه ورافع راسك ورسنا وقدر الله وما شاء فعل

انا بعزى نفسى وبعزى كل عربى ووطنى شريف

تخيلو مع كرهى لمبارك ونظامه بس لو حد جه عشان يحكم عليه او يزلو انا على استعداد ان ادافع عنه لحد ما استشهد وفرق شاسع بين مبارك وصدام البطل

بس ومش قادر اقول حاجة بس انا لازم اكتب شعر عن البطل صدام

الهم اقبله شهيد عندك وغفر له و ارحمه وادخله فسيح جناتك

الناس فى مصر

Fri, 15 Dec 2006 17:58:00 GMT

الناس فى مصر

الناس فى مصر من الفقر مش شيفه

والظلم طال وسال على الشفه

توبها اتقطع وعيزا مليون رفااااااااا

ايدك معايا متبقاش ذى الاطرش فى الزفه

امك هيبان جسمها وتخسر العفه

وبدل ما نبقى ولادها نبقى 70 مليون قفه ( اوفه )

يا صلاة الزين

Thu, 07 Sep 2006 19:16:00 GMT

يا صلاة الزين يا صلاة الزين

عبارة و قطرين يا صلاة الزين

يا وزير النقل يا اوستطنا سوق بينا وقول ريحين على فين

يا صلاة الزين يا صلاة الزين

على وزيرنا يا صلاة الزين

بما انى انا سايق بيكم وواجبى اوصل معليكم لموته تليق بالمصريين

تحبو تموتو فى عبارة ؟ الغريق شهيد والله خسارة مذكورة فى الدين

او قطر ذى الطيارة يتكعبل فى عقب سيجارة وهى موته كلها اثارة طبعا رضيين

يا صلاة الزين يا صلاة الزين

على وزيرنا ياصلاة الزين

منصور ركبنا الهوا وقلبنا و متسئلش ريحين على فين

انا شايف لو محدش عجبو يتمشى او يركب عجلو محناش نقصيين

يا صلاة الزين يا صلاة الزين

على جهنم كلكم ريحين

بحب الحمار

Wed, 06 Sep 2006 19:02:00 GMT

فى ساعه نهار شوفت الحمار واقف تحت شجرة بكل افتخار

بيبصلى و يحرك ودانو الطوال حسيت انو بيغظنى قولت لازم اعمل معاة حوار

اصلى طهقت من البشر بكل اختصار

قربت عليه وقلت السلام رد السلام عليه ومكنش باصص ليه

قلتلو حتى انت يا حمار بتعملنى المعمله ديه

قلى وانا اعرف ان كنت معايا وله عليا

قولت معاك وجاى طهقان من الى حوليه

مد ايدو وسلم عليا وقلى اهدا واعدنى جمبه بكل ذوق وحنيه

وبدء الحوار هوة فلت الحوار من اديه

سئل اسئله من برة ومن جوة

قلى ظروفك قلتلو مرة قلى شغلك قلتلو عاطل قلى دراستك قلتلو فاشل

قلى مين بيحكم مصر قلتلو واحد هناك فى القصر

قلى غير قلتلو مقدر قلى متقدر ؟ قلتلو عسكر

قلى برغم كرباج صحبى برفص رفصه اخليه يحبى

قلتلو بتقارن بينى وبينك دة انا انسان قلى عينى فى عينك

دة انا وسط الحمير حمار وانت وسط البشر حمار

ونتهى القاء فى ثوانى بعد الحكمه مجت فى ودانى

قلى هشوفك تانى قلت اكيد شىء مش بعيد

وفضلت افكر فى كلامو عرفت ان الى ميغير ويبطل يفكر يبقى وسط البشر حمار

ومن ساعتها بحب الحمار وليه معاه اكتر من حوار

حاول سماع الصمت

Wed, 06 Sep 2006 19:45:00 GMT

اسمعنى

اتسمعنى حاول ان تسمعنى
فانا لا اتكلم واريدك ان تسمعنى

لا تقل كيف

استنشق النسيم بانفك ستذوب الكلامات فى فمك وستسمعنى

لا تقل كيف

حاول سماع الصمت فانا لست قادر على الكلام سيوصلك الصمت
الى او الى الاوهام

لا تقل كيف

انت كنت تسمعنى بغير كلام اصرخ فى نفسى فتداوينى من الالام

لا تقل كيف

اتذكر حين كنا معا كنت اعشق الكلام اما الان فيطربنى الصمت

لا تقل كيف

حاول ان تستذكر ما فات حاول ان تعيد لى الكلامات افرغت فى اذنك
كل ما سمعت وقراءت وتعلمت من كلمات

فاغلقت عليهم اذنك ورحلت وتركت لى السكات

اتعرف لماذا لا تسمعنى ؟

فانت فى يد شخص اخر تسمعه كلامى فيطرب ويسمعك كلامه فتطرب

وانا فى يد الزمان يسمعنى رغم عنى ما لا اريدة من كلمات وانا اسمعه الاهات والانات

واتمنى رجوعك بالكلمات