أحزان شجر البطاطا: يوميات أبو الشريف

الدم بصيرش مي ( واقع غزاوي )

Sat, 19 Jul 2008 15:04:00 GMT

م : شايف اللي صار ؟ شريف : اه..ايش صار ؟ م : أبويا... شريف : مالو أبوك ؟ م : قطع المصروف !! شريف : مهو هادا اللي كان ناقص ! م : شايف ؟! يعني سافر و سابلي أخوتي الصغار قولنا معلش ! طردني من البيت حكالي خود إخوتك و دور على بيت إيجار...قلنا عندو أسبابو ! بطل يبعت إيجار البيت و حكينا بعين الله بطل يبعت مصاري لمدارس إخوتي قلنا بنستحمل و هلأ بطل يبعت مصاري بالمرة....كتير هادي... [اقرأ المزيد]

مباشرة من الحضيض !

Tue, 15 Jul 2008 21:40:00 GMT

ما يروح بالكو لبعيد..ما فقع فيا لغم الحمدلله...بس معبرة الصورة!! يمسيكم بالخير يا جماعة... على قد ما بعز البطاطا بتاعتي..و على قد ما كنت برتاح لما اكتب هون...مش ضرورة انو اكتب اشي جدي ولا هبل...كنت بحب مبدأ انو اكتب و أفضي هديك المساحة في عقلي اللي من مرور الأيام صارت محجوزة للمدونة... بس زي دايما... الأشياء بتتقل على الواحد بتخليه مش عارف ايش يكتب او حتى يفكر...و المساحات... [اقرأ المزيد]

فليحيا العته العام !!

Fri, 30 May 2008 00:09:00 GMT

زي دايما... مش عارف من وين ابدا بس الأكيد إنو عارف عن ايش بدي أحكي... أنا مش قادر أستطيع أقدر...يعني مش هيك...حرام ( عارف بإيش بتفكروا و مش حغير اسم المدونة لـ " أريد حلاً " ) الشغلة و ما فيها إنو جد نسيت اخر مرة عشت يوم طبيعي كإنسان طبيعي... انا كرهان حالي إنو بكتب الكلام هادا...بس لازم تعرفو اللي بصير عشان يوم ما تشوفوني علجرايد عامل مصيبة ما حد يلومني ( لسة ما قررت ايش هي !!) الموضة الجديدة... [اقرأ المزيد]

مازولا هناك أمل ؟

Sat, 03 May 2008 23:31:00 GMT

يمسكم بلخير... من زمان ما نكدت علي و عليكم و حكيتلكم عن وضع غزة و أخبارها... قبل أكم من بوست كنت حكيت عن مأساة المواصلات اللي عايشينها بغزة... ككل ظاهرة بشرية فهي بتبدأ بفكرة و تنتشر... فكانت اخر صرعات السواقين هي انهم حطو زيت قلي بسياراتهم مع اضافة مش عارف ايش عليه...نفسي اعرف مين اول واحد مستغني عن سيارتو و حاول ؟! المهم من يومها...أكيد زيت القلي غلي كتير و محلات الفلافل صارت تبيع الزيت المستعمل... [اقرأ المزيد]

عاطل عن الحياة

Sun, 20 Apr 2008 00:13:00 GMT

غسل وجهك...جاهز كباية الشاي...جاهز وطي الصوت...جاهز إسترخي...خود نفس عمييييق...ركز... إبدأ !! بقول إبدأ... ألو ؟ أي حد...يابو الشباب ؟! همممم....بجرب بكرة ! شايفين...هادا الحوار مش مع صاحبي ولا مع أي حد تاني...هادا الحوار اليومي بيني و بين مخي... زي ما بتعرفوا ( الصراحة أشك إنكم بتعرفوا ) من مدة و مع حملة ( هيييه!! يالا نلعن أبو غزة ) وقفت إسرائيل ضخ البنزين أو السولار أو أي إشي... [اقرأ المزيد]

مهو أنا بتنافى مع الواقع

Wed, 26 Mar 2008 23:03:00 GMT

كان لابد إنها تيجي اللحظة إنك تصحى فيها...مع إنو الواحد في غزة دايما بحاول إنو ما يصحى من أساسه..بس حتى الراحة الها حدود ممكن الواحد يستحملها... يوم عادي من أيام غزة اللي ما بتتغير بتاتاً...ما بين الجامعة و موجة الحر اللي مخربة الدنيا...ما بين الملل و التمسحة اللي بنعيشها...إجاني الإتصال اللي غير فكرة يومي !! شاكيرا بأعلى صوتها في نص الجامعة الإسلامية عشان تعلن موبايلي لسة شغال و برن،... [اقرأ المزيد]

طراطيش

Wed, 13 Feb 2008 12:15:00 GMT

الواحد طلعت روحو رسمي ( بداية مشجعة للبوست مش هيك ؟! ) يعني كنت ناوي إني أصير أكتب كل ما يصير فيه إشي بس الصراحة كل اللي بصير الواحد بتخزي يحكي عنو بداية من اللي صار بلعريش و القناعة الغريبة من شعبنا إنو من حقنا ندمر الحيط اللي بينا و بين مصر و نخش...مش بس هيك..و كمان نصير نطخ عليهم..!! و ياريت حد إستفاد من هلحركة هادي...سجاير و معسل و تجارة...حتى الأدوية اللي كان الواحد بتوقع إنو الناس تجيبها عشان... [اقرأ المزيد]

Dietetic schizophrenia

Fri, 30 Nov 2007 01:43:00 GMT

قبل ما تخافو و تقولو الولد صار معدي و تفتحو الويكيبيديا اتدورو و حالة....بحب اطمنكم انو هادا مرض غير معدي بصيبني انا لحالي ( انتو مش فاهمين و كتير منكم سكر الصفحة أصلاً ) فلاش باك...شهر من اليوم : نتيجة الزهق المفرط اللي بنعيشو و نتيجة الكسل و الخمول و قعدة الكمبيوتر اللي ممكن تصفي على 7 ساعات متواصلة يوميا فانو هادا كلو بسبب التجحيش و نعني بالتجحيش انو وزنك يصير اكتر من سعر البترول و... [اقرأ المزيد]

شتوية مباركة !!

Fri, 09 Nov 2007 21:38:00 GMT

مساكم قشطة...على فكرة...ممكن الواحد يصير يحكي مساكم غاز أو مساكم ملبورو...بما انها الأشياء هادي صارت إشي كبير...سمعت إنهم صاروا يودو للمريض بدل الورد قنينة كولا تنين لتر !! و قبل ما أبدا بموضوعي...في عندي ملاحظة لاحظتها ( والله تحسنت كتير...يعني مش ملاحظة لبستها أو ملاحظة ستويتها ) لا لا لا...لاحظتها إنو في مشكلة بالبلوجوسفير...طوشة من النوع التقيل...انا ما اللي و ما بتدخل...بس رسالة عشوائية...عيب... [اقرأ المزيد]

عام من شجر البطاطا

Sat, 22 Sep 2007 17:12:00 GMT

مساكم خير... يا سلام...شايفين قديش الوقت بمر بسرعة، مرت سنة من يوم ما فتحت مشروعي، الصراحة مش عارف ايش اقول، حاولت الطش اشي من مدونة ملاقط بس كلشي مختوم ملاقط فش اشي ممكن تقلبو على بطاطا، المهم...من اكتر من سنة بدينا مشروع التدوين انا و زميلتي بالعمل ايمان بس كانت المدونات بالإنجلش عشان كان همنا علوطن و بدنا نوصل أفكرانا و الكلام هادا و الصراحة إجت ايام جيدة ،مع انو مدونتي دايما كانت مضروبة... [اقرأ المزيد]