بستان الورود

الحقائق المره الي لازم تعرفونها

Wed, 22 Oct 2008 14:08:55 GMT

الحقائق المره الي لازم تعرفونها

الإشتراكية:
عندك بقرتين، الحكومة تاخذ الثنتين و تعطيك شوية حليب

الفاشية:
عندك بقرتين، الحكومة تاخذ الثنتين و تبيعك شوية حليب

النازية:
عندك بقرتين، الحكومة بتاخذ الثنتين ثم تذبحك

البيروقراطية:
عندك بقرتين، الحكومة تاخذ الثنتين، يذبحون وحدة، ويحلبون الثانية، وبعدين يكبون الحليب قدامك

الرأسمالية:
عندك بقرتين. تبيع وحدة و تشتري بقيمتها ثور.

يكبر رأسمالك و تبدأ تبيع

شركة عربية:
عندك بقرتين، تبيع وحدة و بتجبر الثانية تنتج حليب قد أربعة .. تنصدم لما تشوف البقرة بعد فترة فطست

شركة خليجية:
عندك بقرتين، تعين ألف واحد عشان يحلبهم ... تفخر بقضائك على البطالة

شركة يابانية:
عندك بقرتين، تعيد تصميمهم بحيث يكون حجمهم عُشر حجم البقرة العادية و تنتج حليب أكثر بعشر أضعاف.

بعدين بتصمم شخصية كارتونية إسمها بقرينو و تسوقها على مستوى العالم

شركة ألمانية:عندك بقرتين، تعيد هندستهم بحيث أنهم يعيشون مئة سنة، يأكلون مرة بالشهر، و يحلبون نفسهم بنفسهم

شركة بريطانية:
عند بقرتين، البقرتين مجنونات

شركة روسية:
عندك بقرتين، تعدهم تلقاهم صاروا خمسة، تعدهم مره ثانية تلقاهم صاروا اثنين واربعين، تعدهم ثالث مره تلقاهم صاروا ثمانية، توقف عد وتشرب لك فودكا ثانية

شركة سويسرية:
عندك ثلاثة آلاف بقرة، و لا وحدة منهم لك ... و تاخذ فلوس من أصحابها مقابل تخزينهم

شركة صينية:
عندك بقرتين، تاخذ من كل وحده شوية حليب... وتصنع لك الآف البقر البلاستك وتدخل في كل وحده شوية حليب ، وتبيعها على أنها بقر حقيقي

مسجات دافئه

Tue, 30 Jan 2007 23:19:00 GMT

اعزائي هذه مجموعة مسجات اخترتها لكم
اتمنى ان تحوز على رضاكم ...

أجيك كلي وادوخ بضحكتك كلي...
واموت في لهفتك واتلحف جنونك
لاغاب طيفك انا يامنيتي من لي؟؟
يجرحني ((البرد)) وتدفيني عيونك

خذني ... تعبت من الوله ... و البــرد هدَّني ..
لمني أبدفا من صقيع الليل باحضـــانك
جيتك عطش مُـنهك ذبل من نـُـضرة أغصاني ..
جيتك إثم " وردة غلا " تستغفر أغصانك

لو ما أبيك ..
ما تشوف
ضلوع صدري .. ثلـّجت
وهي تحتريك !
ما تشوف
الناس ماتت في عيوني
واختفت !
ما تشوف
الكلمه لامن جيت ابنطقها
اوقفت !
انت اكبر مشكله عندك حبيبي
ما تشوف
الله يهديــك ...

تمادى في ابتكار ((البرد)) و المنفى
تمادى واتمادى في خيالاتي
بـ صورك ((دفى )) أحضان لين اغفى
او انسج سيرتك موطن لـ آهاتي
أو استنزف طيوفك والطيوف اوفى
واضمد بـ اللقا يا المبعد ذاتي

((حطب)) الفرح غض ..
و((جمر)) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق )))

الحب ..
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح ان الهوى غلاب
ومن حب الهوى مره
يضل مرهون تحت امره
على حلوه
على مره
على(( برده))
على ((جمره))

ابيااات عجيبه

Thu, 18 Jan 2007 23:22:00 GMT

ابيات عجيبة تُقرأ مناليمين مدحا ومن اليسار ذما

قصيدة شعرية عجيبة ، نظمهاإسماعيل بن أبي بكر المقري ـ رحمه الله ـ والعجيب فيها أنك عندما تقرأها من اليمينإلى اليسار تكون مدحا ، وعندما تقرأها من اليسار إلى اليمين تكون ذما.

وإليكم بعضا من هذهالقصيدة

من اليمين إلى اليسار ... فيالمدح

طلبوا الذي نالوا فما حُرمــــوا **** رُفعتْ فما حُطتْ لهـــمرُتبُ

وهَبوا ومـا تمّتْ لــهم خُلــــــقُ **** سلموا فما أودى بهـــمعطَبُ

جلبوا الذي نرضى فما كَسَدوا **** حُمدتْ لهم شيمُ فــمـــا كَسَبوا

من اليسار إلى اليمين ... في الذم

رُتب لهم حُطتْ فمــــا رُفعتْ**** حُرموا فما نالوا الـــــذي طلبُوا

عَطَب بهم أودى فمــــا سلموا**** خُلقٌ لهم تمّتْ ومـــــــــا وهبُوا

كَسَبوا فما شيمٌ لــــهم حُمــدتْ**** كَسَدوا فما نرضى الذيجَلبُوا

============ ========= =========

ومن عجائب الشعر كذلك

ألــــــــــــوم صديقـــــي وهـــــــــذامحــــــــــــال

صديقــــــــي أحبــــــــــــه كـــــــــلاميقـــــــــــال

وهـــــــــــذا كــــــــــــــلام بليــــــــــغالجمــــــال

محـــــــــــــال يــــــــــــقال الجمـــــــالخيـــــــال

))) الغريــبفيـــــــه..أنــك تستطيـــع قراءته أفقيــا ورأسيـــا (((

============ ========= ========= =====

وهذه قصيده عباره عن مدح لنوفل بن دارم
اذا اكتفيت بقراءة الشطرالاول من كل بيت
فإن القصيده تصبح هجـــــاء

قصيدة المدح

إذا أتيت نوفل بندارم **** امير مخزوم وسيف هاشم

وجــدته أظلم كل ظــالم **** على الدنانيرأو الدراهم

وأبخل الأعراب والأعـاجم **** بعـــرضه وســرهالمكـاتم

لا يستحي مـن لوم كل لائـم **** إذا قضى بالحق فيالجرائم

ولا يراعي جانب المكارم **** في جانب الحق وعدل الحاكم

يقرعمن يأتيه سن النادم **** إذا لم يكن من قدم بقادم

قصيدة الذم

إذا أتيت نوفل بن دارم**** وجدتــه أظلـم كل ظـــالم

وأبخل الأعراب والأعاجم **** لا يستحي من لومكل لائم

ولا يراعي جانب المكارم **** يقرع من يأتيه سنالنادم

رواد الكوفي شوب

Tue, 09 Jan 2007 18:06:00 GMT

السلام عليكم ورحمه الله وبركاته

وانا قاعده بالدوام اليوم طق براسي اشرب قهوه من ستاربكس واااو بس مو سالفتي مو القهوه

J سالفتي يا الحبايب عن رواد الكافي شوب تعالو ندخل واحد من هالكوفي شوبات اللي ترس المجمعات والاسواق والشوارع ونشوف

واحد قاعد بروحه مجمع جرايد الكافيه كلها يعني انا مثقف واهو قاعد يتصفح الاعلانات وايده الثانيه ماسكه التلفون يسوي سييرج على البنت الحلوه اللي قاعده جدامه على الطاوله الثانيه مع رفيجتها تلقاها لابسه ذاك البدي الضيج والتنوره اللي مادري شلون صايره لا بعد هابين هالايام تنوره قصيره وبوت @@ عجايب والوجه فل ميكب تقول رايحه عرس مو كافيه وهيا يعني ثقيله ما تتلفت ورفيجتها ماخذه التلفونها علشان لا يبين انها قاعده تقبل البلوتوث!!!! والحبيب مسكين يدز بلوتوث حق كل اللي بالكافيه يمكن يصيدها J

على الجانب في طاوله عليها شبااااب 3 ولا 4 قاعدين ضحك وغشمره وعشر تلفونات على الطاوله @@ واحد منهم حط له نك بنت ومقزرها على اخينا بو الجرايد ههههههههههه ومتراهن مع الربع انه ايب اكبر عدد من ارقام تلفونات علشان يدفعون احسابه لوووووووول لا وبعضهم ما يطلبون الا مااي اوفر J

هذا غير اللي ايبون اللاب توب معاهم ويشبكون اعنوبو داركم رحمو عيونكم شوي في البيت انترنت وبرى البيت انترنت

بس المسيكين ما الومه ما يقدر يفارق الحبيبه اللي مو راضيه تكلمه بالتلفون ملاحظه "ما اجمع الكل"

هالايام بعد تشوف لك قروب حريم كبار((متقاعدات وما عندهم شغل)) يقولون عنهم سيدات المجتمع قاعدين يعدون حق برنامجهم الانتخابي في حاله حل المجلس وهما بيوتهم خايسه قاطينها على الخدم @@

وفي الكافيه داعوس ((مكان جانبي منعزل)) على جنب في طاوله ولا طاولتين تلقى وحده واحد قاعدين يضحكون مستانسين جنهم كناااري والولد كريم شاري لها كوب قهوه اكبر حجم والبنت من طقت استحي اشرب جدامه وهيا شاقه خشمها القهوه بس خايفه تروح الحمره

تلقى اثنين من جنسيه اجنبيه او عربيه مره وريال مجابلين بعض يسحكون بهالزقاير وويشربون هالقهوه وتلقى بنااات بالطاوله اللي قريبه منهم خوش بنات شكلهم محترم بس طايحين له خز بهاذي ام الزقاير وي وي حسبي الله عليها ما تستحي على ويها ترد عليها الثانيه قلت ادب حكرونا بالزقاير وهما قاعدين بمكان للمدخنين

وتمر لك وحده لابسه بنطرون لو وست وذاك الجسم الحلو والشعر بوووي والمشيه اللي هيا كل اللي بالكافيه طارت عيونهم عليها والصدمه تطلع لك جنس ثالث هذي بعض النماذج اللي تشوفها بالكافي بس اكيد بكل مكان نشوف الشي الزين والشين وفي الصالح والطالح

مع ارق تحياتي

اشعار مجنونه

Fri, 29 Sep 2006 16:17:00 GMT

سيره ذاتيه

اقول احبك .. يا قمـــــــري
آه لوكان .. بإمكاني

فأنا انسان .. مفقود
لا اعرف في الارض مكاني

ضيعني .. دربي
ضيعني .. اسمي
ضيعني .. عنواني

تـــــاريـــــخي؟؟؟؟
مالي تاريخ !!!

فإني نسيــــان النسيــــان

اني مرساه لا ترسو
جرح بملامح انسان

نتخاصم وتتصالح يدينا

صداقه يدينا
اقوى من صدقتي معك
واصفى واعمق
فحين كنا نختصم، ونغضب
كان يدانا تلتصقان ،وتتعانقان
وتتغامزان على غبائنا

الجنين

اريد ان استبقيك في جسدي
طفلا مستحيل الولاده
وطعنه سريه لايشعر بها احد غيري

منغير يدين

لم اكون منتظرا... حين قبلتك ان انسى لديك الشفتين
ولم اكون منتظرا ... حين عانقتك ان ارجع من غير يدين

اهلا وسهلا بكم

Fri, 29 Sep 2006 12:05:00 GMT

اهلا بكم اعزائي في
بستاني
المتواضع واتمنى ان تسعدو
بين ورود