عيد الحب يا عيد الحب

Wed, 14 Feb 2007 20:21:00 GMT

لازم اتكلم مش هينفع كده

ما هو انا مينفعش اشوف الغلط واقعد ساكت ..وعمال اقول انا حر انا حر

معلش يا جماعة استحملوني شوية

ممكن يكون الموضوع رخم شوية لكن دي وجهة نظر ...ولا زم اقولها

فالنتين داي

كل ما اروح في حتة الاقي الدعاية مالية كل مكان كل سنة وانتو طيبين ، عيد حب سعيد ، هابي فلنتين داي

كل المحلات والشركات استغلت الظرف ده للدعاية لنفسها من اول شركات المحمول اللي تشوف الإعلان بتاعها تبقا عايز تعيط" علي غرار الأفلام الأمريكاني "

ده حتي عم عبده بتاع الفول عامل دعاية للمحل بتاعه

" كل سنة وانتو طيبين يا افانديه بمناسبة عيدد الحب ومحلات عم عبده تقدم تخفيضات وهدايا لهذه المناسبة السعيدة -فحل بصل علي كل 50 قرش فول "

الدنيا كلها بقت احمر في احمر ... ولا كأن الأهلي بيلاعب الزمالك ... محلات الهدايا والتحف باسم الله ماشاء الله شغالة علي ودنه ..كل واحد ماشي في الشارع معاه دبدوب علشان يقدمه للي بيحبها -كأنهم طول السنة مش مقضينها فسح وهدايا - لا وواحد صاحبنا حب يجدد في موضوع الدببة ده

قالك يعني مفيش عرايس غير الدببة انا هاجيب حاجة تانية ... لقيته جايب عروسة علي شكل قرد باسم الله ما شاء الله - ذكاء فوق العادي -

ده غير طبعا كل ما تمشي تلاقي 2 -2 ماشيين مع بعض حاسس كأني ماشي في أمريكا او بلد اوربيه

ولا كأن في فساد في البلد - ولا كان في واحد عايز يعدل الدستور علشان يورث ابنه - ولا كأن في ناس بتموت من الجوع - ولا كأن ثروات البلد بتتنهب وكل يوم مصيبةجديدة

حسيت النهاردة ان الحياة وردي ..والدنيا ربيع والجو بديع

حاجة تفرس والله

مين هو فالنتين

(القديس فالنتين) اسم التصق باثنين من قدامى ضحايا الكنيسة النصرانية قيل: انهما اثنان، وقيل: بل هو واحد توفي في روما إثر تعذيب القائد القوطي (كلوديوس) له حوالي عام 296م. وبنيت كنيسة في روما في المكان الذي توفي فيه عام 350م تخليدا لذكره.
ولما اعتنق الرومان النصرانية ابقوا على الاحتفال بعيد الحب السابق ذكره لكن نقلوه من مفهومه الوثني (الحب الإلهي) إلى مفهوم آخر يعبر عنه بشهداء الحب، ممثلا في القديس فالنتين الداعية إلى الحب والسلام الذي استشهد في سبيل ذلك حسب زعمهم. وسمي أيضا (عيد العشاق) واعتبر (القديس فالنتين) شفيع العشاق وراعيهم.

ويقال ايضا في أن الرومان كانوا أيام وثنيتهم يحتفلون بعيد يدعى (عيد لوبركيليا) وهو العيد الوثني المذكور في الأسطورة السابقة، وكانوا يقدمون فيه القرابين لمعبوداتهم من دون الله تعالى، ويعتقدون أن هذه الأوثان تحميهم من السوء، وتحمي مراعيهم من الذئاب.
فلما دخل الرومان في النصرانية بعد ظهورها، وحكم الرومان الإمبراطور الروماني (كلوديوس الثاني) في القرن الثالث الميلادي منع جنوده من الزواج لأن الزواج يشغلهم عن الحروب التي كان يخوضها، فتصدى لهذا القرار (القديس فالنتين) وصار يجري عقود الزواج للجند سرا، فعلم الإمبراطور بذلك فزج به في السجن، وحكم عليه بالإعدام.

فاتخذه الرومان رمزا لهذا اليوم

نحب مين في عيد الحب؟؟

وانا بسال نفسي واسالكم ايه رايكم نحب مين في عيد الحب ؟؟؟؟؟؟؟؟؟؟؟؟

أنـــا حر..تم نقل المدونة الي الرابط التالي: شباب و جامعات

عيد الحب يا عيد الحب